آخـــر الــمــواضــيــع

صفحة 2 من 5 الأولىالأولى 12345 الأخيرةالأخيرة
النتائج 16 إلى 30 من 66

الموضوع: سطـل مـاي

  1. #16
    عضوية الماجستير الصورة الرمزية لمّــاح
    تاريخ التسجيل
    Jan 2003
    المشاركات
    2,688
    قوة التمثيل
    392

    رد: سطـل مـاي

    منصــوري الدولة ...

    اكتب و بإذن الله بتلاقي التجاوب المطلوب من الاخوة ..

  2. #17
    عضوية الماجستير الصورة الرمزية وحي القلم
    تاريخ التسجيل
    May 2004
    المشاركات
    2,316
    قوة التمثيل
    359

    سطـل مـاي

    منصوري الدوله

    كمّل الموضوع

    نحنى امتابعين و الله



    ..
    No matter what they tell us
    No matter what they do
    No matter what they teach us
    what we believe is
    [TRUE]


  3. #18
    عضو جيد جداً الصورة الرمزية منصوري الدوله
    تاريخ التسجيل
    Dec 2001
    المشاركات
    934
    قوة التمثيل
    317

    رد: سطـل مـاي

    هــلا و حـلا

    ممم الطفولـه جميلـه ؛ من فتـره فتحــت الكبـت ماعرف شو كنت ابى بس المهم اني تفاجأت بصورتي واان في الصـف الاول الابتدائـي ؛ خخخخ شكلـي موو شي يعني مع الراس الصنقيحـه ( شو يعني صنقيحـه) :harhar1: والصوره كانت لي مع استـاذ ( طالـع ) وباقـي عيـال الصف ؛ ( أوّل جيم )؛؛
    مشكلتي اني اكبر اخواني يعني اذا بيتضاربون اليهال والله اتم انضرب بروحي لين ماجبدي تلووع ؛

    اذكر مره نسيت فلوسي ف البيت ( درهمين) .. و يلست احاتي شو بااكل ف الفسحه ؛؛ والله ولد خالتي اللي اكبر مني بس بسنه عطاني فلوووسه ؛ فديته والله ؛ بس اتصدقون اللي كسب هو ؛ لاني احبه كأخ حب مب طبيعي وما استبعد سبب هالحب والمعزه من الدرهمين اللي عطاني اياهـن .. واتذكر والله الحركه اللي طلــّـع ابها فلوسه من شنطته يعني جذا من طيب نفسه ؛ اموااااح ع خشمه..
    ع فكره هالانسان الحين ف آخـر سنه جامعيه له ويدرس شريعه وقانون ...
    و ع كثر ماحقدت ع ناس ما اذكر اني حقدت عليه ..

    (اغتصاب الباكستاني) خخخ

    هيـــه خلــّـو الصوره ع ينب ؛ بسولـف لكم عن الاشيا اللي كنت اخاف منها ؛ اول شي كـان راعي التكسـي ؛ مـره ف الثالث الاعدادي اتضاربت مـع حد من اهلي وركـبت تكسي ورجعـت البيت ؛ عاد كان الوقـت ليـل وانا تبون الصدق الشيطان لعـب في ( عبـّـي ) ؛؛ والله يهديها الوالده كانت قبل مصوره لنا راعي التكسي جنـّـه ( دراكولا ) يشـل اليهال ويقطعهـم ويفرهـم ورا البيت !!! (ماعرف اي بيت) ..
    عاد انا كنت متأثـّـر من الضرابه واايد لأن ذاك الانسـان سـب أمـّـي واايد بشكل فظيـع ؛؛ فانا كلما كنت اتذكر كلامه تضربني الغبنـه واصيـح و ف نفس الوقت واايد نااس تلـمــّو علينـا ؛؛ فقلت خل استغل هالحدث واصيح ف التكسي وأكسـر خاطر البتـّـاني واقول له ان امي (ماتت ) او انها مريضه والله ما اذكر بس اذكر اني كنت ( نذل ) خخخخ يعني حد يفاول على امه عسبــّة مايتقطـّـع وينفـر ورا البيت شرات مممم والله مادري شرات شووو لكن شرات اي شي يتقطـّـع وينفر ورا البيت !!
    و والله اني اتذكر الخـان يوم مسكني من ريولي خخخ والله اني ( نقـزت ) يعني تخيلو انا اصيح عسبـّـة مايقربنـي هالخـان ولا يمسنــي والخـان اونننه بيهدأ من روعي خخخ زين ماقلت له لا انا مافيني شي وخلـّـك بعيـد ...

