بيـــــــــــــتزا بالجــــــرفه "ألحق يا عايش وهم"

**سفير الخيال** · 12-11-06 ||, 02:45 PM

إنزين خبـــرني أي فـــرع؟

ونااااسه

طير الحب,, خلاص أوكي,, وين مكانه؟

**شوق القلوب** · 12-11-06 ||, 03:06 PM

ويــــــــــــــاكم ع الخط.. نتريا آخر اخبار هالبيتزا ..!

**مايهزك ريح** · 12-11-06 ||, 03:11 PM

انا يا سفرفر ..في جميرا ونحنا نشتري من الفرع اللي جريب على حديقة الصفا .. في محطة ايبكو..
يمكن اذا مريت اليوم اييبلك اسمها .. كم سفير عندنا .. راس مالنا واحد ..

**سفير الخيال** · 12-11-06 ||, 03:14 PM

ما يهزك ريح
فديت خشمك أنا

ما قصرت والله

شوق القلوب
اسمعي الأخبار بس لا تاكلين ويانا

**طير الحب** · 12-11-06 ||, 03:46 PM

سفير ...مطعم باكستاني في الخالدية ببوظبي,,,اسمه العباسي...قول له شاي حليب قرفه...وخبرني اذا ذقته

**شوق القلوب** · 12-11-06 ||, 04:05 PM

افااااااا..! شو بعد ما تاكلين ويانا ..

يعني تعذيــــب .. و بس !

**شمه** · 12-11-06 ||, 04:59 PM

مطعم باكستاني في الخالديــه..؟!

امم.. ايوصل طلبيات؟

بطلب دلة جاي وياها صينية بيتزا بالجرفة وبنعزم اللي في الدوام..
ماعندكم بعد سويت بالجرفــه ... عسب تكمل الحفلــه..

لا صدق ...جد .. العباسي يبالنا انجرب عيل..

ما شاء الله ماشي سوقها البيتزا هالايام..

**طير الحب** · 12-11-06 ||, 05:11 PM

شمه...يوصل لشقتنا...ساعات نطلب برياني...بس شوفي نزلي الدلة بالليل وخليه ايب لج الصبح...نحن في رمضان كنا نودي الدلة بس الحين تعلمت اسوي بالبيت...اتصلي الاستعلامات وسيري

**مايهزك ريح** · 12-11-06 ||, 09:42 PM

مرحباااااااااااا سفرفر .. اسمها بيتزا بيري بيري ..
قطع دجاج مشوي ..شرائح الأفوكادو .. جبنة الموزاريلا وجبنة الشيدر.. مع صوص البيري بيري مع الفلفل الأحمر وشرائح البصل ..
طبعا هذا اللي مكتوب في المينيو مالهم .. وان شاء الله انك اتجربها واتقولي اذا هي ولا لأ ..