الخبراء بـ اللابتوبات ~ أحتاج مساعده !

[أكسجين]

السلام عليكم

امم ابغي خدمة من اللي يعرفون في اللابتوبات ~ اختي مُدرسة وتبى تغير لابتوبها
فـ عيبها هذا الابتوب اضغطوا هني
.
.
فـ تبى تعرف اذا مواصفاته زينه , او اذا حد يستخدمه وحس انه في سلبيات
يعني تبى نصيحتكم باختصار ~ ومشكورين مقدماً

مع السلامه

[شوق القلوب]

الســـلام عليـــكم...

عيبنـــــــــــــي اختيارها... أكيد دامه SONY

لابتوبي بعد SONY بس طبعا موديله أجدم.. بس بصفه عامه.. الـSNOY واااايد حلو.. و خليها تاخذه من جمبـــو اللي في دبي.. عشــان الضمان و هالســوالف..

اسئلي بن دبي... هو بعد يستخدم SONY و يمكن يفيدج أكثـــر.. :smartass:

[أكسجين]

وعليكم السلام والرحمه

مشكوره شواقّه ع التعقيب , استانست اختي واايد لانج وافقتيها ع السوني
وتقولين يعني أسأل بن دبي , اممم ان شاء الله يشوف الموضوع ويعقب عليه , بدون ما اسأله لول
.
.

وهذي صفحة المواصفات حق اللي يفهم فيها هنا

[شوق القلوب]

هلا بفراشتنــا الحلـــوه.. :)

زيـــــــــــــن انها استانست... جان استانست انا بعد

..

أشوف مواصفاته حلــوه..

بس أضني.. و مب متأكده.. انه الكيبورد مافيه عربي.. يعني اذا هي عارفه أماكن الحروف بالعربي و متعوده عليه.. ما بتتعب وياه..

بس هو عادي يكتب عربي.. بس الحروف ما اتكون مطبوعه على الكيبورد..

انا قالولي يوم اشتريته.. اونهم بيبطلون الكيبورد.. و بحطولي واحد ثاني فيه عربي.. بصراحه ماهان علي يتعبثون فيه و هو يديد.. و من بعدها.. شوي شوي اتعودت اكتب عليه ع السريع بعد.. :bow:

يعني هالشي ما تعتبر مشكله.. بالايام بتتعود.. :)

[خيال الحب]

انا استخدم توشيبااا

النسخه المحدوده الي نزلت
Sa20

سرعته 2.8

ووايد مواصفات فيه

بس بعد السوني يمدحوونه

انا الصراحه عايبني التوشيبااا

[لمّــاح]

مرحبا اختيه ..

اللابتوب جيد و فيه كل المواصفات المهمة مثل البلوتوث و الوايرلس و سيدي رايتر ...الخ

و سوني من احسن اللابتوبات يعني اصنفهن من مستوى توشيبا و IBM ..

توكلي على الله و خذيه و مثل ماقالت الاخت شوق القلوب خذيه من جمبو او شوفي كارفور اذا يبيعونه يمكن يطلع ارخص ..

[خيال الحب]

بوكشه هنيه

الحمدلله ع السلامه

متى وصلت

[شوق القلوب]

هلا..

لالا.. خل تاخذه من جمبــو أحســـن.. اللي سمعته انه كارفور يلعوزون وقت التصليح..

[قرموشة]

احـم احـم وجـان يمدحـوون التوشيــبا

السـونـي واايد عايبنـي من حـيث الشكــل .. والمـوصفــات .. ورايي انـه اختــج تاخـذه ..
اممم خـذيـه من جمـبو شرات ما قالـوا خـوانــي .. :)

وويتربى في عزكــم .. :)

[لمّــاح]

خــبــال الحــب .. :harhar1:

بوكشه هنيه

الحمدلله ع السلامه

متى وصلت

الله يسلمك ..

يوم الاربعا فليل يعني الخميس الفجر ..


شــوق القـلوب ..

لالا.. خل تاخذه من جمبــو أحســـن.. اللي سمعته انه كارفور يلعوزون وقت التصليح..

هو جامبو احسن صح بس قلت يمكن السعر يفرق لأن ساعات الفرق يكون 800 او 1000 درهم !!
و بخصوص التصليح بالعكس وايد عادي .. يمكن بعد اتغيرت خدمتهم انا مادري
خذيه من جامبو و انتي و الخير ارباعه و خلاص :ice:

بس نصيحتي لاتاخذون اللابتوبات بالذات من بعض ( عشان ما اضلم الكل ) محلات مركز العين او شارع الكمبيوترات في بر دبي أسميهم حراميه يبيعون اللابتوب بأسعار مغريه و كل الي فيه تقليد .. انا بروحي جاكنهم يتحروني طمه ماعرف لكن الكمبيوترات ( التجميع ) عادي يقدر اي انسان يعرف اذا الي مركبينه تقليد او لأ .. لكن اللابتوب اييكم جاهز ف خذوه من المحلات الكبيره مثل بلج انز، كومبيو مي، توشيبا، جامبو، جاكيس ...الخ

[العجيبة]

بس نصيحتي لاتاخذون اللابتوبات بالذات من بعض ( عشان ما اضلم الكل ) محلات مركز العين او شارع الكمبيوترات في بر دبي أسميهم حراميه يبيعون اللابتوب بأسعار مغريه و كل الي فيه تقليد .. انا بروحي جاكنهم يتحروني طمه ماعرف لكن الكمبيوترات ( التجميع ) عادي يقدر اي انسان يعرف اذا الي مركبينه تقليد او لأ .. لكن اللابتوب اييكم جاهز ف خذوه من المحلات الكبيره مثل بلج انز، كومبيو مي، توشيبا، جامبو، جاكيس ...الخ

وين نصيحتــك هاي قبل 5 سنـوات ؟ !!! :nono: