هــــــــــلا ..

"نبراس"

هدء من روعك أخي الكريم ولا تستعجل فالنصر على القوم الظالمين
قادم لا محال ،، أنا رمست بشكل عام وماذكرت إسم أي
حد وماقصدت حد معين بكلامي (ماقلت
إن الشيخ الفلاني منحط
ولا فلان دافعين
له فلوس عشان يفتي ولا أنا أحسن منهم كيف تنسب لي هالكلام)
وكلامي كان واضح يمكن قريته بسرعه ومافهمته وفي
هالحاله معذور إنك تفسر كلامي بطريقتك
الخاصة ،، بس دام إنك تطرقت
للموضوع بعلق عليه
بإختصار .. هل عقولنا ساذجه عشان نصدق إن أسر جنديين يسبب
هالحرب بدون مايكون مخطط لها من قبل والصحف الأمريكيه
أثبتت عكس هذا ومن قبل كم سنه بعد والجيش
الإسرائيلي على قوته من ناحية
السلاح إلا أنه ضعيف
من ناحية النفس والعزيمة ومعتقداتهم تسمح لهم بوايد أشياء على
أساس إنهم أطهر شعب على وجه الأرض والشعب اللبناني
بمذاهبه ودياناته واقفين ويه بعض ضد هالعدوان
والواجب علينا مساندتهم والوقوف
وياهم مب تفكيكهم
وتشتيتهم وإضعافهم عشان تتسهل الأمور لإسرائيل وامريكا ويسوون
اللي يبونه وبسنا تفرق ياناس خلونا ويه بعض ضد اليهود لو
مره وإن شاء الله المسلمين هم الغالبون ..
وللعلم أكثر الأخبار تقول إن
فتوة الشيخ
إبن جبرين قديمة واللي طلعوها هم طلبته بدون علمه والشيخ في صدد
إصدار فتوى تناسب الأحداث الحين لنصرة الإسلام ضد اليهود أعداء
الإسلام وعن نفسي مابحكم على حد كل واحد
دينه بينه وبين ربـــه مايحق لي
الحكم وشاكر لك
التوضيح


الاســـطـــوري
أخوكم