بيـــــــــــــتزا بالجــــــرفه "ألحق يا عايش وهم"

[دمعة شوق]

وأخيـرا ً لقـيتـها مبرووك ياخوي
يالله ذوقهـا وإذا تستاهـل بنسـير انـطبخ

[عايش وهم]

السلام عليكم

الله ياخذ بليسك يا سفير :narr: فضحتنا جدام الاوادم

جماعة الخير أنا بقولكم قصة البيتزا هاذي اللي معوره راس سفير

كنت في دولة خليجية و عزمني واحد من ربعي هناك مرتين .. مره على عشى من كل ما تشتهي النفس و تحب و مره بس علشان يخليني اتذوق البيتزا بالجرفه و طبعا هالعزايم كانن في بيتهم يعني طباخ أمه الله يحفظها و يطول بعمرها .

الكل يعرف بيتزا المارجريتا (اللي هي عبار عن بيتزا with جبن :kcl: فقط لا غير) و أنا عارف إن الغالبيه بيتحرى إن البيتزا كان طعمها حلو يعني كأنها من الحلويات الحاره بس بالعكس كانت ملوحتها مثل المارجريتا لكن المصيبه كان فيها اختراع اسمه "جرفه" و انا أحب الجرفه و كان طعم البيتزا لااااا يقاااااوم جداً خطير .. بصراحه قلت هذا اختراع من عند أمه ماشي بعده .

مرت الأيام و رديت البلاد و أنا حاط على قناه فيها فلم أجنبي و كان موضوع الفلم إنه مطعم متخصص في البيتزا اللي بالجرفه و الزباين مثل المطر و كانت الخلطه سريه .. و صادف بعد فتره كنت أكلم سفير و قالي أنا بسافر إيطاليا (تامر بشي يا عايش ) ... جان أتذكر ساعتها البيتزا :kkk: .. قلتله أباك تييبلي الوصفه فقط لا غير .


شو تتوقعون يابلي سفير ؟







توقعتوا ولا بعدكم ؟












أكيد ما بيخطر عبالكم :no0:












مثل اللي استوالي بالضبط












و المشكله متصل فرحان و يقولي أنا يبتلك إللي تبغيه يا عايش












يا سعدك يا هناك يا عايش












أنا يبتلك غرشة زيت زيتون أصلي :smartass: عشان تحطه عالبيتزا





و بعد هالصدمه العاطفيه كفيت البحث عن البيتزا المطلوبه و جاسني إحباط متراكم أدى لانسداد شهية البطن و اكتفاءها بشبس بيتزا برنجلز ..


هاي هي سالفة بيتزا المارجريتا بالجرفه ..



عايش بيتزا