ليش جيييييي!!

[هزاايم]

انا معااج
مش عن الزوااج
عن ابسط حااجه وهي دراستنا
يفرضوون علينا الشي
أنا اقول يمكن يشوفون لهم نظره
لكن سرعاان مااكتشف قرار يمشي على نااس ونااس

ولو عن الزوااج
هذي حفيده خاليه مش كمله ال17 و ملجووا عليها
ليش عسب الخال مايريد يخرب علاقته مع أهل الولد والبنت

تخيلي انا علاقتيه مع ام ماعادت شراات قبل
مدري مش مرتااحه يوم اسولف معاها
ليش لأنها تريد مني ادرس حاجه ولا زيااده هزاايم ترى بعد الدرااسه ماشي شغل:puppyeyes:
عسب كذى اعااند مش عنااد لكن خلاص ابغي آخذ إلي ابغييه مش إلي على هواااهم

واايد تحرطمت
تسلم يمنااج عسب فضييت إلي بخااطري
عااشت عاصمتنا
وأخيرا فضفضتنا

[هزاايم]

^^^^^^^^^^^خخخخخخخخخ ضحكوا على هذي الإنسانه
معليش حناا عيااالهم


__________
انا بخااطري بهاامر لكن لامحاال اسوقها
ابويه عن التمييز بين الفئتين عااد حدث ولاحرج بس دوميه اشوف لصاالح البنت يكوون
والصرااحه عجبتنيه تنااولكم للموضوع وربي لايهينكم
عشتووا ودمتم ذخر وفخر لناا

[المزوحي]

بشكل عام .. لاحظت إنه الوالدين بغض النظر عن تجاربهم وخبرتهم في الحياة ..
إلا إنه يفرضون علينا شي مانحبه .. مثل الأكل .. اللبس .. أو أشي ثاني ..
ليش حطيت القلم على الطاولة ماتحطه في السده ... همممم
ينتقدوون كل شي
صدقوني اسكت بس لأنهم والدينا ...

[تحفه]

تعرفون ابي ارمس بس ومن الصبح قاعده بس اطالع الردود واشكركم .. ابي اكمل الموضوع عندي وايد اشيا ابي ارمس عنها .. بس مضغوطه اليوم عندي شغل ..

[مجموعة إنسان]

لازم كل واحد منا يحترم والدينه ويقدرهم وياخذ برايهم ..
بس مرات تحسون ان اللي انتوا تبون تسونه هو الصح وان مافي حد يعرف مصلحته غير الانسان نفسه ..
نحن في البيت كل واحد يسوي االلي يبيه .. يعني معطينا حريتنا بس ابوي وامي الله يطولي بعمارهم اذا شافوا ان هذا الشي مب زين لي يقولولي وانا وراحتي اذا مقتنع بسوي ولا بدور حل ثاني ..

ومع ان كل شي اسوي برايي بس قبل ما ابدا لازم استشير ابوي
..

ساعات نحن نحس ان رايهم غلط او ان يبون يمشونه بكيفنا
انا اقول لا .. بالعكس هم يبون مصلحتنا وفي اشياء وايد نحن مانعرفها وهم يعرفوها ..

.
.
.
جاو جاو..

[نبراس الليل]

مابحاول أناقش وأجادل


وبما إني من المعارضين لهي الأفكار


فأتمنى تقنعيني بأفكارك ....يمكن تكونين على صح وأنا على خطأ

[طفلة من هذا الزمان]

طبيعــــــي

الإنســـــــان عـــــــــــــدو ما يجهــــــــــــــل ،، :)


وحـي القلـــم
عفـــــوا

حتى أنا عيبني أكثر و استمتع بالموضوع


طفلـــــــة ،،
:ice:

[تحفه]

مشكورين كلكم .. أنا بعد استمتعت بالفضفضه .. و أشكر طفله من هذا الزمان الي حلّـت الموضوع ..

ناويه اكمل الموضوع لأن عندي نقاط وايده ابي اقولها ... إن شاء الله الحين امخمخ وايمع افكاري واطرحهم في رد واحد

[الثعلب الرمادي]

اكيد اي اب او ام يريدون لطفلهم الافضل و يريدون طفلهم يكون احسن منهم و المفترض من الطفل انه يكون قد المسؤولية لكن في اطفال عنيدين و راسهم يابس و يريدون يسوون العكس حتى يثبتون لانفسهم انهم يقدرون يختارون لكن اكثر الاطفال ما يعرفون ان في الحياة في اشياء الواحد صعب يعاند فيها لانه بيضر نفسه في النهاية لكن الطقل يوم يكبر بيعرف الى اي مدى وصلته اختياراته.

[مخاوية الامل]

السلام عليكم ورحمــة الله وبركـــااته ..

اسمتعتـــ وااايد باللي قريتــــــه ..

بوظبي ..
تدرين غنااتــي .. ؟
حلو أسلــوب التشــاور ،
وأنا ضد فرض الراي ..
لأن كلن له أسلــوبــه ، ..
أحيـــانـــا .. فخاطريـــــه أسوي أشيــاء . لو سويتهــا .. ع طول قص الرقبــة . !
يعني هي مابتكون أشيـاء غلط أكيد ، بس مثلا .. بسيـر بيت ربيعتيـه .. ! ممنوع .. . !
تتخيــلين لين وين وصل الموضوع .. !
وليش .. ؟
لنه نحن ف زمن صار الأخ يخاف ع إختــه من اللي يسويه ف بنــات النااس .. !

مثلا .. <بذكرلج موقف>
عنديه كتاب ربيعتيه وبالباجر عليــنا امتحان فهالكتـاب ..
قلت لبويه بسيـر بيت اربيتعتيه .. ممكن .. ؟ ليــش تسيـرين ..؟ امم عنديه كتابها وباجر علينا امتحان فيه .. أوكي بس عند الباب .. لبست وكل شي .. طلع ليه أخويه .. ع وين ..؟ بيت ربيعتيه .. ! ومنو عطااج تصريح .. بويـه .. جان يقول مالومه مايعرف شو يستوي برا .. فالأخير قاليه عطينيه أنا بوديه .. ! طوفنــااها ..

بس اللي بموت وعرفه .. وين الثقـة ..؟
شي يحز فالخــااطر حيــل ..
هم مايعرفون نحن شو نوايانا..؟
يعني أنا يوم خويه قاليه جي .. بديت أشك فعمريه أنا مسويه شي غلط .. ؟

التفكيــر استوى متحجــر ..
وعبــالهم الكل واحــد .. هاي خاربه الكل خاربات .. !

الله يعينــــــــا .. !

ع فكرة .. طفلة من هذا الزمان ..
أسلوبج أكثــر من روعــة .. لا هنتــي غنااتي ..

فمان الله ..

مخاوية الامل

[طير الحب]

نحن بالإنتظار بوظبي وايد حبيت الموضوع والنقاش الي صار فيه...وكنت بكتب موقف.

أنا كان حلمي ان أسوق سيارة اولا من باب التحدي يعني هالنقطه يمكن أشاركج فيها أحب أتحدى وأثبت ان أقدر بس اكيد في الأشياء الصح...وكنت اعرف انه ذوي النفوس الضعيفه بيتكلمون لنه بنت فلان تسوق...بس خذت الليسن والحين صار لي سبع سنوات بس تعالي لي الحين ما استمتع بالسواقه أبدا لأنه قبل سبع سنوات كانت الشوراع أقل إزدحام وأهدا يعني بالمختصر كرهت السواقة الي تحديت بها بعض العقول...هي مسألة وقت فقط...وإذا اهلج يعارضون السيارة الكوبي في سيايير وايد حلوة للبنات وبالمواض\صفات الي ترضي اهلج يعني تنازلي عن شيء لأجل شيء...جي تمشي الحياة وبلا اكتئاب أو ضغط نفسي...ومجتمعنا مافيه شيء وأنتي تقدرين تتحدين العادات إذا تشوفينها عقيمة أهم شيء الدين لنه للأسف يمكن عندنا في مجتمعنا العادات اهم من الدين.


