[||][~الـقـامـوس الـتـراثـي ~][||]

[دمعة شوق]

اووه سوري ياهويتنـا
:ice:
::

التـلـي
هو اللي يسونه الحريم في الكنادير والسراويـل::

شو هو الـقنـاد.؟

[عنود الريف]

أعتقد القناد هو نبات الهيل اللي يحطونها في القهوة فتكون القهوة ريحتها وطعمها يغلب عليه الهيل ..

مب متأكدة اذا صح والا لا ؟؟
بس بحط الكلمة الي بعدها ...

شو معنى كلمة الحول ؟؟

[دمعة شوق]

عـنـودي

يامرحبا السـاع والله
اجـابـتـج صـح

::

والحول يطوليه بعمـرج هـو السـنـة
؛؛

شـو معنـى كلمـة بنـكـه ؟!!

[دلع امونتي]

بنكة هي المروحه صح؟؟!!

ممممممم

المنفض

[دمعة شوق]

امم صـح البنـكـه هـي المروحـه
//
وعن المنفـض امم ظنيـه هو اللي ينفضون به الغبار
:kkk:
صـح ولأ ؟
؛؛
بس بحـط كلمتيـه
شـو يعني كلمة الفرده أو الخـزامـه

[تحفه]

بوظـبـي
جنجفـره ؟؟؟!!!
امم والله ماعـرف
اممم الجفـره يعني الحفـره
اما الجنجفـره ماعرفها ماعنديه فـكره

إسإلي هل البحر .. جنجفره معناتها الحينه فانيلة الريال الي يلبسها تحت ملابسه ..

الفقارا عادتن ما كانو يلبسونها .. كانو يكتفون بالكندوره و الوزار ..


والسموحه ماعندي صوره

[خيال الروح]

: :
:
الفرده = فردته النـعال ( طـبجـه )

الخـزامـه = هـو مثـل الحـلق الى يكون صغير الحجم يحـطونه على الخـشم
بس ما ادري اذا في تفسير ثاني

:
: :

[دمعة شوق]

حيهم والله
أم خدود
بالحل فديتـج ؛ وماعليج زود

//
خيـال الروح
اممم فـرده اممم لا لا ماظبطيهـا
والخزامه هـ هـ هـ جربتـي
بس تعالي انا بقـولـج شو تعني الفرده أو الخزامـه :
الله يسلمج هذي الفرده والخزامه جيه شرات الحلقـه * الدايره * على خشم الناقـه اللي يصعب
التحكم فيهـا ؛؛ فـ يوم تعصب على راعيـها وماتسمع كلامـه يسـحب الخــيـط اللي يكون معلق في الخزامه والفرده فـ يـعورها فـ غصبن عنها تسمـع كلامــه

يالله ياخيــال ويـن كلمتــج اللي تبيـن لـها ترجمـه .؟!!
brgll:

[خيال الروح]

: :
:

تـقريـبا نفـس المعنـى ..
انـزين شو هـــو ( جَارُوفْ او ياَرُوفْ)
:kcl:

:
: :

[عنود الريف]

انا بقوولج شو اليارووف ..
هو شبك يستخدمونه في صيد السمج وتكون فتحاته صغيرووونه ..

وانا بسألكم شو هو الماصر او الموصر نفس الكلمة ... ؟؟؟

والسمووحة

[صدى جوفي]

الـسلام عليكم ..
موضوع تــراثي جمـيل
~ الـقاموس التــراثي~
نحتــاجــه جــداً
.
.
تسلمين دمعـة وكل من شــاركـ
.
مـا أدري عنود الريف .. تعنين الغترة..؟

والسـكـتون .. شو يطلـع هـذا:kkk:

[دمعة شوق]

هـلا ومـرحبـا السـاع بـ صدى جـوفي
وعليج السـلام والرحمه
؛
نورتيـنا فـديتـج
:kcl:
السكـتـون يطوليـه بعـمـرج هـو المسـجبـه أو المسـدس باللغـة العـربيـة .!!
:smartass:
؛؛
إنـزيـن شـو هـو
الـكـوار

[فركوشه]

الكـوار يختي .. زامـه الشتــا

مثـل الصنــدوق نحـط فيــه اليمر .. يستخـدم قبــل للتـدفـأة أو للــشوي

والــ جفير .. شو يطلع ^_^

[قصايد غلا]

الله يسلّمكم الجفير : هو شي شرا السله لكنه مسوّاي بخوص النخل ويحطّون فيه الرطب أو أي شي ثاني
امممممممممممممم إنزيـــــــــن شو "الكشمه" ؟؟؟

[دمعة شوق]

الكـشـمــة
يطوليه بـعـمـرج هـي النـظارة الشمســيــة
؛؛

شـو يـعنــي
اللصــه

مثلا ً انا اقول لفـلانـه : يعــلج اللصـه
اللي يعرف لا يخبر حـد
هيهيههي