[||][~الـقـامـوس الـتـراثـي ~][||]

[حلم الطفوله]

ما حطيتي كلمه !!!

[دمعة شوق]

اندبغت يعني انضربت ,,

كلمـة ~ ألـوي ,,

مثلا .. فخاطريه ألوي ع حلم الطفولة ^^

[مزن هتان]

ألوي = ألمّ "أحضن"

رهيف ؟

[دمعة شوق]

رهيـف يعني حساس


كلمة يعـفـد

[أمطار]

يعفد = يقفز

شو تعني كلمة بنهي ؟
مثال .. يلا أنا بنْهَي الكلية "المزاريع يستخدمنها أكثر شي حسب معلوماتي"

[حلم الطفوله]

ههههههه ما سمعوج المزاريع جان بينهيون وياج

بنهي = بسير

فيه كلمه بنفس المعني ( بَزِر) بفتح الباء وكسر الزاي وتسكين الراء = بسير بعد

امطار ... أخجلتيني والله :)

شو معنى كلمة ( اِخْلاصَه )

[شوق القلوب]

والله موضوع غاوي... اول مره ادخله

[حلم الطفوله]

دمعة شوق ..توني انتبه

تسلميلي يا عسل من ذوقج وطيبج :)

[طفلة من هذا الزمان]

وهقتينــــــا بكلمة (اخلاصه ) ياا حلووم و شررردتي

اناا بخممممن و لا تقفطييني //

قصدج لخلاصه النوع من أنواع النخل ؟

الله يررحمك يا يدي .. كل مرة اقووله ابا اتعلم انواع الرطب و السمج .. بس ربي ما كتب

اذا اجاابتي صح // بااااجر بحطي كلمة


و اذاا غلط // ترى كلمتج مشتقه من الإخلاص و هي كلمة عربية تعني الوفااااء

[حلم الطفوله]

ضحكتيني يا طفله !!

يقولج ( لخلاصه ) هي عباره عن نهاية خلطة تذويب السمن البلدي إلي يكون مخلوط بالسنوت

وبعد ما يصفون السمن تعلق بالجدر الخلطة إلي شوابنا يحبون ياكلونها ويا جامي وتمر


اليوم وحده الله يذكرها بالخير تقول للمدرسات ...هاي حلوم معجم تراثي !!

جان أقولها مالي بارض اليوم انا ( ميهوده )

[طفلة من هذا الزمان]

أصـــلا أنا بالعمالـــه مجاوبه غلــــط

عشان أأكد لمجموووعة اني مال الحينه .. مب مال أول


حضرت مؤتمر في الشااارجه اليوم - جزء منه حرق دمي و من رديت و انا ميهووودة - أظني الاجنبي اللي عاااشيته دعا عليه


صح شوو يعني عاااشيت

[حلم الطفوله]

أونه !!

سلامتج وما تشوفين شر .... إنتي ما بتعاشينه ( هو يقول شيء وإنتي تثبتين العكس ) إلا لأنج صح :)

يستاهل ... دواه .... شو يعني ( دواه ) ؟

[شوق القلوب]

بعد.. دواااه... ! و يستاااااااااااااهل اللي يااااه...

..

شو رايكم بردي الغاوي

[حلم الطفوله]

غاوي شرات راعيته :)

ووين كلمتج التراثيه ؟

[دمعة شوق]

’’

كلمـة ( يـلـوط ) !