ليش جيييييي!!

[تحفه]

بـعد عوده غير مخطط لهالموضوع ,,لها قررت اني اكتب رد مبناي على اساس موضوع السياره بوباب!

أنا مالقيت اي سبب مقنع يفسر تقييم المجتمع للـ بنت الي تسوق سياره بوباب غير إنّه تخلف مرتبط بالدين"نحمد ربنا عليه يوم نشوف الاحوال في الدول المجاوره وبالتحديد السعوديه"

بتقولون شقايل تخلف؟ .. بقولكم مثل ما نحنا إنشوف ان السعوديه بلد متخلفه في سالفة إنها تمنع سواقة المرأه لأي سياره كانت من سيارة بوست ابواب لـ نجّال .. معنه لو تلاحضون مافي اي آيه او دليل يحرم سواقة الأنثى للمركبة .. شوفو مثلا .. إيران : لو تشوفون قناة الجزيره يوم ترمس عن حظارة ايران .. عادي بتشوفون حريم مب بس يركبون سياره فيها باببين بس .. بتشوفون حريم راكبين بطبطه " يعني موتر سيكل " والشعب الايراني "الذكور" ما يشوفونها بنظره دونيه او نظره نازله ولا يسووون لها حركات ارعى!! على عكسنا للاسف !!

شوفو معنه نحنا كانو الحريم يركبون خيول ونوق ولا حد يمس شرفهم بـ أق !!
بس احينه ومع العولمه الي " معظم " العائلات هني تغيرت مفهوماتها و إختلاط الحابل بالنابل أدى إلى ظهور فئـه من كثر خوفها قامت تتصرف بتشدد غير طبيعي

بتقولون شقايل تقولين تخلف مرتبط بالدين؟؟ انا بقولكم ان دينا إنوضع لكل زمان ومكان صح ولا لا؟
السياره بوباب في مجتمعنا "سواء بنت تسوقها او ولد " ينظر لـ مالكها على اساس انه متهور وما يفكر في مستقبله < لأن الإعلام اعطى هالفكره وخاصتن الافلام .. وخلّى الناس تقول في خاطرها كل الي يركبون هالنوعيه من السيايير حياتهم خربطان في خربطان ( والي بيعذرونهم هم قوم الرايليات لأنها رياضتهم ) لكن الحمدلله الحين الناس وعو اكثر .. ومع الايام قمنا نشوف وايد شباب و بنات يسوقون هالنوعيه من السيارات ولكنهم still يحصلون comments مب حلوه في حقهم من فئه "مختلط الحابل بالنابل" عندها في المجتمع

للاسف الي شجع فكرة "البنت الخايسه الي تركب سياره بوباب" هم البنات "المغازلجيات" في بداية ظهور السيارات بوباب والي يكونون "وايد جريئات " لدرجة انهم بيسوون اي حركه علشان يحصلون مرادهم ( طبعا انتوا تفهمون سالفة إن مجتمعنا صغير .. والسيارات عندنا انتسرت في السبعينات ) ولا في الاربعينات و الخمسينات والستينات كانت مقتصره على التجار .. ومعظم مجتمعنا كان بسيط و فقير

الموهيم .. الحين وايد بنات واعيات وقياديات يسوقون سياره بوباب أو كانو يسوقون في مرحله من مراحل حياتهم ( مثل منى المري , د.ناديه , وغيرهم بس مابي اذكر اساميهم لأن الي ذكرتهم كانو طالعين إعلاميا بسياييرهم .. يعني متاكده ان عادي عندهم اضرب فيهم مثال :ice: )

يعني واثق الخطا يمشي ملكا .. ( انا اقدر اسوق بوباب بس مشكلتي اهتم حتا للمتخلفين )

بالمختصر

هالفكره مرتبطه في دينا لأنا ( مجتمعنا مكون ثقافته من خليطة الدين بالعادات والتقاليد :no0: :no0: ) علشان جذيه نحنا نسمع كلمة عيب ومنقود أكثر حلال وحرام صح ولالا؟
الياهل عندنا يعرف يقول عيب ويفهما قبل لا يفهم الحرام والحلال وهذا غلط

وفي وجهة نظري ( لازم نفرق بين الدين والعادات والتقاليد ) خاصه وان جيلنا الحين متعلم وواعي ومثقف

الموهيم ..

الي ابا اقوله .. إن دينا مرتبط بهالتخلف ( لأنه قال إبتعدو عن الشبهه) وهالتخلف مسبب شبهه مالها لزمه

وبنفس الوقت ( لازم ما نهتم لآراء الجاهلين )

المشكله ان الجاهلين هما اهلنا يعني الناس الي نحبهم ونقدرهم ( يعني عماتي و خالوتي ويدوتي ومعظم بناتهم ) .. لا المشكله اولاد عايلتنا احس عادي عندهم والبنات هم المحتشرات ( وما اخش عنكم ماما يوم اناقشها واقولها عن طريقة تفكيري .. وخاصه في موضوع السياره تحتشر لدرجة انها اتقولي يا ربيه انا شو سويت في حياتي علشان تطلعين لي بهالتفكير .. وماربيتج وعلمتج علشان انتي اتيني على آخر شي تفكرين لي هالتفكير ) لووول فديتها الله يحفظها والله وايد امعذبتنهااااااا

الموهيم

( أنا ليش فتحت باب لمناقشة هالموضوع ؟ لأني إبتديت من نفسي .. وقلت اشاركم فيها ) .. لعل وعسى .. نسوي تغيير