.:. ]|[ ليــــ ـ ــــوا ]|[ .:.

[طير الغرام]

ليــــــــــوا ف إجازة الربيع
>> تبون الصراحه هالصور امرتبتنهن وامجهزتنهن من حول الـ 5 اشهور
وكله أتعايز أنزل الموضوع >> يقولكم الكبر شين :wheelchair:

كملنا أسبوع بالضبط اهناك >> صدق استانسنا
وأترككم مع مغامراتنا واخبالنا اهناك

××

يوم الأحد 15 - 1 -2006

اموعينا من صباح الله خير >> بمعنى أدق الساعه 10 :puppyeyes:
وطبعاً امزهبين أغراضنا اليوم اللي قبله

كنا ثلاث سيايير (( أبويه وأخويه وبنات خالي مع ادريولهم ))
حملنا السامان



>> صورت بس السياره اللي كنت فيها

اتحركنا ع الساعه وحده تقريباً
أبويه اتجدمنا
وعقب احنا اتحركنا
خطفنا ع يدتيه >> في بيت عمتيه وشليناها معانا (( أصلن السيره عشان خاطرها يعلني أفداها ))

وطبعاً يدتيه ماقصرت أطربتنا ف الدرب >> فاتكم الصراحه

وصلنا ع الساعه 3 وربع تقريباً



ويا حافظ ع الجو



وأول يوم انشغلنا بخم الرمل :qor9anah: والترتيب

××

غروب أول يوم



ليتات المحضر اللي جدامنا >> اونه حركه



وتمينا سوالف وضحك برع >> فارشين زوليه (( مب احصير :ice: ))
على ضوء القمر



××

يوم الاثنين 16 - 1 - 2006

أقدر أسميه اليوم المشؤوم :no0:
بدايته يوم عادي
خبال دراجات ومن هالخربطان

ع المغرب يتنا وحده اتبيع ميك أب >> متفيجه وف ليوا !



الصراحه ما اتفيجنالها ورانا اخبال يتريانا :harhar1:

هيه صح شو رايكم بعنزتنا



يدتيه قالت خوزوا عنها انتوا ما اتعرفولها هاتوها صوبي :negab:



>> ختيه الصغيرونه اتقول حق العنزه (( say cheeeez ))

××

المهم عقب ظهرن خواتيه يلعبن بالدراجات واللي يتمشى
وضحك واسوالف وفجأه :nono:

ما تستوي جدامنا جلبه محترمه
ختيه الصغيرونه ومعاها ختيه اللي أكبر عنيه
سبب الجلبه االلي جدام كانت مسرعه واللي وراها لفت ابسرعه
اسميهن اتكسرن :sad4:



وحليله الدلاغ كان لاعب دور هههه :bow:

وطبعاً الوالده مانباها اتعرف ولا بتاخذ الدراجه عنا
ف كل ها كان من بينا احنا البنات وأخويه
وقمنا بالاسعافات الأوليه أنا وبنت خالي



وفي هذاك اليوم محد فكر يلعب بالدراجه بعد اللي صار
ف حولنا الموجه صوب الكستنه





بس اسميه كان يناقع >> وانا فيلسوفة زماني يوم يناقع اقوللهم بينقع بينقع اتحملوا
ف يشردون >> وشو ما تنقز يمره واتطيح ع رقبيته
يعني الصراحه اشكرها اخترقت الشيله من الخاطر :no0:

هو اليوم رايح فيها يعني رايح فيها >> اول خواتيه وعقب انا ههههه
وطبعاً ما خبرنا الوالده بعد اتسترنا ع اعمارنا جنه امسوين جريمه :cop:

××

يوم الثلاثا 17 - 1 - 2006

قمنا الصبح
وبنت خالي الصغيره اتصيح صبعها يعورها شي حادر فيه أظني شوجه
لا وهالسالفه من كنا ف بوظبي والاخت ساكته لين ما زاد وعورها أكثر
ف يدتيه اتضايجت وااايد يوم درت قالت إلا واتودوونها المستشفى
وعاده انا كنت نازله تحت وجافتني امايه >> اووه جافت الحرق

احتشرت عليه وانتي بعد شو ها شوفيج ههههه
وعقب سرنا مستشفى ليوا

اسعافات أوليه وكل شي تمام



وطبعاً الدراجه من عقب سالفة أمس شي جاسها ف ما اشتغلت >> ودوها يعدلونها

ختيه اللي أصغر عنيه حولت الموجه من الدراجه لـ السيكل

وما لقت إلها مكان غير نزله شرى المنحدر ع تحت



واكتملت سلسلة الطيحات والتكسير

والسيكل مسكين حاله اتكنسل >> قوم بو عبود



وطبعاً كالعاده >> لا اتخبرون أمايه (( مصخوها الصراحه ))
بس طيحتها كانت قويه وركبتها شكلها كان :puppyeyes: صدق صدق يباله مستشفى
والدمان !
بس هيه نحيسه ما تبى
المهم انا عليه الاسعافات الأوليه



وكملنا يومنا >> الطيحه ترا كانت ع الظهر ف عز الشمس !

××

أحب أجوف تيمون وبومبا :ice:



××

كل وحده مستانسه ع دلاغها >> اونه انطقم مع كناديرنا



مابقولكم أنا أي واحد :harhar1:
>> بس في وحده رازه بالسليبر مالها

××

كل يوم ع المغرب تينا سيارة مالت المخبز



وشو الهجوم عليها عافاني الله مب جايفين خير هههه :hist:

اقربوا حياكم >> بيتزا ليوا





××

بعده اليوم ماخلص
يا وقت الشوي





ف البدايه كلنا كنا متيعمين
وعقب ضربنا خيانه في بنت خالي وخليناها اتسوي روحها





وبالعافيه علينــــــــــــــــا :6a:





××

يوم الأربعا 18 - 1 - 2006

يوم عادي
من الملل سرنا نتمشى



الظهر بعد >> صدق فيوزاتنا كانت ضاربه
بس أسميه الجو كان غاوي
ويهب علينا ذاك المهب



جفت هالنعال العجيب بو كعب ف نص الصحرا



××

ع العصر حدرنا البيت
وقعدنا انسولف مع يدتيه



الله يطول اف عمرها

وعلى أنغام الدفايه



السماا قبل المغرب



وع المغرب يونا قوم خالي من بوظبي :mar7aba:



وف هاليوم بالذات يوم درت حرمة ولد خالي عن طيحة ختيه
احتشرت علينا قالت إلا واتودونها المستشفى
جذبوا ع أمايه اونه طايحه من الدري >> ترا ما جافت ركبتها بس قالت سيرن مع أبوكن

المهم سرنا والحمدالله ماشي كسر
بس غمضونيه والله الشباب اللي اهناك وكله بلاوي وحوادث دراجات ! :no0:

عاده قالولنا كل يوم لازم انروح عشان يبدلولها اللفه

وبس وباقي أحداث هاليوم عاديه ^_^

××

يوم الخميس 19 - 1 - 2006

بدينا يومنا بـ روتينا المعتاد
نشه قبل الظهر ولا الظهر
غدا وريوق >> تو إن ون

وطبعاً ما ننسى دور الكيرم ف القضاء ع الملل



××

ع العصر سرنا المستشفى عشان ختيه



وهالمره بعد جفنا ناس يايين وكله من حوادث الدراجات >> بس هالمره غير
كانوا يهال ! :no0:

××

وف هاليوم أخويه العود رأف بحالنا >> لنه الدراجه اللي عندنا اختربت اختربت
شرالنا وحده وشحنها صوبنا >> الحينه اللي يسمعني بيقول هاي هيه اللي اتعرف تلعب (( تبون الصراحه ولا يخصنيه جان إلا بيردفونيه :kcl: ))

ع قولته عشان نستانس ف هاليومين اللي بقن



ع المغرب طبعاً ما ننسى المخبز
نترياه brgll:



وبعدين سرنا نشوي بطاطا



اصغار ع قدنا brgll:

وأحيد عافك الخاطر العام قايلتليه إنه مع جبن أحلى
قلنا انجرب شو ورانا




>> يتبع