اسممع شعر الشاعر صقر عبدالله النعيمي
يـا منـى عمـري تحياتـي رضـايـف مـن تحـت الاقـدام لـيـن الحاجبـيـن
لـك عظيـم الـود لا مـا كـان زايـف صادق الإحساس به شـوق وحنيـن
جنتي الخضرا ورقها صـار هايـف ذبلـت ورودي مـن فـراق الضنـيـن
ليلتـي ســودا بـعـد فـرقـا الـولايـف والشـمـس تـشـرق بـآهـات وأنـيـن
برقـت عينـي ولهيـب النـار شـايـف وهـم حاوينـي مــن يـسـار ويمـيـن
مهتـوي هجـري ولا بالنـوح رايـف وقـاسـي قـلـبـه عـلـيـه مـــا يـلـيـن
بعـد وقــت راح بـمـزاح وطـرايـف أسجـع الونـات وادعـي يــا معـيـن
ويـل حالـي شـدوا قلـوب الرهايـف لـي خـذوا قلـبـي واقـفـوا راحلـيـن
سولعي (دبي) يـا زاكـي الطوايـف لك نظمت الشعـر مـن زود الونيـن
ويح نفسي ترضى يا الغالي خلايف كـل زيـن بعـد عينـك صــار شـيـن
طيفه الـوردي علـى الفـواد طايـف ما ادري وداني هوى الغالي ع وين
يـا دقيـق العـود والا الطـول نايـف درة حـــره مـــن الــيــك الـثـمـيـن
لا حكـى .. ينفـح علينـا ورد طايـف بالقصـايـد والحـكـم قـــول رزيـــن
لا شكيت الحـال يـا خلـي الخفايـف اشـكـي لحـالـي ولا بـعـدك عـويـن
وش تفيد الحسره وعـض الشفايـف بعـد مـا أجفـانـي .. بهـمـي سجـيـن
تصبح الحسرات في يوفـي ولايـف وتكتـب الأقــدار ع جبيـنـي حـزيـن
يا حسايف مـا بقـى غيـر الحسايـف واحمـر الدمعـات فــوق الوجنتـيـن
لي جميـل الصبـر ودمـوع ذرايـف يكفي ما جانـي مـن اهـوال السنيـن
مـن صغـر سنـي تحملـت الكلايـف ويـعـلـم الله بـانـيــه م الـصـابـريـن
من فراق الروح أنا ما عدت خايـف انتظـر موتـي بكـل لحـظـه وحـيـن
مواقع النشر (المفضلة)