ليش جيييييي!!

[الملهم]

السلام عليكم

موضوعج جذبني كثير .. قبل كم يوم كنت ارمس ويا اخواني عن ها السالفة .. بس مش سالفة الموتر بو باب .. عن زيارة البنات لبيت ربيعاتهن .. عندنا يقولون البنات في سن الزواج لازم ما يطلعون من البيت ولازم يتمون في البيت وما ادري شو وعيب ..

بس في حسب نظري اقول قال الله تعالى "يا ايها الذين امنوا لم تحرمون طيبات ما احل الله لكم " ليش تحرمون الحلال ؟؟ ..
خلنا نترك العادات والتقاليد ونهتم في الدين اكثر .. انشوف شو الحلال وشو الحرام في الدين مش في العادات والتقاليد ..

الصراحة في نظري ها الشيء طبيعي ومافيها شيء .. بس ما اداني يوم اهلنا يعقدون الامور .. ولو بسمع كلامهم ما بعيش .. فرص حلوه بتضيع مني والسبب عادات لا اصل لها في الدين ..

شكرا على الموضوع ..
حمستيني وايد .. لازم ارد ارمس ويا اهلي وبقنعهم " احلم ^_^ "

[هزاايم]

بوظبي الحلوه
دوومي اختطف عالموضوع اقول برد بعدين امسح ارد
مدري بس هذاا راااي

أول حااجه السعوديين منعوا الحريم من سوااقه لأنه يقولج لو البنت كانت لحالها وصاار بها حااجه وهنااك من هم نفووسهم ضعيفه"وللأسف اغلبيتهم تحسين فيهم مكر"فوقار وحاميه لها منعوا السوااقه....

اناا معااج إن اغلب الحريم من تلقين منهم الرمسه وتحبيطه و رمسه,,ولو شاورتي مع الرياييل مدري عندنا مايعطووونج الحل,,يعني بطريقه وثانيه ماتعرفين راايهم,,وهذي صعبه,,هو مش قهر بمعنى الكلمه نو بس فيها شوي يوووم أبويه يواافق على حاجه وأمي تقول لا ,,,ليش داام الريااايل موافق ليش ترفضين,,يقووولج انا أدرى بها,,صدق يصيبنيه احبااط:sadwalk:

المشكله فينا نحن إلي خلطنا بين الدين والعاداات والتقاااليد بس لابد نتذكر إن حناا عايشين بالزمن يختلف عن اياام إلي وضعت بها التقاااليد

وعلى سالفتج ترى عندنا إهناا هالأموور تطبق على ناس ونااس
يعني عادي اتوقع يقولون ليه ماراح تاخذين ليسين,,معنه كل خواتي يسوقن,,وعاادي وحده منهن تسووق سيااره بوباب وتكشفها"مش جداام الملا"لكن تسووقها وهي مغطاايه عادي,,ومش عاادي ليه اني ازوور ربيعااتي,,يعني ميزان مختل,,يمكن لهم نظره,,بس خلها هالنظره يطبقوونها على الكل أو يسحبوونها
بس الحيااه حلوه لو نفذنا أمورهم أوعاندنااهم فيها اكشن:harhar1: "شيبت ابويه من العنااد ربي يطول بعمره"
والسمووحه إختيه
وانا اطاالب بحقج

[سفير الخيال]

عيبني الموضوع :)

بوظبي, خذي اللي تبينه دامج ما بتسوين غلط ودامج واثقه من نفسج

طفله من هذا الزمان وطير الحب ومنصوري الدوله والباقي, عيبتني ردودكم

شكرا