المتأهل الثالث ؛ وانـطلاق الجولة الأخيرة

[دمعة شوق]

السـلام عليـكم ورحمـة الله وبـركــاتــه

اليـوم بعـلن الـمتــأهــــل الــثــالــث للـدور النـهـائــي من مسـابقـة
نـجــم التصــويـــر
؛؛؛

بخــليـكم ويأ القـصـة بعدين بـذكـر المشـارك
بسم الله نبـدأ
\\

ياشباب البحر هايج اليوم
//

والموج مرتفع وايد ، الظاهر مابنغوص ولا بنصيد شي إذا الوضع إستمر جيه هالكم يوم
\\

هيه شوفوا حتى الجو مغبر ومايطمن بصراحه !
//

سمعتن آخر خبر ، يقولون الشباب متعنترين ويبون يواجهون البحر الهايج .. صدق الشباب ماعندهم سالفه يبون يتصارعون وياه وهو جيه خبايل شو ولا شو رايكن ؟
\\

يرمسون عن الشباب ولا جنه ريلي من بينهم ، قلت له لا تروح بس عنيد وراسه يابس والحين خايفه عليه :(
//

لازم أروح أمنعه ماأقدر أتم ساكته وإذا بيجازف ريلي على ريله
\\

ياجماعه اليلسه مامنها فايده إما نبدأ رحلتنا ونتوقع أي شي وإما نرد بيوتنا ونصبر لين يهدأ الجو .. أنا أشوف نرد أحسن .. لا لا صبروا شويه لا تستعيلون
//

أشوف زحمه هني ، الحين وين بحصله من بين ألف واحد والحبيب غالق موبايله .. ماشي غير اني أيلس وأتريا
\\

أوووووه ... شوفوا المزيون اللي خاطف .. (فلانه شو تسوي هني) فضحتنا احم احم شباب لو سمحتوا الاهل عن اللقافه الزايده بشوفهم أكيد يبوني فشي ضروري
//

الحين هاي شو أسوي فيها وراي ليل نهار حتى وقت الشغل صايره جنها لصقة بمباي
//

لا يكون حد صاير فيه شي ويكون هو والجو وايد كئيب :(

\\

يالله نشوا خلونا نرد بيوتنا .. هيه تعبنا أعمارنا على الفاضي اليوم .. هيه صدقك ضاع اليوم ونحن نتريا
//

وداعة الله ياشباب نلتقي على خير

؛؛؛؛

ماشاءالله عليـه ابـدع واسمينـي ضحكت على الاحـداث
واايد عيبتنيـه ؛؛ وصـاحب القصـة والصـور هـو
الاسـطـــــــــــوري
؛؛

وبـهـكـذا بيكون المتأهـل الـثـالـث لدور النهــائــي هو الاسـطوري
وأتمنى له التوفيـج واشكره على مشاركتـه
؛؛

انــــطــــــلاق الجــولة الأخيـــرة
وأيـضـا ً بهـذا اليـوم تنـطـلق الـجولـة الـرابـعة وهـي الجولـة الأخيــرة وبعد ذلك سيبتدي
الدور النـهــائـــي لنجم التصـويـر
وسوف استقـبل الصـور ابتـداء من اليـوم الجمـعـة 4\8\2006 م إلى يوم الجمعة القـادم أي يوم 11\8\2006م ؛
ولـن يتم استـلام الصور بعد هذا التـاريـخ المذكور أعـلاه
؛؛

هـذا وأتمنى التـوفيـج من الجميــع
وسأوافـيكم بأهم التـطورات للجولات السـابقـة
:smartass:
ويامـرحبـانــي

[بنت الدلع]

روووعه ماشالله

القصه ناايس لول استمعت الصراحه

تصوير واضح وحلو وعجيب وكل شي راكب على بعض

[طير الغرام]

قصه حلوه ماشاءالله
انا ماضحكنيه غير >> سالفة الموبايل (( غالق موبايله :hist: ))

.
.

بالتوفيق إن شاءالله لكل المشتركين ^_^

[تنينه]

روووووووووعه الصراحه :puppyeyes: عيبتني القصه كاانت صدق مشووقه ,, وجـو الصور باارد ومغبر وما ادري كيف ههه بس عيبتني الصوور وعيشتنا أجواء البحر لوول ,, أسمييك كنت متفيج يالس وأتصور ع الفير الطيور :harhar1: ,, بس رووعه:kcl:

أبدعت:qor9anah:

[الاسطوري]

السلام عليكم ..

مشكورين وعقبال مانبيض الويه في النهائي ، بس ترا في بعض
الجمل مختبصه لاتلوموني كنت مستعيل على
آخر يوم وبعدلهن للنهائي
إن شاء الله
:kcl:

وترا وقت التصوير الظهر مب الفير
ولا تسألوني كيف كل واحد
يدور عن الإجابه
بروحه
:harhar1:

الاســـطــــوري
أخوكم

[نجمة دبي]

الف الف الف مبروووووووووووك اخويه الاسطوري
والقصه عجيييييييبه وعيبتني وااااااااااااايد

وتستاهل التأهل الصراحه :)




نجــــ دبي ـــــمة

[ماوحشتك]

تســـــ ـتاهل يالاسطوري

احلى قصه شفتها للحيـن

بالتوفيق للجميع:kcl:

[هزاايم]

تستااهل يالإسطووري خخخخخخخخخخخ اسمينه ضحكت من الخاطر,,أحلى حاجه أونه هذوول من الأهل:hist: عن اللقافه الزايده,, عبنو حتى الطير لهم بهالسوالف غربلات الإبليس,,يا الله بالبركه أخويه عالتأهل وهالله هالله بالنهائي,,ماشاالله الصور روعه والقصه اروع سلمت يمنااك ولاهانت شيخي,,

دمعة شوق
تسلمين عالتنظيم لاهنتي يالشيخه

[دمعة شوق]

:kcl:
يعلني ماانحرم من ردودكم الغـاويـه
تسـلمون وماتقـصـرون
:sad4:
؛؛

يالله شـدوا حيـلكم للجولة الأخيـرة
:smartass:

[دمعة شوق]

أحـب أذكـركم أن اليـوم آخر يوم لتسـليم القصة والصـور
للـجولة الأخيـرة
؛؛
ومن بعدها سـيبـدأ الـدور النهــائــــــــي
وبالتوفيـج للجميـع
:smartass:

[صدى جوفي]

مــا شاء الله ع الروائــي

بدّعت ف الســرد الصراحــة & اسميهن الطير عليهم سوالف بعد brgll:

والصور جميــلة ..

بس عندي سؤال ..:kkk: هــذيلا أول صور لكـ فالواحــة........؟

موفق يــا الأسطوري ...)

[الاسطوري]

هــــــــــلا ..

"بنت الدلع"
"طير الغرام"
"تنينه"
"نجمة دبي"
"ماوحشتك"
"هزايم"

ماتقصرون وأفتخر بتواجدكم وردودكم التشجيعية
والحمدلله انها نالت على
رضاكم

"صدى جوفي"

لا عندي صور من قبل بس مب في موضوع
مستقل لأن للحين ماسنحت
لي الظروف

نحن بإنتظار المرحلة
النهائية

الاســـطـــوري
أخوكم

[الاسطوري]

ومازلنا في إنتظار الجولة الرابعة والأخيرة ،،
وينج يا دمعة شوق ؟