انا بين تقديم استقالتي والوظيفة اليديدة ..

[المزوحي]

اسمحوا لي أدخل هالصفحة عشان اطلع اللي في خاطري .. صدقوني شغل 7 سنوات في الدائرة واللي كل مره يوعدوني فيها بالترقية .. لا لا .. الشهر الياي .. ورغم هذا إنه مافي بدل خطر .. قلنا مب مشكلة
لانه لو الخطر ياك الفلووس مابتنفعك ولكن يمكن تتعالج فيهم .. ! لكن رغم ضغط الشغل ...
وكل مره أقووول ليش اشتغل بصورة كبيرة واضغط على نفسي ويوم أرد البيت أقول مب زين ...
لكن ماعرف .. لايكلف الله نفسا إلا وسعها .. يعني لاتسوي الشغل كله ..

قدمت على وظايف عدة وللأسف ما أحصل .. وعسى أن تكرهوا شيئا وهو خيرا لكم ...
بس تصدقون يعز عليه اترك المكان ولو إنه الفترة مب طويلة او ما اتعدت 10 سنوات ..
نعم .. خلافات العمل ..
بالرغم إني مظلوم .. إلا إني كافأت نفسي بتقديم استقالتي بعد مده من الىن لو طلبوني في الوظيفة اليديدة .. قلت لاااا .. كيف تترك مكانك .. لكن مصلحتي هاذي ...
وانا استخرت ربي ... ولكن شو الرسالة اللي اكتبها وأطرشها لإدارتي يوم بيكون آخر يوم لي ..

[منصوري الدوله]

ياخي نصيحه انته تشتغل في دبي ؛ يعني حاول تشتغل مع اجانب والله احس احسـن ؛
اذا عندك شهاده قويـّــه ادخل شرطة دبي أحس بهم يحترمون المتعلمين.
امانه لا تتوقع ان الخلافات بتنعدم ف شغلك اليديد
عشان ماتنحبط وانا ادعي الله انها تنعدم . امين.
داوم الحياه تجارب وانته اللي تعرفت عليهم بيتواصلون معاك
اهم شي كوّن حياتك وسو لك فلوس ترى ف هالزمن ما يعترفون لا بأصل ولا بحسب
اما العلم او الفلوس
والله يرزقك الاثنينه يا المزوحي

فديتك ياخوي تذكرني بخالي من كثر ما تتحيـّّـر ..

[وعد]

هلا اخوي المزوحي
بس عندي استفسار قبل لا تقدم استقالتك انته حصلت علي وظيفة يديده؟

[ولد الحكومة]

وعليكـــم الســـــــلام والرحمـــــــــة ،،

اول شيء انته تشتغل في قطاع حكومي ولا خاص !!!
والشهادة الي عندك تقدر تشتغل فيها اي مكان !!!

المهيم .. الله يعيينك اخويه .. بعدين مثل ما قلت تعب 7 سنوات حرام يروووحن ببلاش .. بس هالمشكله وايد ناس يعانون منها وخاصه المواطنيين ،، بس انا اقووول يعني انته تعبان ومشتغل 7 سنوات وآخر شيء تستقييل !! والله حرام الصراحه بس بعد من حقك اخويه اطالب بحقك واطالب بترقيتك ..


بس نصيحتي لا تتنازل عن حقك .. هذا مستقبلك ، وطالب بحقك ولو حتى اتقابل سمو الشيخ محمد بن راشد .. واذا انته ضامن وظيفتك اليديدة اتوكل ع الله بس حاول انك اتظم خدمتك.

والسموووحه وما اقووول غير الله يصبرك


اخوك/ قايد الريم

[شمعة أمل]

همممممم انته بس عندك ثنويه صح؟؟؟

الى انا اعرفه حاليا الناس الى بس ويا ثنويه مايرقونهم لمرتبات عاليه لانه ماعندهم العلم الكافي لهالشي.. اذا تكمل دراستك احسن لك ترا بتحصل دبل معاشك الحينه ووظيفه احسن بوايد وبتترقى لشي احسن كله سنه ولا سنتين

[المزوحي]

أنا عندي ثانوية عامة واحس لو علموني شي يديد بتعلم .. لكن هم يبون الشهادة وانا ماعندي والحين وين اكمل .. يعني يبالي 4 -5 سنوات أقل شي ... أنا بعدني في دوامي وسرت اليوم المكان اليديد .. لكن قالوا شفتات ولو إني مب ملتزم بزواج .. لكن ماحب شغلات جيه ..

رديت الدوام وأنا أقوول والله لو يسوون لك استحداث وظيفة زين .. خلهم يرقونك أول بادي ..

[نور الإيمان]

همممممم انته بس عندك ثنويه صح؟؟؟

الى انا اعرفه حاليا الناس الى بس ويا ثنويه مايرقونهم لمرتبات عاليه لانه ماعندهم العلم الكافي لهالشي.. اذا تكمل دراستك احسن لك ترا بتحصل دبل معاشك الحينه ووظيفه احسن بوايد وبتترقى لشي احسن كله سنه ولا سنتين

انا مع اختي شمعة امل :)

راح يعطونك تسهيلات من الشغل ان تكمل دراستك .. الله يحفظه اخوي تعب وايد لين حصل الشهادة الحينة و الحمدلله الله فتح عليه .. و عسى الله يفتح عليك ياخوي .. حاول ان تستجمع قواك النفسية و تحدي عمرك و كمل دراستك .. الحين الدنيا ما تمشي إلا بالشهادات .. فحاول ..

و بس :)

[المزوحي]

نور الإيمان .. هممم كل شي بالإرادة ... وأتمنى الله يوفقني

[شمعة أمل]

لا ليش 4 ولا 5

لو تسير جامعه بريطانيه بتخلص في 3 سنوات هذا بدون ماتسوي صيفي ... عيل لو سويت صيفي سنتين ونص ..

[المزوحي]

شمعة أمل ... ماشاء الله عليكم .. شادين الحيل ويايه ... يبالي استفسر عيل .... الكل يطمح للأحسن

[شمعة أمل]

والله احسن لك .. فرق كبير كبير بين الثنويه والباجلرززز

[المزوحي]

أكيد ...

[هزاايم]

أخويه
عندك أمااكن كثيره
يعني تقدر تااخذ دبلوومه بريطانيه في سنتين وعندك نوليج فيليج وهذي كليه طيراان
تقدر تااخذ الوقت إلي ينااسبك
وماشاالله عندك خبره فحراام كذى يصيرر لك
وربي يوفقك

[عافك الخاطر]

الله يوفقك اخوي المزوحـي
صدقني على كثر طموحك و اصرارك الله ما راح يضيع تعبك
كمل لو شو كانت الظروف
وان شاء الله نسمع منك الاخبار الزينة
موفق ان شاءالله

:)

[المزوحي]

هزاايم و عافك الخاطر .. شكرا لكم للدعم المعنوي ....