واحد سألني وانا أسألكم

[المزوحي]

الله يسلمكم

واحد كان يسألني عن 3 سيارات لأهله ...

وعطاني 3 خيارات فأنا قلت بستعين بصديق ... :kcl:

المهم

تويوتا برادو باب واحد 6 سلندر - تويوتا راف فور ( اليديدة طبعا وهي تي بأربع أبواب ) - دوج كليبر

وجهة نظري برادو أحسنهم لانها 6 سلندر ومابتحن لكن ممكن تكون مرتفعه ... أما الراف أشوف سعرها مبالغ نوعا ما ... بالنسبة للدوج انا عموما ما أحب السيارات الأمريكية فأكيد بذمها
ولو كانت زينه وعندكم فكرها عنها وعن سعرها وسواقتها لاتبخلون علينا ...

وإذا في اقتراحات ثانية .... قولوا .. أنا اقترحت بعد هوندا أكورد ...

[جيز كيك سنيكرز]

اتمنى الاخوان يفيدونك

السموحه

[شرجاوي]

برادو باب واحد ما تنفع للبنات ... و الدودج خرابات على كيفك و سعرها بسرعه يطيح ...

ارشح الراف فور

[المزوحي]

شرجاوي .. الراف سعرها قوي عند البيع ... لكن مبالغ سعرها يمكن 106 تقريبا .. المهم
أنا وياك في إنها أحسنهم ... لكن شو اقتراحك غير هالثلاث ؟؟

عشان أحط الراف مع اللي بتضيفه

[شرجاوي]

شو اقول لك .. غير الراف ماشي

[المزوحي]

أوكي .. راف راف ....

[ولد الحكومة]

مرحبااااا

الصراحه انته ما استعنت بصديق واحد .. الا ماشاء الله اسعنت باصدقاء اكثار

انا اقووول الافضل :

الراف والبرادو >> افضل في الاستعمال وفيه جيمه >>>

الدوج >> << استعماله اوكي بس مافيه جيمه >>>


والسموووحه

[المزوحي]

يعني قايد الريم .. لأنه الخيارين من تويوتا ومن شركة يابانية .. بس مادري إذا فيهم تدخل استرالي !
المهم
يعني شلينا الدوج من القايمة

[ولد الحكومة]

يعني قايد الريم .. لأنه الخيارين من تويوتا ومن شركة يابانية .. بس مادري إذا فيهم تدخل استرالي !
المهم
يعني شلينا الدوج من القايمة

شيخي اغلب المواتر اليابانية تجميع استراليا ..

والسوووحة :nono:

[شرجاوي]

شل الدودج و خل بدالها شفروليه تريل بليزر

[المزوحي]

هممم ...... شفرولية ووو وشو عن تاهو ؟

[ذنـيـنـي]

التاهو اليديد خباااااااااااااااااال

صدق صدق سيارة على مستوى

و سعرها يبدأ من 128 الف للموديل الاساسي

و يصل الى 158 الف للرقم واحد

الفرق بينهم:

1- جلد
2- الرنقات اكبر
3- Dvd
4- رموت يشغل السيارة "يدقها سلف"

طبعا الاشياء الي فوق للرقم واحد

المحرك هو نسخه مطورة من محرك الـ 5,3 ليتر الي كان على الموديل القبلي
و فيه ميزة حلوة و هي انه يشتغل على 4 سلندرات اذا كنت تمشي على راحتك

و الجير الجديد مكون من 6 سرعات

ما اعتقد انك بتحصل مواصفات افضل بالنسبة للسعر
و طبعا الاسعار نفسها تنطبق على اليوكن العادي >> مش الدينالي

[المزوحي]

يعني أفضل عن انفوي

[ذنـيـنـي]

ما في مقارنه من بينهم

الانفوي فورويل صغير
التاهو في الفئة الاكبر و يقارن باليوكن

اذا كان قصدك بين البليزر و الانفوي,,

بصراحه ما عندي فكرة عنهم لأني ما جربتهم لكن الي اعرفه انه البليزر و الانفوي يستخدمون نفس الشاصي و المحرك و الجير و الاختلاف في الشكل الخارجي و التصميم الداخلي فقط

[الشيـــن]

احنـا كنا بناخذ الـ دوج حق البيــت
مادري بـ شوو بالظبط ذمهـا ..
بس عقب اخوي غير رايه وخذنا شفروليه ..