علــى ذاك الطريــق الـي يســمونه غـرام "واحـــات" ..

[المزيوونه]

السلام عليكم ورحمة الله وبركاته ..



((على ذاك الطريق الي يسمونه غرام "واحات"..وطت رجلي على دربه ولا أدري وش نوى فيني ))

كثير منا .. جمعته الصدف لأن يمشي على هذا الطريق.. الذي أوصلنا في النهايه ..
لغرام هذه الواحات المعطاءه ..

وهدفي من هذا الطرح ..

أن أعرف بداية هذا الطريق ..من أين ..!
من عرفكم على هذا الطريق .. أوكيف جمعتكم محاسن الصدف بهذا المنتدى الرائع ..!
وماهي مدى استفادكم من مشاركتكم هنا .. !
وما مدى تعلقكم لهذه الواحات.. !



ولكم مني جزيل الشكر
..

[مخاوية الامل]

وعليكمــ السلام ورحمـة الله وبركــاته ..

فكــرة حلوة يالمزيونـة أشكـرج عليهــا .. ..

الواحاات فعلا صـارت بالنسبــة ليــ أهم شــي فـ النتـ .. أصلا أنا ما أقعد ع النت إلا ع الواحــات ، ونــادرا أدخل المسنـ ..

اممــ .. من خمس سنيـن تقـريبـــا ..دخلت الواحات وحبيتـــهــا .. كانت على بداياتها ، بس الناس اللي كانوا فيها يجبرونج تيلسن وتسولفين وتناقشين وتفيدين وتستفيدين .. !
كيـف عرفت الواحــات .. ، . ؟ .. والله ماذكـر بس أظنـي إنه في حد في بيتنـا كان حاطنهـا الهوم بيـج .. !

على صغـر عمريـه ،، بس من الواحـــــات عرفت واايد أشيــاء أبويه يوم يسمعنيـ أطريهــا ، يقوليـه من وين تعرفين هذا كلــه .. (الله يخليــ الواحاتــ يا يبــه .. ) .. :)

الواحات صــارت جزء لا يتجـزأ من حيـــاتـي .. , ..
أحبهــا من كل قلــبي .. ، ... لو إن مشاركاتــي قليلـــة ، لكنــي أتـــابعــها بشكــل دائمـ ، وعمريــه مافكــرت أقطعهــا ,,.. ولا أفكــر .. ..

تسلميــن غنـــااتــي مرة ثــانيــة ..

ختج ..
مخاوية الامل ..

[بنت الدلع]

وعلــــــــــــــــــيج السلام والرحمه

موضوعج نايس
والهدف احلى

طال عمرج بداية الطريق كانت من (( ["]سعيد وحصه [/COLOR]))
اكيد الكل يعرفهم

بنت خالي كانت مطرشتلي ايميل عنهم >> [COLOR="Red"]يعني عن طريق بنت خالي ,, بس هيه مب مشتركه ويانا[/COLOR]
ويوم سمعته واايد عيبني
ظحك وسوالف ووناسه
ويوم دشيت عالمنتدى ماكنت اعرف شو السالفه
اول منتدى اسجل فيه هو واحات بن دبي
وكان على سنة 2002
وعلى سنة 2004 نسيت الباسوورد وسجلت بنك يديد
وبعدني مستمره في الواحات
والصراحه واااايد كانت ايام حلوه ومازالت هذي الايام
واستفدت الصراحه واايد من الواحات
حبيت القراءه + استهوتني هواية التصميم
وهالشي دفعني اني اسجل في دورة تصميم
والحمدالله واايد فادني

مواضيع الواحه العلميه فادتني كثير
والأخ قايد الريم ماشالله عليه مب مقصر في هذه الواحه

وبشكل عام

المواضيع واااايد شيقه وممتعه والواحد يستفيد منها الصراحه

(( هذي الاجابه عن الاسئله الثلاث ))

--------------

وما مدى تعلقكم لهذه الواحات.. !

عاد هذا خليه في صوب :ice:
صرت ما استغنى عن الواحات
اول ما احدر النت افتح الواحات
لان في كل مره احصل شي مفيد وممتع وفي كثير من الاحيان المواضيع تأثر فيني
بمعنى اخر اثرت في طريقة تفكيري
وهذا كله في صالحي

---------------

ثانكس مزيوونه عالموضوع الحلو
وانا بدوري اشكر كل الاعضاء اللي ساهمو في رقي الواحات
والصراحه جميلهم محد يقدر ينساه


احس بعدني ابا ارمس زياده brgll:
بس لازم اكتفي

[الشوق]

وعـليكم السلام ورحمة الله وبركاته
آآآخ دقيتي على الجرح يالمزيوووونه
و علــى ذاك الطريــق الـي يســمونه غـرام "واحـــات" ..

احببت هذا المكان حقا ...
كان ثاني منتدى احدره من بعد منتدايا لاولاني اللي سوقه انتهى .. واتبند
لكن كنت من اوائل المراقبات اللي تم تعييني اهني ..
كنت من مؤسسي هذا المنتدى
والمشرفات عليه
وكان بن دبي يوم يأسس قسم يديد ..
يسالني انا وبنت دبي عنه طبعا بدايات الاقسام لان كان في اول الطريج.. تونا على اول دريه
.
.
كنا من البنات اللي وزعنا دعوة الافتتاح في جامعتنا وطرينا الواحات في الجامعه من خلال الرسايل الجامعيه ..
فامتزرن هاك الفترة الدعوات ع البنات اكثر عن الشباب ( فكان الواحات بناتي قبل)
وكان الدور على بن دبي ان يكمل النص الثاني للشباب .. فقام ينشر اعلان عن منتداه عن طريق الجرايد .. وربعه ..
.
.


وما مدى تعلقكم لهذه الواحات؟
تعلقي لهذه الواحات
كتعلق البنت بامها
(( تبون الصراحه يت ايام وظروف فكرت اتراجع ......... (كمشرفه اداريه) ...
كلما اتراجع فترة ,,,,, اتيرني الموجه صوبكم .........
ربما الحنين ام الذكريات .. ام الشوق ..ام المكان .. ام الصداقه والاخوه التي وجدتها هنا ..
لكن في النهايه يقودني الحنين لغرام هذا المنتدى
.
.
من عرفكم على هذا الطريق .. أوكيف جمعتكم محاسن الصدف بهذا المنتدى الرائع ..!
اممم عن طريق الهومبيج مال بن دبي فكان يملك شات باسمه وصفحه خاصه بيه . .. فاقترحنا عليه ان يضم للهومبيج ماله منتدى خاص .. يضم بعض الاقسام .. وتكون الفائده احسن وافضل من الشات والسوالف اللي مالها اول من ثاني ..
في النهايه غلب المنتدى على الشات .. واتكنسل التشات والحمدلله .. وتم المنتدى
.
.
وماهي مدى استفادكم من مشاركتكم هنا .. !
اكتسبت خبره اداريه
اكتسبت معلومات مثريه
اكتسبت صداقات جميله
اكتسبت اخوه واخوات
اكتسبتكم انتم ... اتم والمنتدى هما الجوهر الحقيقي للبقاء والصمود ...
.
.
.
تبين الصراحه تعلقي بيه كبير وكثيرين يدرون اب هالشي
واني مالي غنى عنه ..
.
.
عزيزتي المزيونه اشكرج واشكر فنج
على هالروائع
خويتج/ الشوق

[الثعلب الرمادي]

أعرف المنتدى من سنة 2001 تقريبا ... أول كان غير أحسه أول كان مسلي أكثر مادري شو صار بعدين يمكن المنتدى نفسه تغير أو إن نفسيتي تغيرت مع الزمن فصرت أحسه أغلب اللأوقات ممل ... شي ما أنكره أبدا هو إن أغلب أعضاء هذا المنتدى هي ناس مثقفة و محترمة و الإنسان يكون سعيد بالتعامل معاهم ...

هذي كل القصة و شكرا يا المزيووونة على هذا الموضوع الحلو :)

[المزيوونه]

مخاوية الأمل

عيونج الأحلى الغاليه .. والعفوو ..

وهذا الحال ويايه انا بعد .. اذا فتحت النت اول صفحه ابطلها هي الواحات ..
مثل ما تقولين شي لاتلقائي .. او شي امبرمجين انفسنا عليه brgll:

عمر انتي والواحات عيل ..
الله يذكرهم بالخير .. ودايما الواحات بتظل تذكرهم .. يكفي انه من فتره لفتره تلقين حد منزل موضوع
وينهم الي راحوا ! ..

فعلا.. دايما لما يطرولي سالفه او موضوع .. تلقيني اناقشهم وانا مستوحيه ها الافكار من ردود الاعضاء .. وجهات نظرهم اخذها بعين الاعتبار وترسخ فبالي ..

والله يسلمج الغلا .. وشاكره لج مرورج الطيب ..

[المزيوونه]

بنــت الدلـــع

تسلملي عزيزتي ..

غني عن التعريف اخونا " سعيد وحصه "
انا كنت موجوده على أيامه .. صدق كانو وناسه ..

سوت فيج خير بنت خالج brgll: .. وسعيد وحصه كانوا دعايا للواحات ماشاء الله ..
والحمدلله انج استمريتي في الواحات ..
والاستفاده وايد حلوه .. سواء من تصاميم .. ومن معلومات علميه ..
وهذي صفقه لاخونا قايد الريم

المواضيع واااايد شيقه وممتعه والواحد يستفيد منها الصراحه

أنا وياج .. والأعضاء ماشاءالله مب مقصرين فشي .. مواضيعهم وايد حلوه ..


وعن مدى تعلقج .. كلنا شراتج ..
الله يخليلنا الواحات .. صفحات على ها الشبكه .. جمعتنا من كل مكان .. لازم بنتعلق فيها ..



ولكم عزيزتي .. وانا وياج اشكرهم

احس بعدني ابا ارمس زياده brgll:
بس لازم اكتفي

افا عليج .. مايردج الا لسانج .. البيت بيتج

[منصوري الدوله]

خذوهـا مني الواحات الحين في ازهى حالاتها بس شوي مفتقدين ناس مثل صدى الونه // فيلسوفـه // و آخــر غروب ؛؛ انا اشتركت عـن طريق أنسـان طلبت منه يدلني ع موقع فيه قصايد ولقيت الواحات وسجلت بها واختربت الواحات وبن دبي قال يالله تعالو اشتركو بنكات يديده وف 2001 دخلت بمنصوري الدوله واللي قبل كان منصوري الامارات ؛؛؛ واستويت مراقب فتره وخلاف تكنسلنـا للغياب والحين ندخل بس ع مواسم لان ظروف الدراسه وجيه تمنع غير عن المشاكل ؛؛

شكثر متعلق بهـا ؟؟؟

مممم يعني قبل كنت وايد يعني كنت اسولف مع الشواب عسب احط اشيا ف الواحه التراثيه لكـن الحين لا ما اعتقد اني متعلق بهـا كثر قبل ع رغم انها الحين احسن والله بوايد يمكن لان في اشيا تغيرت والاهتماماات منها ؛؛

قبـل كنـّـا رسميـّـيـن أكثـر الحيـن عادي احس جيه جووجااه ؛؛


الله يحفظج

[شهوووودة الأمورة]

موضووعج حلوو يالمزيونة أم غمازات خخخخ جان افضحج

ممممم ربيعت اختي كانت مشتركة .. وعن طريقها عرفت الواحات ..

