غرام فقير=حامد زيد
منك العذر وعلي المعذره @@ لاتحسب حساب هجر ولا هجير
كل ذنبِ بتذنبه بستغفره @@ واحدِ مايعذرك مافيه خير
دور بقلبي وطن واستعمره @@ عندك من الضلع الأول للأخير
عيش فيني ودمر اللي تدمره @@ واعتذرلي وإعتبر سرك في بير
لاتبشرني ببجرح وتذخره @@ ولا تعشمني بحزن وتستخير
ولاتنومني بليل وتسهره @@ ولا تنام إلا وجفني سهير
خلني مثل النجوم امبعثره @@ عيش فيني لاشهيق ولا زفير
لاتقول العفو عند المقدره @@ خل قلبك صلب وحسابك عسير
المسامح والزعل للمبزره @@ ولا انا لاني زعلول ولا صغير
ودي اداري كيف للحزن إثمره @@ ودي اقطف من قساوتك العبير
ودي اجفل من افراقك واحذره @@ ودي اعرف لو فقدتك وش يصير
لو تقدر خاطري صدق.. إكسره @@ لو صحيح تحبني.. لاتستشير
إزرع بقلبي سبب يستنفره @@ إثبت إنك غير والناس غير
شاعرك ماكل بنت تجرجره @@ حارت به عقول ناسِ ماتحير
النسا ماحركن فيه إشعره @@ ثار عشقِ ومالقي شيِ يثير
إن سكت كن الوقار فمنبره @@ وان تكلم زمهرير بزمهرير
مايحضر إلا قلوب مجمهره @@ ومايغيب إلا وعشاقه كثير
إن هجرته تستقر بمحجره @@ وان تبعت ارضاه ماعينت خير
اسكنه لاكن بعد ماتهجره @@ إبتسمله بس لاشفته كسير
حن لاكن حن لاجبت إخبره @@ حب لاكن خل حبك بالأخير
واايد متأثره
مواقع النشر (المفضلة)