سلامتكم

[وعد]

هلا خيتو
اول شئ انتي معذوره لانج من برج العقرب وبرج العقرب متمردين بطبعهم وما يعجبهم العجب ولا الصيام برجب :)
الشئ الثاني تقولين بتخلين عيالج علي راحتهم صح بالمستقبل؟؟؟

ان شاء الله اذا الله عطنا عمر انا وانتي وصر عندج عيال بتعرفين ليش ابوج وامج يتصرفون جذي معاج ,,,,,,اختلاف الاجيال ,,,,

انتي الحين تبين سيارة كوبية صح؟ مومهم عندج نظرة الناس لج؟ بتقولين مالهم شغل فيني ؟؟؟؟ لكن حمدي ربج فيه ناس يفكرون فيج كل لحظه وكل ثانية خايفين عليج من الهواء خايفين عليج لدرجة انهم دايم يبونج فوق,, هذي الناس هم امج وابوج
لكن الي مو فاقد الشئ شلون يعرف بجيمته سالي اي انسانه فاقده امها او ابوها وعايشه حياتها بدونهم كيف تتمني انهم متواجدين بحياتها حتي لو بس معناة وجودهم حرمانها من الاشياء الي تحبها

في ناس اختي مستعدة تتازل عن حريتها وعن السيارة الكوبية وعن السفربمقابل اب او ام يكونون متواجدين بحياتهم هذا اقصي ما يتمونه ,,,,,وهالشئ انتي تمتلكينه فحمدي ربج وشكريه علي هالنعمة وروحي بوسي راس امج وابوج وقولي لهم الله يخليكم لي ذخر يا ربي
دمتي بخير عزيزتي

[شوق القلوب]

الســلام عليــكم..

.
.


كـــلامج كبيــــــــــر يا وعــــد..

الحمد الله.. :)

[وحي القلم]

:)

..

[منصوري الدوله]

مدري انا اتابـع ف هالموضوع اثنينـه ( ام خدود ) و ( طفلـه من ذاك الزمـن ) ..

نحـن امبينـا البيـن نعيـش صراع واللي بـــرع بعد يبـون يدخلـون أعمارهـم ف الصـراع نفسـه ؛
عندي الدكتوره ف الجامعه وايد تستغـرب ليش نلبـّــس حريمنـا أسود ف أسود وتضحك علينـا وايد
انا ف نفسي اقول الحريم ف بعض المناطق من كمبوديـا يلبسونـهـا مثل الحلقـه ع رقبتـهـا وياليت
حلقـه وحده بـل وااايد يعني الحرمه هناك تصطك من الحلقات من نحرها الى حنجهـا ؛؛ انا قلت ف خاطري
هناك الحريم ماحد يطالب بحريتهن شمعنى نحن هنيه ف الخليج امريكا كل شوي طابـّــه علينـا وتبانا نحن وزيـره او نايبـه اصلن الحريم ارواحهن يثبتن كفائتهـن وحتى يمكن تلقين الحرمه واصله فووق فوق بس نحن لان الحين عندنا الخيـر و والله باجر لو خلص الخير لو نذبح حريمنا والله ماحد بيقول شي .....

انزي هذا كان عن التدخل الخارجي لكـن ع التصارع امبينا البين ترى صدق والله مشكله يعني الواحد لو بيسافـر عيوزه اتــّم تصيييح علي وتقول له شو تبى تسير ذيج البلادين حرام ومب زين ؛؛ احيان تشك بعمرك اتحس انك ساير وحالف انك اتسوي شي غلط ... هم يتحرون ان نحن جبودنا ميته ع الحريم وكله حياتنا وحالنا ومالنا بس عشان الرغبه والاشيا اللي مووو شي ....
بالله كيف افهمهم انه ااذا الواحد متعلم ويعرف عن الامراض وقبل هذا يخاف ربه مستحيل يسوي جذيه
وخص اذا كان عنده هل واخوات .....

انزين انا فضفضت خلاص

تعالي ع طاري الب وباب ؛؛ والله احس عادي مافيها شي بس يبالهـم قردنـه بس لو سألتوني بترضى تاخذ لاهلك بوباب ؛؛ وحياتـكم لأقص راسها واعلقه ع الباب .... اخلي السياره يسمونها بو راس ...

ام خدود سوي اللي يريحج وان شاء الله تتزوجين واحد يهديج ف الصباحيــّـه هاي السياره اللي تتبطل بيبانها ع فووووووووق مرسدس SLR ... آميـــــــــــــــن ........ وذيج الساع خلـّـي اللي مايشتري يتفرج