كيـــف أدفـــع ..؟؟؟

[شوق القلوب]

الســــلام عليـــكم...

بغيـــت اعــرف كيـــف اقدر ادفع فواتيـــر موبايلي من على النـــت...؟؟

..

رقمـــي خـــط .. و عندي احســـاب في دبــي الاســـلامي..

بس ما جد جربت ادفع من النت..

لو حد يعرف.. يا ليت يخبرني ..

..

و شكـــرا

[عذبة الروح]

وعليكم السلام والرحمه

احم احم ...
فديته باباتي .. هو اللي يدفع
وعقب ... يهزبني :kcl:

خذي الحل من حد غيري
لانه ما اعرف الطريقه :no0:
والسموحه .. لاني حشرت نفسي brgll:

اختج
عـذ الـروح بـة

[عفاريتووو]

عليكم السلام


في موقعهم الجديم ,, عشان تدفعين كان لازم تسوينلج account في الموقع
بس موقعهم اليديد ماعرفتله الصراحة
بس اتوقع نفس الشي :kkk:

[راعي الزعـامه]

موقع اتصالات فور مي اعتقد في خدمة الدفع الكترونيا
www.e4me.ae
بس كيف يستخدمونه .. ماعرف

[تحفه]

ماعرفش واللهِ

[الحساس]

مرحبا..

انا ادفع الفواتير عن طريق بنكي الي هو: بنك دبي التجاري بحيث عندي اكاونت ادخل به ويظهر لي كم عندي بالحساب.. وبنفس الوقت اروم ادفع فواتير التلفون او الكهربا والماي ..
واظن معظم البنوك الحين عندهم هالخدمه..

بالنسبه لدفع الفواتير عن طريق موقع اتصالات الي ذكره عاشق القلم .. ما جد جربته لكن اظن يصير انج تدفعين .. لاني مشتركفي خدمة اتصالات للاستعلام والدفع للفواتير عن طريق النت.. والعاده استخدم هالخدمه عسب اجيك فاتورتي.. وعندهم خدمه للدفع عن طريق النت بس لازم يكون عندج ماستر او فيزا كارد..

للاشتارك في هالخدمه عند اتصالات.. لازم تدخلين الموقع وتسوين لج حساب.. وبعدين تسيرن اتصالات وتاكدين اشتراكج وهم بيفعلون حسابج ومن بعدها ترومين تدخلين من النت عسب تجيكين الحساب..

تحياتي

[الحساس]

[أليمه]

اضن الاخوان فادوج ..

[صدى جوفي]

هــلا شواّقــة ..
اتعرفين يوم ناس تحب تقلد ناس و...،،
البارحـة ســجلت بــموقع بنكـ دبي الاسلامي بمساعدة عمي ومن هنــاكـ عبيتـ رصيدي .. اللنكـ بهاكـ الكمبيوتر ،، ان شاء الله بحط التفاصيل اليوم..
وسلام..)

[طفلة من هذا الزمان]

أنــــــــــــا أعــــــــــرف .. كم تدفعين ؟

بس بقولج الصدق تراني مووول ما جربتها لأني مب أنا اللي ادفع الفواتير

انــزين ركــــــــــزي هااااا .. يودي :ice: هذا بعد عشان تركزين أكثر ويايــه


الإســلامي الأون لاين

ادخلي الموقــع www.alislami.ae
استخدمي التعريف الشخصي الخاص فيج و الباسوورد للدخول أو رقم الحساب الكامل و الرقم السري الخاص بخدمة اسلامي اون لاين ( هالمعلومات عاطينج اياها البنك في الـPackage اللي يعطونج إياه اول ما تفتحين حساب في بنك دبي الإسلامي )
ضيفي رقم المستهلك إذا ما كان موجود
اختاري خيار دفع فواتير الخدمات العامـة و اختاري الجهـة المراد تسديد فواتيرهـا و دخلي حساب المستهلك ثم المبلغ المراد دفعـه بدون ادخال فواصل عشريــة
بعد تأكيد المعلومات بيظهرلج رقم مرجع يفيد بإتمام عملية الدفع ........