استفيد من اشيا بسيطة ولو اني مشتركة من 2002 بس للحين ما احس اني ووااااايد استفدت منها ليييش مادري .. يمكن لاني قبل ما كنت اشارك وااايد .. ومش دووم يكون لي بارض للنت احسبه عااادي .. مادري ليش ..

مع انه الاعضاء اللي في الواحة ناس محترمين والنعم فيهم والمواضيع اللي يحطون حلوة ومنها الافاده بس انا نفسيتي وااااااااايد تلعب دووور خخخخ يعني مثلا ما يكون لي مزاج اني اقرى مواضيع

والحين العودة للجامعه فما اظن هالفترة الياية اني بدخل الواحه دوووم...

والسموووحة منكم

[ولد الحكومة]

وعليكم السلام ورحمـة الله وبركــاته ..

الواحة بالنسبه لي بيتي الثاني .. يعني ما يمر يوم الي واكون متواجد في هالواحة المعطاءة.

الصراحه الواحة اليوم مب شرات قبل .. أحس كل شيء اتغير .. قبل كانت أحسن وو المواضيع الي فيهااا اتهز جبال.

الصراحه الناس القبليين الي ظهروا تركوا بصمة واضحة بس للاسف محد يعرف عنهم شيء

بس بعد اقووول لازم كل شيء يطور .. والبركة في الشباب الموجودين اللحينه :bow:

عالعموم السموحه عالمداخة ومشكورين

[المزيوونه]

الشــــوق

ماشاءالله .. بنتيني وياهم اساس ها المنتدى عيل ..
وشادين حيلكم بالدعايا ..

همم شهدنا ها الايام.. بس الحمدلله رجعتيلنا .
.
.
حلو اللي اكتسبتيه وان شاءالله دايما اتمين محافظه عليه .. سواء من خبرات او صداقات ..
.

.
العفو الغاليه .. وها واجبنا .. وتسلميلي ع المرور الطيب ..

[المزيوونه]

الثعلب الرمادي

لأ شوف .. أنا أحس يت للواحات حالة ركوود .. لكن اشوف الحين ماشالله رد الها الحماس والبركه
فالأعضاء كلهم..
والعفووو .. وتسلملي ع المرور ..


منصوري الدولة

صح وانا وياك فها النقطه .. مفتقدين اعضاء قداما كان لهم دور وايد حلو فها الوااحات .. وارد اقول
البركه فالناس الموجودين حاليا بعد ..

احس جيه جووجااه ؛؛

كيف هاي بعد

بس صدقك .. الاعضاء وايد ماخذين على بعض .. وها الشي وايد حلو ..
يعني الواحد لو بيقولك وجهة نظره مايلقاله حد بينتفخ عليه او يزعل .. كلهم خوان ومتفاهمين ..
(ان شاء الله بس صح )

ويحفظك ..

[المزيوونه]

شهوووده الأموره

موضووعج حلوو يالمزيونة أم غمازات خخخخ جان افضحج

عيونج الاحلى خيتوو .. هيهي بلاها الفضاايح ..

همم .. يجووز .. والانقطاع عن الواحات مايخليج تتطلعين ع كل شي يديد فيها .. انا نفس الحاله
اوقات الدراسه احس ما يمديني وانا وانتي الحال من بعضه .. كليه وسكن وعفسه ..

بالحل غناتي .. وحيااااج ..

[المزيوونه]

قــايد الريـــم

الصراحه الواحة اليوم مب شرات قبل .. أحس كل شيء اتغير .. قبل كانت أحسن وو المواضيع الي فيهااا اتهز جبال.

شوف .. دوام الحال من المحال .. وانا احس ها الفتره وااايد تحسنت الواحات .. يعني الركود القبلاني
زاال ولله الحمد ..
ونفس ما قلت .. البركه فالشباب الموجودين الحين ..

بالحل اخوويه .. وتسلملي ع المرور..

[شهوووودة الأمورة]

مزيوونوووه خخخخخ ادري انه عيوني الأحلى :kcl: :kcl:
ما بتعطيني غماازاتج .. :harhar1: