على شو نادمين في حياتكم؟

[تحفه]

دخولي لجامعة زايد لدراسة الاعلام .. أكبر ندم في حياتي .. تخطيط فاشل الف بالاميه


شاركونا بمآسيكم

[تحفه]

ندمانه لأني رفضت عرض بابا يوم قالي آخذلج البيجو اليديده .. ونا حضراتي متفلسفه .. لأ ابي أفالون أو جيتي وبس ..

توني يوم اشوف البيجو اليديده .. قلبي عورني وقلت .. لو كانت عندي احينه جان ظهرت وتونست بدال قعدة البيت البايخه ..

[صدى جوفي]

أنــا ندمــانــة لأني دخلت علمي .. مع أنه ميولي علمي

وندمــانة لأني تخصصت تربية انجليزي .. مــا أداني هاللغــة:no0:

والسموحــة....)

[تنينه]

أنـا بـعد ندمـت ليش دخـلت عـلمي ,, كـرفنا وذبحنا عمارنا سنتين ولا فـادني بـشي في الجامعه والأشـيـا أللي خـذتها ودرستها كـلها طبعاً نسيتها ,, وأكـثر شي ندمانه عليه في حيااتي أنـي أتـعرفت ورابعت وحـده كـرهتني وعقدتني حياتي ,,


ومشكوره ع الموضوع المآساوي لوول :ice:

[ألم ترى]

انا ندمان لئن ما اعرف اختار ربع شرات الناس !
وصدق اللي قال ربيعك يبيعك
:no0:
الحمدلله ع كل شي

[مجموعة إنسان]

انا ندماااان اني في يوم ماكنت اصلي ..
بس الحمدلله الحين اصلي بالوقت ..
بس لييين الحيين ندمااان على شي .. ندمااان ان السنه اللي طافت طلع اسمي في كلية الشرطه وماسرت ودخلت الجااامعه
ووكرهت اليووم اللي دخلت فيه الجااامعه
بس الحمد لله على كل حااال

[الثعلب الرمادي]

ندمي الأكبر إني سافرت ألمانيا حتى أدرس تخصص الهندسة الميكانيكية لكن دناءة اللغة الألمانية فوق كل تصور و الدراسة باللغة الألمانية شي بشع و مجرد إنك تحاول تكتب أو تتكلم تتلخبط الكلمات و القواعد اللعينة مع بعضها البعض ... قبل ما أسافر ألمانيا كنت في العين و في جامعة الإمارات بس والله شو أقولكم ماكنت أدرس و كنت أسكر الدرجات بكل راحة و هدوء هني حسيت إن في شي غلط و هو إن الجامعة سهلة و مريحة و شغل على البراد من البداية حتى النهاية لكن ألمانيا هي العكس لعب في قمة الخسة و الدناءة من أول يوم و حتى تفارج ويهم ... لازم الواحد يدرس كل يوم أقل شي 12 ساعة حتى ينجح بس و بدرجات جيدة لكن مستحيل و من رابع المستحيلات إن الواحد يسكر الدرجة النهائية و لا حتى لو تم صاحي طول مدة الكورس ما ياكل و لا ينام و لا يشرب بس يدرس و يصرف كل الوقت على الدراسة بعد مستحيل ... الدراسة في ألمانيا صعبة لأن الدراسة باللغة الألمانية لكن كثافة المعلومات اللي لازم الطالب يتعامل معاها بعد ما أقدر أوصفها ... حتى تدرس في ألمانيا و تنجح لازم تكون طالب دقيق و قلبك كبير و صبور في نفس الوقت و ما تعصب و تكون عندك إستراتيجية طويلة الأمد ... لكن ما أقدر أقول غير كلمة وحدة أنا ورطت نفسي و الحين مالي غير أكمل اللعبة و لو درست في الثانوية العامة مثل دراستي اللي أدرسها الحين في ألمانيا كنت بكون و بكل سهولة الأول على الدولة و كنت بدرس في بريطانيا أو أمريكا باللغة الانجليزية و الحياة بتكون حلوة و سهلة :)

الحياة بتكون حلوة سهلة :( Just Bring It Along

[منصوري الدوله]

حــُـبـي لإنســان كـان يخونـّـــي

[طفلة من هذا الزمان]

بوظبـــــــــي .. ما من شـــر ،، شو هالمــآسي اللي اطلعيلنا اياها كل يومين .....

أنا و بــلا فخــر ندمــانه على يوم طــاف و ما عشتــه صح :kkk: .. و على يــوم مــر و ما حسيت بحلاوة الدنيـــا فيه .. و يــوم كان موودي فيه أي شي .. و يــوم رقدت ثلاث ارباعــه و ما سويت فيه شي ينفعني

بس في النهايــة إيمانا إن كل شي صار و بيصير في حياتنــا مقــدر و مكتـــوب .. و يستوي لنا لسبب يخلينا نقــول الحمدلله على كــل شي ،،

و ما ننـــدم

طفلــــ:ice: ــــة

[طفلة من هذا الزمان]

منصــــــــوري دولتنــــــــــا ..

خــــــــــل عنــــــــــك و لا تعدل كلامك .. كشفنــــــــــاك خلاص

[وعد]

مو ندمانه علي شئ :smartass:

[خيال الروح]

عـلى الشو نـدمـانه :kkk:

مب نـدمـانه على اي شـي ,,
لانه كـل الى سويته وندمت علـيه ,, تعلمت منه درس

الحمدلله على كـل حـال

:

[عافك الخاطر]

هلا ..
انا ندمانة لاني تسببت في ضياع انسانة قريبة جداً مني بدون ما ادري..كانت قريبة مني..اتقولي كل شي .. في الفترة الاخيرة كانت تقول كلام خطير وانه لو ما استوى جي هي بتسوي اللي فـ راسها .. وانا بغبائي كنت اتحراها بس اتفضفض كعادتها .. خليتها اتكمل وانا ساكتة حتى ما نصحتها او قلتلها عواقب التفكير في هالشي ! والحين خلاص الرمسة ما تنفع :( اليوم انا ندمانة بشكل كبيير .. لكن الله يوفقها ان شاء الله ..

[خيال الحب]

انا ندماااااااااااااااان لاني دخلت شي اسمه جامعه الامارات>>> يعلها الحراق ان شاء الله


ولازم الانسان يوم بيسوي شي وبيندم.. اكيد بيتعلم منه دروووس واشياء كثيره هو ما كان يعرفها او يحسن التصرف فيهاا,,

بالنهايه مانقول غير هذا المكتوب لنا :)

[الاسطوري]

"خيال"
ياخي كل ربعنا اللي وياك تخرجوا إلا إنت
أشوفك مغرز للحين شو
تسوي ؟
:harhar1: