-: عــدستــك :-

[بنت ناس و عرب]

السلام عليكم و الرحمه

شحالكم عساكم بخير و سهاله

سؤال الى كل هاوي \ محترف \ مبتدأ

ماهي بدايتك مع التصوير؟ ( متى بديت التصوير في اي عمر و مرحله ؟ شو هي اول صورك ؟ )
اي كيمرة استخدمت فالبدايه ؟ :kkk:
ما الكيمره التي تستخدمها؟ :puppyeyes:
مواصفاتها ؟:kcl:
ما هي العدسات التي تستخدمها ؟ :negab:
هل تود ان تغير كيمرتك ؟:qor9anah:
هل ندمت انك اخذت هذه الكيمره ؟:hist:
صنف نفسك :
هل انت مبتدأ \ هاوي \ محترف
الى اين تود الوصول بهوايتك \ حرفتك ؟

اختكم

بنت ناس وعرب

[راعي الزعـامه]

ماهي بدايتك مع التصوير؟ ( متى بديت التصوير في اي عمر و مرحله ؟ شو هي اول صورك ؟ )

طبعا بديت التصوير من انا صغير يمكن 10 سنوات

اي كيمرة استخدمت فالبدايه ؟ :kkk:

في كيمرا عادية جدا وجديمه (( ماذكر نوعها بالضبط ))
وكان تصويري فقط يوم انسير اماكن وانسافر .. يعني صور تذكارية ..

حاليا طبعا ما امارس اي نوع من انواع التصوير
ولكن من دخلت الواحات واشوف الابداعات اللي يقدمونها الاعضاء .. اتحمست وبديت اسأل

ما الكيمره التي تستخدمها؟ :puppyeyes:

وان شاء الله اخذلي كيمرا مبتدئه واحاول اطور عمري في هالمجال ،،

هل انت مبتدأ \ هاوي \ محترف

الى اين تود الوصول بهوايتك \ حرفتك ؟

طبعا أصنف عمري مبتدأ :kcl:
واكيد طموح الكل الوصول الى الاحتراف في الشي اللي يبدأ فيه

وشكرا اختي عالموضوع الحلو ،،

[بنت ناس و عرب]

تسلم على الرد و الله يخليك على المعلومات الجميله

و ان شاء الله بتتعلم و بتفيد و بتستفيد

[الحاضر الغايب]

موضوع جميل ...

لي إضافة ان شاء الله :smartass:

[بنت ناس و عرب]

و نحن فالانتظار

[ماوحشتك]

ماهي بدايتك مع التصوير؟ ( متى بديت التصوير في اي عمر و مرحله ؟ شو هي اول صورك ؟ )
مم ما اذكر والله بالظبط متى ؟ العمر يعني
بس المرحله تقريبا يمكن يوم كنت صف سادس اول عدادي جي
كنت كله انا اصور فيــ ـديوا اخص رحلات سفرات عزايم اي شي
وصور عاديه :harhar1: معني كنت ياهل بعدني بس كنت ايود الكاميرا اوكي
وما تهتز و حركات :harhar1:

وكلهم يخلوني اصور

وحتى يوم كنت فاالاعدايه كنت اصور لهم المسيــــــرات
مادري شدراهم انا اصــور وبعد كنت اصـور لمسابقاه التربيه الاسريه
يعني بنات كانوا يشتغلون وانا كنت اصور فيديو وعادي


ممم وكنت اصور بكاميرا عاديه ( مب دجيتل) بعدين
خذت ديجتال يمكن يوم كنت 3 اعدادي مادري اول ثنوي




اي كيمرة استخدمت فالبدايه ؟

فالبدايه
فيديو سوني
و كاميرا عاديه فلم بس ماذكر شو كانت
بعدين ديجتال سوني وانكسرت
وخذت ثانيه سوني بعد
كلهن سايبر شوت

ما الكيمره التي تستخدمها؟

واحينه NIKON D 70s

مواصفاتها ؟

موصفاتها بخليها عــ ام خدود ولا لماح :harhar1:

ما هي العدسات التي تستخدمها ؟

بعدي ما خذت عدسات جريب انشالله

هل تود ان تغير كيمرتك ؟

انشالله بس مب احين بعــ ــدين
لين ما اتمــكن من التصوير
لاني بعدي ماخذه النيكون عسب اخربط واتعلم


هل ندمت انك اخذت هذه الكيمره ؟

ممم صح اني اول يوم وثاني يوم اتعبثت فيها وفريتها يمكن 4 ايام
مادري عنها شي بس احينه بديت احبها :kcl:

صنف نفسك :
هل انت مبتدأ \ هاوي \ محترف

انا هاوي مبتدا :harhar1: يصيـــر ولا

الى اين تود الوصول بهوايتك \ حرفتك ؟

مم كان خاطري ادرس تصــوير ولا اتخصص
بس هني ما عدنا تخصصات ف كليتنا للاسف يعني
ولا معاهد واستوي مصورعه ويكون لي استوديوا خاص
فالاحلام :harhar1: انشالله اذا الله راد

بس انشالله اول ما تتاح لي الفرصه بدرس
احينه بروحي احاول اتفلسف :harhar1:


والسموحه

جني رمست وايد :terms:

واشكرج عــ الموضوع

وما خبرتينا عنج ؟

[راعي الزعـامه]

سؤال خارج النص ..
شو يعني سايبر شوت ؟؟

[بنت ناس و عرب]

ماوحشتك : تسلمين و الله حلو بديتي التصوير من مده و حبيتي انج تطورين و هذا شي جميل :)

عاشق قلم : cyber shot هي كيمرات سوني كوملكس كيمرا

http://www.dpreview.com/reviews/specs/Sony/

جوف الكيمرات بتلقى عليهم cyber shot

[بنت الدلع]

مرحباا

ماهي بدايتك مع التصوير؟ ( متى بديت التصوير في اي عمر و مرحله ؟ شو هي اول صورك ؟ )

تقريبا في مرحلة الابتدائي (( رابع خامس سادس )) وعمري كان 8 او 9
اول صوري كانت في المدرسه واايد كنت احب اصّور ربعي

اي كيمرة استخدمت فالبدايه ؟
كيمرة باربي ^_^ واايد كنت احبها وتصويرها كان حلو ويناسب هالعمر
وكنت استخدم كيمره ثانيه ( بو فلم ) ماحيد شو نوعها

ما الكيمره التي تستخدمها؟
حاليا ديجيتال وسوني

مواصفاتها ؟
واايد اوكيه وتعيبني السوالف الي فيها

ما هي العدسات التي تستخدمها ؟
بعدني ما فكرت باستخدام العدسات
> قريبا ان شاء الله <

هل تود ان تغير كيمرتك ؟
هيه بس مب الحين (( بعدني مامليت منها ))

هل ندمت انك اخذت هذه الكيمره ؟
نو ,, لانها اصلا هديه

صنف نفسك :
هل انت مبتدأ \ هاوي \ محترف
هاوي ,, يسموني مصّورة العيله ^_^

الى اين تود الوصول بهوايتك \ حرفتك ؟
والله اتمنى اني احترف التصوير
واخذ كورس في التصوير والابداع
واتعلم الاساسيات الي توصل الى نجاح الصوره والفكره معا

ثانكس فارستنا عالموضوع الجميل

وانا ابا اعرف عنج وعن بداياتج ^_^
تصويرج للخيول > يأسرني <

[دمعة شوق]

السـلام عليـكم

مرحبا السـاع بـ الفـارسـة / بنت ناس وعـرب

عيبنيه موضوعج وحبيت اجاوب على اسـئـلتـج
:/
ماهي بدايتك مع التصوير؟
والله بدايتيـه ويأ التصـويـر يـوم كنـت في لـنـدن كنت اشـوف صور الاعضاء
واتشجـع وأصـور وكنت أصـور المنـاظـر الطبيعيـة ؛ وصور اليهــال ؛
وأهملـت التصوير يوم رديت لبـلاد لشهور وطشونـه وبديت مره ثانيه
يوم كنت في صـف أول ثـانـوي ؛

\\
اي كيمرة استخدمت فالبدايه ؟
في البـدايـة استـخـدمـت كيمرا قوم بـ فـلم
//
ما الكيمره التي تستخدمها؟
حـاليـا ً استـخـدم Sony DSC-S40

مواصفاتها ؟
والله ماعـرف معنهـا وايد ويايه بس مااتعبل اللهم اصور بـس
brgll:
//
ما هي العدسات التي تستخدمها ؟
اممم حاليـا ً ماشـي
\\
هل تود ان تغير كيمرتك ؟
اممم إن شاءالله وبصراحه مااعرف شو آخـذ كوني مبتـدئـه

//
هل ندمت انك اخذت هذه الكيمره ؟
اممم لأ الحمدالله زوينـه وحليـوه

\\
هل انت مبتدأ \ هاوي \ محترف
الى اين تود الوصول بهوايتك \ حرفتك ؟
امم مبتـدئـه ؛ بصراحه وديـه اكـون محتـرفـه واعـرف أصـور من الخـاطر
ويـكـون لـي مستـقبل زاهـر في الـتصـوير من غيـر حلمـي الثـانـي
وإن شاءالله في المستـقبل القـريب باخذليه كمن دوره ودروس لتصـويـر
؛؛

مشـكـوره يالغالـيـه
ويعطيج العـافـيه

ويامرحبـانـي

[تحفه]

السلام عليكم ..
أشكرج ع الموضوع .. اعتقد نحتاج نعرف اكثر واكثر عن بعض اكثر في هالمجال الي ازدهر عندنا إفترت فلكر لول

ماهي بدايتك مع التصوير؟ ( متى بديت التصوير في اي عمر و مرحله ؟ شو هي اول صورك ؟ )
أبتديت سنـة 2000 فالتصوير العادي في المناسبات .. وبنفس السنه إختي هدتني كيمرة سوني سايبر شوت وفيديو ... ولانها طبعا أسهل في الاستخدام وممتعه .. كبر نطاق تصويري ووصل لتصوير الـ objects والمناظر الطبيعيه وجي

اي كيمرة استخدمت فالبدايه ؟

الكيمرات : فيديو وتصوير .. وكانت الكيمره الرئيسيه سوني فيديو و سوني سايبر شوت و شي ثاني بعد اسمه طاير عن بالي احينه المهم فيه حرف الـ J.. أكيد عرفتوها

كيمرات الموبايل قادتني للإهتمام بهالهوايه : أول موبايل إيي بـ كيمره وكان كتكات وبسبته هو قمت اصور بغير المناسبات وجي

ما الكيمره التي تستخدمها؟

حاليا عندي كلكشن متنوع من الكيمرات الشبه احترافيه .. بس أكثر كيمرتين هم الـ nikon D70s و الـ nikon D2Xs و الثانيه "ماستخدمها وايد" لأني مخربتنها وتصليحها اغلى من سعرها وأؤمن بـ مقولة بابا انّ الاشياء الي جي ( كيمرات تلفونات ثلاجات سيارات .. إلخ) من تخترب مستحيل اترد شرات قبل .. فأحسن تشترون وحده من اول ويديد .. وصح السالفه تعور القلب .. بس مب يالسه اصرف على شركات الكيمرات لول


مواصفاتها ؟

كيف يعني شو مواصفاتها؟ :kkk:
nikon D70s :
6.3 ميغابيكسل
تحكم مانيول ويدوي
الجسم منفصل عن العدسه
السنسر من صنع شركة سوني وسوني شركه تصنع السنسر بإحتراف وجوده
ISO: 200 - 1600
min shutter: 30 sec
max shutter : 1/8000sec
وفيها نظام جميل جدا لأنه دقيق واااايد وهو "ست زوايا للتصوير يسمحلكم تحددون هدفكم" ادري بتظحكون لاني حددت هالميزه .. بس مادري انا حسيت هالكيمره بالذات تحددهم اكثر من غيرهم .. ومادري بعد كل انسان وتقييمه للامور

ما هي العدسات التي تستخدمها ؟

وايد عدسات ..
Nikon 12-24
Nikon 180
Nikon 80-400
بس اكثر عدسه استخدمها هيّ الـ nikon 28-200

هل تود ان تغير كيمرتك ؟

للاحسن؟.. أكيد نعم

هل ندمت انك اخذت هذه الكيمره ؟

حتا لو ماستفدت شي مستحيل اندم.. جوابي على سؤالج ( أبدا )

صنف نفسك :
هل انت مبتدأ \ هاوي \ محترف

هاوي

الى اين تود الوصول بهوايتك \ حرفتك ؟

إلين ما أنا أعترف بـ نفسي كـ محترفه! .. وهذا شي أشبه بالمستحيل .. لأني أبدا ما أقتنع براي الغير عن نفسي وعن قدراتي .. فماعتقد عندي هدف ميعن أبغي أوصل له وأقول خلاص نجحت ووصلت .. أبي أبدع .. أبي أسوي إبداع .. والابداع إبداع ..شي ماله علاقه بالوصول لـ نجاح أو فشل .. لأن الفنّان ما ينتظر راي الناس وتحكيمها .. ينتظر منهم بس تقدير لفنّه

والسموحه بالي مشغول و حاولت اذكر الاشيا الرئيسيه الي تبونا انقولها ... وبس

[ذنـيـنـي]

مشواري ويا التصوير بدأ من يوم كنت في صف سادس ابتدائي >> بالاحرى مع كاميرات الـ SLR
ابويه كان عنده كاميرا SLR أنالوج من نيكون و كنت دائما اشلها عنه و أصور فيها و منها تعلمت اساسيات التصوير بدون ما حد يعلمني

اول كاميرا ديجيتال خذتها هي كانون من الصغار 4 ميجا بكسل
و عقبها خذت كونيكا مينولتا 5 ميجا بكسل
و عقبها خذت اول كاميرا SLR و كانت نيكون D50 "انسرقت"

حاليا عندي كانون 350D و معاها العدسه الاصلية
و اول امس استلمت عدسه جبارة من سيجما الي هي 70-200 f2.8 و هي من اقوى عدسات سيجما
ان شاء الله عقب العيد باخذ عدسه يديده و الي هي سيجما 24-70 f2.8