بيـــــــــــــتزا بالجــــــرفه "ألحق يا عايش وهم"

[سفير الخيال]

ممممم اذا ما تعرفون المـصدر عيل منو خـبركم عـنها يمكن أشاعه وصدقوها الناس ,, وانا كنت مشتركه بنـك تـنـيـنه وما زلت ,, ولا اتـحرج علينا

ووالسـموحه مـا قدرت أفيدك بـشي ,,

لا لا هب إشاعه, هذي صدق

ما عليج اقصور إختي :)



شمعة أمل
أنا ما أطري ستيك أطري بيتزا عليها جرفه.. ما أعرف إذا إنتي تطرين الستيك ولا لأ لأن الإسم اللي كتبتيه الصراحه يباله ترجمه :kkk:

إنزين وين هذا اللي اتقولين عنه؟ وين بحصله؟ من اسمه احس إنه حلو

مشكوره إختي :)





أخوي قايد الريم..
أنا بعد احب المطاعم الإيطاليه وبشكل عام أحب اجرب كل شي :ice:

أفا عليك عزيزي.. وجودك يكفي :)

ما قصرت






حلم الطفوله

وعليكم السلام

شكله عايش وهم امشبه على الجرفه ؟ يمكن راشين البيتزا بفلفل بزعتر مطحون بكاري

brgll: وحليله عايش لو يدري عن الموضوع جان طاااح فيني brgll: .. لأنه قالي قبل لا أسافر إيطاليا اسأل عنها وأنا اتحرى شي ثاااني brgll:

سفير الخيال ..جرب واشتر بيتزا خضار وانثر عليها جرفه واعزم عايش وهم وخبرنا بالانطباع الأول لأول قضمه

هههههههه أصلا حزتها بيظهر الإنطباع ولا بيشرد؟
بس تدرين؟ فكرتج حلـــوه

مشكوره إختي

[ريم العين]

فراس الخيمه مطعم بيتزا ايطاليه

فيها كل انوااااع البيتزاااا عجييييب الصراحه

يمكن تكون موجوده فيه البيتزا اللي تباها

البيتزات مالهم وايد وايد روعه

انصحك فيه لاني مجربة البيتزا مالهم ^_^

[عافك الخاطر]

قرفة عاد ( ما اداني اقول جرفة :harhar1: ) ..القرفة ريحتها حلوة :kcl: حتى شي محل يسوي حلويات كلها بالقرفة ..معروف هو ..بس لاني ما احبه ما اعرف شو اسمه .. المهم انه ينحط في الحلويات ..وساعات امي اتحطه في العيش .. بس عشان الريحة ..

سير اي مطعم ايطالي واسالهم..
انا بنتحر لو شي بيتزا بالقرفة > شو خرفوا الايطاليين:no0:
وشمعة الأمل قالت سينامون ..و سينامون = قرفة :ice:

يا الله الله يصبرك وتحصل حد ماكل هالاكلة ..
مشكلة انتوا..

[تحفه]

شو هو / هي / كيف الجرفه اصلا

[تنينه]

بووووظبي ما تعرفين القرفه ,,


عــاد أنــا سرت المطبخ وخذت شوي منه وحطيته في الصحن وصورته لـج :qor9anah:





أهــنه مب مطحوون ,, :qor9anah:

ان شاء الله بس عرفتيه :gof:

[ريم العين]

يععععععععع هذي هي الجرفة

مووووووووووووول ماااااااااا احبها

والله توقعت شي مثل الحلاوه طلعت هذي

صدمتيني الصراحة

[تنينه]

ريم ريم ,, قلتي وععع يعني عـسب شكلها ,, هـاي نعمة الله ^^" ,, بعدين القرفه لو بـس اتشمين ريحتها كيف حـلوه ويوم تنضاف لأكلـه تعطيها طعم ومذاق متميييز وحلووووووو ,,

[ريم العين]

لامب عشان شكلها عسب طعمها بس بالغلط ....توني انتبهت ......استغفر الله

بس طعمها مووووول مب حلو خصوصا هو والهيل والزنجبيل و زبيب

[شمعة أمل]

خخخخخخخخخخخخخخخخخخخخخخخخخخخخخخخخخخخخخخخخخخ

ماكان قصدي ستيييييييييك .. يعني انا مينونه الخبط بينت اللحم و الخبز هههههههه


كنت اقصد ستيك , ستك ,, STICK لول

مادري اذا يسونه هني بس في امريكا هيه يسمونه cinnamon stick يكون شي نفس عصا طويله وعليها جرفه


ولا تدري
اظني عرفت انته عن شو ترمس
ياكلونه ويا ايس كريم فانلا صح؟؟؟

[شمعة أمل]

واظني بعد يحطون تفاح وياه

[ريم العين]

ويمكن يحطون برتقال!!!!!

[حلم الطفوله]

شمعة أمل ! تقصدين البيتزا إنتي ؟ يعني يحطون فيها تفاح!

صدق الايطاليين يخلطون الموالح مع الحلو ! بس لهالدرجه بيتزا وجرفه وتفاح ! :nono:

يمدحونه اكل البيت

[شمه]

امممممممممم..

موضوع خطير..

يعني لازم جرفــه.. ولازم اتجرب.. خلاص انزين ما شي في الامارات ..ماله داعي..

كل شي ..واي شي لازم تاكلــه..

سو نفس ما قالت حلم اظني .. يب بيتزا بالخضــار ورش عليها جرفــه.. وجرب .. او اشتر البيتزا الجاهزه اللي من غير ولا شي .. ورش عليها الجرفــه وسخنهــا.. مايباله تأليف ولف .. يعني يوم ما اتحصل اخترع..

[شوق القلوب]

السلام عليكم..

سفيـــر الخيـــال.. استهدى بالله ..!

دوّرت بــراسهم ويا هالجرفه... و آخرتها فارنها ع المسكيـــن عايش !! :no0:

..

حلم الطفوله.. فيوزاتج المطبخيه انقعت أشــوفها..!!

بسم الله عليج شو بيتزا بعد بتفاح و جرفه.. استوت تارت تفاح.. مب بيتزا..!

..

كلمه أخيره لــ سفـــرفر..

انت متأكد انه السالفه فيها جرفه.. ولا زعتــر..؟؟ :kkk:

[سفير الخيال]

سكتوا عني أنا روحي ما أعرف شو هيه الجرفه

توني أشوفها بالصوره :kkk:


ريم ريم
ليكون المطعم اللي تطرينه هو باستمانيا؟
إذا هو فأنا أحب المرجريتا عنده بس باقي الأكل مب شي
وإذا مطعم "أوكي" يقولون إنه الطباخ إيطالي بس البيتزا ماله مب شي موول
مشكوره إختي







عاافك الخاطر..
ما يخصهم الإيطاليين, هذي يمكن بيتزا مبتكره :kkk: بس والله خاطري فيها من كثر ما مدحها لي عايش

على العموم مشكوره خيتووو





ام اخدووود

شو هو / هي / كيف الجرفه اصلا

عيل أنا أدري
توني أعرف كيف شكلها brgll:




تنينه

هذي هيه الجرفه؟
أنا لو شفتها جان حطيتها في المدخن.. ع بـــالي بخور





شمعة أمل

استوى بلاليط هب بيتزا






شمــــه
إذا ماشي بالإمارات أحسن بعد عسب افتح مطعم إيطالي وببيع فيه هذي البيتزا

وإذا تبين بخليج الشيف هنااااك "الشيفه شمه" :rr: أقصد الشيف شمه







شوق القلووب
أنا ما يخصني.. عايش قااااالي عنها وحطها ابرااااسي

أنا متأكد إنها جرفه مـــب زعتر

شكلي برد على الكيوي كولاتا :ice: