[||][~الـقـامـوس الـتـراثـي ~][||]

[مزن هتان]

الهيور
لما ينحط الغدا متأخر
ما يتسمى غدا ينقال عنه هيور
صح ؟

شو معنى رُوزَ ؟

[دمعة شوق]

^
صـح الهيور اللي هو الغدا المتاخـر
:)

امم غششيني مزوون

[خنفروش]

دمعة شوق انا بغششج .. هاي كلمة من اختراع مزن هتان بس تبغي اتلعوزج .. والا معناتها صيام بالهندي .. هاي اللغة الي اعرفها (( عربي مافي معلوم )) .. لالالا يمكن هي اتسوي دعاية حق وردة روز ..

[دمعة شوق]

^

ههههه صـح صـح كـلآم خنفرروش

..

يالله خنفرروش عيل دامك جاوبت حـط كلمـه ~
اتريا ليين تييك مزن وتعطيك التصرريح ,

[مزن هتان]

السلام عليكم
دمعة شوق، خنفروش

شو يخص اخونا وردة روز بالكلمه ! خبصتوا
خلاص هالمره بصرح لخنفروش انه يحط الكلمه
عشاني أشوفه انسان روزَ ما شاء الله عليه


عالم و فاهم يعني مثقف من نواحي عديده

[مجموعة إنسان]

علي ولم !!!!!!! ههههه

شو يعني

[دمعة شوق]

مزوون انسانه روزَ :)
معلومة يديده ^^

/

مجمووووووووعة
شو هالكلمة S:

اممم علي تجهز ولا على ولم ياتي .. لوول

ابا اعرف شوو هالكلمة !

[خنفروش]

الله يسامحكم خنفروش الا عيمي (( وفي روايه زلمه )) وين بييب لكم شي تراثي .. جان تبون تراث ما وراء البحار حاضرين ..

يبغن ايورطني (( اصلا انا اتقاشرت على عمري - و الا اشدخلني في هالقسم من الاساس ))

شو يعني (( كولباك أو مارمولوك - بدون - دُم ))


مجموعه اي شي يتعلق بالاقل (( حوله على خنفروش )) بالاكل يعني

وبعدين التصريح يايني انا انت اسمك خنفروش و الا شكلك خنفروش و الا تمشي مثل الخنفروش


علي ولّم .. خخخخخخخ .. ما يأكلونك في البيت .. علي ولم اظن البطاط


و دام الكلام عن الاكل


شو هي الميرحانه


و تدرون شو كانوا يسمون مكينة الخياطه أول

[حلم الطفوله]

خنفروش ...يقولولك يا طويل العمر مكينة الخياطه يسمونها ( كرخانه ) ههههه صدق إني داثره


مجموعه ... علي ولم يعني بتيت وبروايه أجدد بطاطه وفيه عباره حلوه دوم يقولونها ( علي ولم درب السوق ما يندله )

عاد كل واحد اسمه علي يندس اليوم :)

[طفلة من هذا الزمان]

وانتي اشعنـه ما حطيتي كلمـــة // قامووسي متواضــــع بس بســأال و اخااافها انقـالت قبل

شو يعني ( نــــودان) ،،


ينقـــــــل للواحـــة القيمة لقيمته المعنويـة و استحقاقه البقـــاء في الذاكرة كمرجع غني للألفــاظ التراثيــة ..
.
.
طفلـــــــة

[حلم الطفوله]

طفله ...تصدقين إني نودانه !! فيني رقاد يعني


تعرفون شو يعني الروزنامه ؟

[طفلة من هذا الزمان]

مب الكلنــــدر (يا واد يا مسقف )

شو يعني ( وطـــر) ...

[حلم الطفوله]

وطرنا غير عن وطرهم ؟
وطر = زمن

شو يعني نصخ ؟

[المنصوري]

النصخ هو هذه اللي شو اسمه يوم الواحد يحاول ويحاول وبعد مره ثانيه يحاول انه ( اوووف تعبت ) انقطع نصخيه

[المنصوري]

ويقول الشيخ زايد الله يرحمه ويغمد روحه الجنـــة ,,

دنيـــا محلـــى وطرهـــــا .. فيــــهـــا زهـّـــت الأنواار
كثــــر الخيــــر وشيــرهــــا .. وتوفـــّــرت الأثمــــاااار