    مممم

    الكذبـات ..

    هههه ماعرف ليش احس اني لين الحين شكلي غلط يوم اجذب ؛ عشان جذا دووم اتييني الضحكه يوم اجذب او انه اغمض عيوني وادعي الله ان الوقت يمر بسرعه .. مممم انا من جذباتي مابقول لكن اذكر ربيعي (زلمه) كان دووم يقص علينا انه هو كلــّـه يضرّب اليهـال اللي في فريجهـم القديم وخخخخخ يوم تستوي ضرابه عندنا والله هوه اول شرّااااد ..
    هذا نفسه هالانسان اذكر اني تضاربت وياه خخخخ اذكر اني عضـّـيتـه وجنـّـه (تسمم ) الاخ جلب وانتو بكرامه :bow: .. واذكر ان امه يتني ف وسط الفريج وعطتني محاضـره انها بتشكتي وانها بتاخذني المخفر ويمكن يعدموني .. الخ

    الله يسامحكم يا لمـّـاح ويا وحي القلم خلطتو عصبيتي باشيا ماكان ودي اقولها بضحكه ع منصوريكم..

    انتو اللي مشكوريـن ...
    التعديل الأخير تم بواسطة منصوري الدوله ; 24-07-06 || الساعة 03:33 PM
    الشيطــان أستــاذ الرجــــل ولكنــه تلميـــذ المــرأه

  4. #19
    عضو جيد جداً الصورة الرمزية منصوري الدوله
    تاريخ التسجيل
    Dec 2001
    المشاركات
    934
    قوة التمثيل
    317

    رد: سطـل مـاي

    يا جماعه اكتبو عن طفولتكم وعن الشقاوه خل نقلبها روضه شو المانع !

  5. #20
    بروفيسور متميز الصورة الرمزية الدلووووعة
    تاريخ التسجيل
    Mar 2004
    المشاركات
    4,230
    قوة التمثيل
    455

    رد: سطـل مـاي

    ههههههههههههههههههههههههه ه


    صدق من اول ماقريت الموضوع لين اخر شي وانا فاجة ثميه
    عجيبه سوالفك


    ان شاءالله بكطتب بعض طفولتي الرهيبة ^_^

  6. #21
    بروفيسور متميز الصورة الرمزية بنت الدلع
    تاريخ التسجيل
    Oct 2004
    المشاركات
    5,485
    مزاجي
    Angelic
    قوة التمثيل
    511

    رد: سطـل مـاي

    السلام عليكم

    موضوعك وااايد وااايد عيبني

    سردك في غاية الروعه

    عنوان الموضوع يجذب
    ولكن يوم تقرا الموضوع ماودك تسكره وادّور غيره

    عيشتنا بجو طفولتك الممتلئه بالمواقف الجميله
    اقرا الموضوع والابتسامه ماتفارقني ويوم اظحك اكتم ظحكتي >> اخاف اظحك فليل ^_^

    وانا اقولك استمر ولا توقف وان شاء الله بنكتب عن طفولتنا( البريئه والشقيّه )

    اخي العزيز ..
    استمتعت كثيرا بتواجدي في موضوعك
    وننتظر التكلمه بفارغ الصبر

    Somewhere over the rainbow bluebirds fly

  7. #22
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: سطـل مـاي

    السلام عليكم ورحمة الله وبركاته

    من شفت كاتب الموضوع دخلت سيده ....لا هوووود ولا هداااا

    ومن قريت العنوان حسيت بشيء مميز ...ولما تعمقت بالفضفضه عرفت إنه النكهة المنصوريه طاغيه

    ذكريات ولا أروع ماي برذر .... ورجوعك أبهجنا يا راعي النظاره الورديه:smartass:

    على فكره عيبتني هذه الملاحظه وااااايد وااااايد ....مثل ما يقولون يت على العوق وبالصميم

    ملاحظـه: اللي يحقـد ع الناااس ويستحقـرها عيونه تضيـق!! ... حـــِــب الناس .. عشان ( تحلو ْ ) .. يالخسف


    يمكن أرجع فذاكرة الطفولة تحوي الكثير والكثير ! بس الحمد لله ما شيء ضرب!

