على شو نادمين في حياتكم؟

[لحن الحياه]

انا ندمانه لأنه ضاعت من ايدي احلى حياه عشتها مؤخرا .. بس شو اقول؟؟
الحمدلله على كل حال

[دمعة شوق]

نـدمـآآنـه آنـي عطيـتـهـم وآآيـد ويـه وسويتـلهم اللي يبونه ،،

[الـيـاه]

ندمانه :: اني ما احافظ على اشياءي مب كل اشياءي .. بس خاصه الالكترونيه! خربت BB + laptop + ipod في شهر لول

ندمانه :: اني ما انتبهت لهم كل هالسنين لول!! سوريييي .. بس هالمره بنتبه طول حياتي 3> 3>

ندمانه :: اني طبيت جامعة الشارجه

ندمانه :: اني ماعرفت اخويه بطي عدل الله يرحمه! ياريت لو كنت اكبر من 6 سنين في هاك الوقت
من كثر ما هلي يذكرونه بالخير ويسمون عيالهم عليه ودي ارد اشوفه *يارب فالجنه

ندمانه :: اني اتسرع وايد في كل شي

ندمانه :: اني عرفت ناس low class في حياتي

[مجموعة إنسان]

الله یرحمه الیاه.

ندمان علی کل کلمة قلتها فی حق الناس فی الشارع
شو اسوی ماقدر امسک لسانی
ما بتأدب لین ما اتوهق

[عهد الوداع]

ندمانه

اني اتخذت اسوأ قرار في حياتي ويالسه اعاني منه لين يومي

ندمانه

يووووم خبرتهم السالفه ما عرف شوووو عواااقب هالشي


ندمانه

يووووم اسكت عن الحق وما اتكلم ...

[أنامل قلب]

ندمانه ، عـ كلمات .. ~

[تحفه]

على اني ماخلصت شغلي قبل وخليته لين اخر دقيقه ( كالعاده لول!)

[بنت الدلع]

ندمانه على ان مشاعري كانت متحجره في ذيج اللحظه
وسيطر علي الخجل وماعرفت اعبر عن الي بداخلي

[شمعة أمل]

متنرفزه.. كم من مره داشه ابا اكتب اني ندمانه على شي.. بس.. مب ندمانه على شي!
تعلمت من الأشياء البايخه فـ كيف اندم على العلم؟ وكيف اندم على الأشياء الحلوه اذا هي حلوه؟

[أنامل قلب]

متنرفزه.. كم من مره داشه ابا اكتب اني ندمانه على شي.. بس.. مب ندمانه على شي!
تعلمت من الأشياء البايخه فـ كيف اندم على العلم؟ وكيف اندم على الأشياء الحلوه اذا هي حلوه؟

بالعكس اختي شمعه ، انتي بنفسج وابـ هالرد وضحتي انج ندمتي على شغلات مريتي ابها بحياتج !

ردي اقري هالاقتباس // اضافتج !
مو قلتي انج تعلمتي من الأشيا البايخه ، واهني سؤالي لج [ كيف الإنسان يتعلم من مثل هالأمور ؟

مو لمن يحس بإنها خطأ [ فيندم ، يفكر ، وتالي يتعلم ..

,

مثلا قلتي كلمه المفروض انها ماتظهر منج لـ سين من الأسباب ،
كيف بتتعلمين اهني من الخطا اللي طحتي فيه بدون لا تستشعرين سوءه ، وتندمين عليه !

فـ يعني ، من وجهة نظري ومن الاضافة اللي طرحتيها ،
فأنا اشوف انج ندمتي [ والندم صفة حلوه مطلوبة حتى بالدين ] ، لكن مو عارفة وين محل الندم // شلون شكله !!

واهني // بكثير من الأحيان ، يمر أغلبنا بـ ذلك ~ !

,

بالنهايه هذي وجهة نظر اختج بخصوص موضوع الندم [ بعيد عن شمعة أمل الواحات ] ،
لكن اضافتج خلتني أتكلم لتوضيح وجهة نظري ، بدون حتى لا آخذ الاذن منج قبل ^^" [ فاسمحيلي ..

بس يعني ، قلت يمكن تلاقين ابها شيء من الصحه ،
وأوضح لج تالي بعض الملامح [ من منظور أنامل قلب ..

,

تقديري دائما ~

[شوق القلوب]

متنرفزه.. كم من مره داشه ابا اكتب اني ندمانه على شي.. بس.. مب ندمانه على شي!
تعلمت من الأشياء البايخه فـ كيف اندم على العلم؟ وكيف اندم على الأشياء الحلوه اذا هي حلوه؟

عيبني كـــلامج .. شمعه..

صدقج.. كل شي يصير لنا.. ولو كان غلط.. يعطينا ألف درس.. عشان ما انكرره مره ثانيه.. ولو ما طحنا في هالغلط جان عمرنا ما اتعلمنا..

الندم اللي يحرق القلب.. هو التقصير بالدين.. و الغفله اللي ياخذنا بها الشيطان..

الله يهدي الجميع..

[الدلووووعة]

ندماانه اني فكرت فيوم ادرس فجامعة زاايد

[دمعة شوق]

نـدمـآآنـه آآني خسرت نـآآآس ومااقـلتـلـهـم كم آنـآ آآآحبـهـم
،،