في طريقــة عمليــة أكثــــــــر ،،


اتصلــــــــي 8004008

للاستمرار بالعربيــة اضغطي 1
اضغطي 1 للخدمات المتعلقة بالحسابات
دخلي رقم الحساب و الرقم السري الخاص بخدمة الاسلامي المباشر 4 digits
اضغطي3 لخدمة دفع الفواتير
اختاري الجهة المرادة تسديد فواتيرها
دخلي حساب المستهلك و المبلغ المراد دفعه بدون ادخال فاصلات عشرية

جــــــربي و خبريني شو يستويلج .. و كهديـــة ممكن تحطيلي رصيد في دربج brgll:

تحيـــــاتي
طفلـــــــة
:ice:

[شوق القلوب]

.. عــذبة الــروح ..

والله انا تعبت من الهزاب كل شهــر
عادي عادي.. الحين انا استوى عندي تبلد .. و هم قاموا ما يفتكرون..
فقلت خلنا ندفع بروحنا ابرلك لنا brgll:

..

.. عفاريــتووو..

كان عندي account بس والله نااااسيه الـ user name :sadwalk:

..


.. عاشق القــلم ..

شكــــــــراً ع المـــوقع .. ^_^ ما قصرت و الله ..

..


.. بــوظبــي..

كـُنتِ زيّــك .. ما اعرفش حاجه !

..

.. الحســاس ..

صــح كـــلامك يا اخوي.. موقع الاتصالات نفسه يبا فيزا و ماستر..
و كنت أجيك قبل مثلك ع الفواتيــر..
بس ما أظن انه لازم اسير الاتصالات عشان أأكــد اشتراكي..! انا سويته مره في البيت و طلع عندي عادي..!

المهم.. تسلم يا دكتــور.. تعبتك وياي .. ^_^

..

.. أليـمه..

شكراً ع المرور..

..

.. صــدى جـوفــي ..

عــــــــــاد يوم شـــفت اضــافتج... قلت دام السالفه جي سهله.. و تستوي عن طريق البنك.. قلت بجـــرب..

و أستــــــــــــــــــــــ ـــوى اطلعت السالفه ســـهله ما يبالها شي.. :bow:

بس الله يسامحهم مب امحطين دفع الانتــرنت.. يعني لازم نتعنى للاتصالات ..!

يسلموووو.. صدى..

..


.. طــفــله..

هلا بالغاليـــــــــن..

الله يسلمـــج. مره اتصلت بالاسلامي المباشر.. وصراحه عقدوبي..!! أذكر اللي كانت اتكلمني اتقولي ييبــي رقم حســاب تلفــونج شو بعد رقم حساب تلفوني.. هو رقمي وبس..
واذكر قالتلي انه المبلغ لين ما يتحول يباله يوميـــن.. :shock: قلت مايسوى علينا.. ندفعهم من المكاين اسرع !!

من جيه غسلت ايدي منهم.. و قلت بسأل عن طريقه أسرع..

و اطلعت السالفه ســـــهله ما يبالها شي..!!

يوم تدخلين موقعهم.. اتسجلين فيه..
يبون رقم حسابج.. و الـ pin للاسلامي المباشر..

و عقب مايتأكدون من حسابج.. يطلبون منج اتحطيلهم username و اتملين باجي البيانات..

و عقب ما اتسوين confirm .. بيعطونج password لهالخدمه..

و بس.. عقبي سجلي دخول.. بالـ password اليديد..

و من ضمن الخيارات.. فيه ع اليسار دفع فواتير الاتصالات.. وو وتختارين نوع الخدمه GSM ... و الخ... المهم.. و اتحطين الرقم و يعطونج كم عليج هالشهر.. و اتحددين المبلغ اللي بتدفعينه.. و آخر شي submit :ice:

و خلصـــنا.. :bow:

..

طفـــله... حاضريـــن.. بنحطلج الرصيد اللي تبينه..

بس عطيني رقم حسابج و الـ pin مالج
brgll:

[صدى جوفي]

الحمدلله انحلت المشكلــة ..) ،، من البارحــة أحاول أدخل موقع البنكـ ما رمت ما أعــرف شو السالفــة،، وعن فواتير الانترنت تندفع عن طريق موقع الشامل >> هاللي أعرفــه،،