  8. #23
    عضوية الماجستير الصورة الرمزية هزاايم
    تاريخ التسجيل
    May 2005
    المشاركات
    2,486
    قوة التمثيل
    354

    رد: سطـل مـاي

    منbrgll: ------->إلي:hist:
    حليل حالك يا منصوري والله اياام لاتنسى
    وكسرت بخااطري عن سالفة الخاان خخخخخخ اسميكم


    ملاحظـه: اللي يحقـد ع الناااس ويستحقـرها عيونه تضيـق!! ... حـــِــب الناس .. عشان ( تحلو ْ ) .. يالخسف
    صح لساانك

    نحن بانتظاار
    ومن يقوى على نسياان طفوولته

  9. #24
    مشترك مقبول الصورة الرمزية روح الغراشيب
    تاريخ التسجيل
    Jul 2006
    المشاركات
    8
    قوة التمثيل
    0

    رد: سطـل مـاي

    فضفة رائعة ذكرتني باللي مضى وانقضى ... ونتريا جديدك أخويه منصوري الدولة..





    سوالم

  10. #25
    بروفيسور متميز الصورة الرمزية مجموعة إنسان
    تاريخ التسجيل
    Aug 2005
    المشاركات
    7,184
    مزاجي
    Angelic
    قوة التمثيل
    586

    رد: سطـل مـاي

    ههههههههه
    والله انك فنتك
    عاااد من المناصير لين الغزلان عسب لعب ..

    واللا التكسي اونه بيراااضيك جذيه
    الله يستر

  11. #26
    عضو جيد جداً الصورة الرمزية منصوري الدوله
    تاريخ التسجيل
    Dec 2001
    المشاركات
    934
    قوة التمثيل
    317

    رد: سطـل مـاي

    [mark=FFFF00]يالله حيـّــه ؛؛ انتو كلكم تقصون علي ْ ؛ وين اللي بيكتب عن طفولته وشقاوته هـا !!!
    يبالكم ( ... ) ..
    ع العموم : وهناك من البشر من تظل تعليقاته محفوره في الذاكره ؛ حقيقه جدا سررت بهواجيس مشتاق
    وهزايم واخوانهـم ؛ اعذروني ف التاخر المتعمد ف الرد لأني أرى اسمائكم اكثر اغراء من (منصوري الدوله) فقصدت ذلك ؛؛ لكم التحيه ولكم قلبي كلكم..[/mark]
    الشيطــان أستــاذ الرجــــل ولكنــه تلميـــذ المــرأه

  12. #27
    أحسن عضو الصورة الرمزية شمه
    تاريخ التسجيل
    Dec 2002
    المشاركات
    1,588
    مزاجي
    Fine
    قوة التمثيل
    339

    رد: سطـل مـاي

    لووووووووووووووول
    فضفضتك وايد وايد حلوووه..

    يوم انك من المناصير لين الغزلان.. عشان بس كوره..

    ذكرتني بسالفه ..
    يوم كنت اصغيره في الروضــه ... كانوا اعيال عمي اكبر عني .. اللي صف اول واللي صف ثاني ..
    فكانوا ماخذين في العلوم ان الكره الارضيه تدور حول محورها ..فجان يقولون لي هالمعلومــه وفوقها اضافات اونج لو تميتي تركضين في الفريج ووصلتي فريجنا ..(يعني من فريجنا لين فريجـهم تقريبايعني المسافه من المدينه الجامعيه لين الشهباء او حلوان).. انزين ف لو انا مشيت كل هالمسافه بحصل نفسي عند نقطة البدايه يعني عند باب حوشنــا لان ع قولتهم الارض تدور حول محورها.. وكانوا مستبدين لازم نسمع كلامهم.. فانا ولد خالي الصغير .. هو صف اول وانا في الروضــه اونه عاد كبار وفاهمين .. خلونا انسير نركض في الفريج عشان يطبقون الدرس..هم ساروا يشوفون رسوم و انا ولد خالي دقينها مشيــه .. والناس محتشرين يدورونا وهذيلاك خبر خير ..يشوفون الرسوم..و الشمس قربت تغرب ونحن انصيح في الشارع تعبنا من المشي وطلعنا من فريجنا وما وصلنا باب حوشنـا .. اسميه شافنا راعي الدكان (كنا مسمينه دبل كولا) .. وركبنا ع الموتر سيكل .. وردانا ..يوم وصلنا البيت ..من خوفهم علينا ضربوا عيال عمي اللي طبقوا الدرس علينا (القصه باختصار)..

  13. #28
    عضو جيد جداً الصورة الرمزية منصوري الدوله
    تاريخ التسجيل
    Dec 2001
    المشاركات
    934
    قوة التمثيل
    317

    رد: سطـل مـاي

    هلا و حلا

    ههههه والله احلى شي في مشاركة الاستاذه شمـه انها حسستني اني انا ماكنت الغبي الوحيد في طفولته ؛ تصدقون على الرغم من اني كنت وايد شاطـر ف طفولتـي وااايد لكـن لو خيروني ف كلمة اوصف بها نفسي فطفولتي بتكون ( غبي ) هيه الكلمه ؛؛
    ع طاري شطـارة اليهال انا كل ما أسأل حد كم كنت تطلع ف الابتدائيه يقول لي : الاول
    بتخبركم وين هاييلا اللي يطلعون الثاني والثالث ؛ والله بديت اشك ف السالفه تراني :kkk:
    شمـه : سلمي ع ولد خالتـج اللي طبـّـق وياج الدرس ؛ الحين شوو حاله ؛ اكيد معررس وعياله تنطبق عليهم الدروس خخخ سبحـانك يارب
    بقول لج شي :
    امس اتصلت بربيعي وكنت قاطعنـّـه تقريبا من سنتين يعني من سنتين ما رمسته ؛ أحيده ( قبل سنتين) كان يشكي من ( الزفت ) خخخخ يقصد بها جامعة الامارات ويبى يتخصص ويشتغل وكان يشكي من الواسطات والتمييز واشيا كثيـره ؛ اتصدقين امس يوم اتصلت به الحبيب اغتنى وتزوّج وتخـرّج ويمكن الحين يستوي وكيل ف النيابه ( او شي جيه ) ... مدري والله ليش استانست صدق ان عمر البني آدم قصير يا شمه يعني سنتين جيه تغيـّــر ؛

    [mark=FFFFFF][mark=FF3333]يالله قولي آميـن ؛؛ ان شاء الله ألقاج بعد سنتيـن كاتبه لي في رد : (( ثلاثخهلا ضخة ثصحبتل ))
    ويوم أسألج : شو هالخربشه والخربطان ؟
    تقولين لي : هذا ولدي ( جعفـر ) يحــب يدقدق ع الكيبورد خخخخخخ[/mark][/mark]

    الله يحفظج وريحـة التواجد مألـوفـه سـســتــــر ...
    التعديل الأخير تم بواسطة منصوري الدوله ; 25-07-06 || الساعة 04:17 PM
    الشيطــان أستــاذ الرجــــل ولكنــه تلميـــذ المــرأه

  14. #29
    بروفيسور متميز الصورة الرمزية قرموشة
    تاريخ التسجيل
    Feb 2006
    المشاركات
    5,503
    مزاجي
    Angelic
    قوة التمثيل
    497

    رد: سطـل مـاي

    متــابعيــن بصـمـت لفضفضتكـ يا منـصوري الدولــه .. :)

  15. #30
    أحسن عضو الصورة الرمزية شمه
    تاريخ التسجيل
    Dec 2002
    المشاركات
    1,588
    مزاجي
    Fine
    قوة التمثيل
    339

    رد: سطـل مـاي

    شو جعفر انت بعد.. :(

    اممممممم .. جان تبى بعد.. بقولك سالفة..

    يقولك ترى انا كنت البنيــه الوحيده ف يوم يجتمعون عيال عمي وخالي والله مقصه اصغر وحده فيهم..
    المهم ..

    اتعرفون الطائرات النفاثــه اطلع دخان في السمــا..

    فلما انكون في الحوش.. يوم يشوفون طياره نفاثــه .. يقولون لي هذا صاروخ مال الفضائييـــن.. لو ما يبتي البروش وخميتي السمــا (شوفوا العقل).. بيون بيتكم في الليل و بخطفونج .. و بعدين انتي بنيه ما بترومين ادافعين عن عمرج..
    ف اربــــــــع ايب بروش .. و اوني اخم السمــا .. يقولون لي لازم اتخمين لين ما الدخان يخوز.. اونه هذا دليل طريجهم يوم يشوفون بنت صغيره يحطون علامه ع بيتهم..

    انزين عاد اتم انا في الحوش و اخم السمــا (اكيد اتقولون في خاطرك كيف اتخم السمــا) ترى الدخان شوي شوي يخف .. و انا عبالي انا اللي اخمــه.. ومرات يوم ما اخلص (شغل البيت لوول اقصد تنظيف السما).. اقعد اصيح .. و اونه ايي ولد عمي يساعدني .. (عاد هذا لو قلت لكم اسمــه الحين الكل بيعرفه .. وحليله يوم صغير يخم السما وياي)..

    والله معانــاه مع اولاد العايله قاصين علي..

    (لا تقول جعفر .. يا خي قول احمد قول محمد ..عمر .. خالد ..دور اسامي حلوه لو سمحت جان تباني ارد ع موضوعك لوول)..


    :)
    شمــه...

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •