وقفة مع الفروسية !

[عفاريتووو]

ماشالله عليج بنت ناس وعرب
معلومات حلوة و مفيدة ,, اول مرة اسمع عنها
و نتريا تخبرينا كيف انفرق ..

[بنت ناس و عرب]

الحصان العربي
رأسه صغير الحجم جميل التكوين متجانس مع العنق و باقي جسمه
تتوسط جبهته عريضة نافرة تباعد بين العينين
اذنان حساستان قصيرتان ذات حركه متزامنه
الانف فتحتين كبيرتين تساعدان على التنفس (( هذا مايميزه عن الخيل الدم البارد ))
اما العنق فنراها ممتلئه بالعضلات مقوسه و ذات ارتكاز مرتفع اما الظهر فهو غني بالعضلات افقي قصير عريض و الصدر واسع لسعة رئتيه و بهذا السبب زيادة قدرته في تحمل التعب

و الجواد العربي يتميز حسن تكوين و توضع ذيله المرتفع

دائماً الخيول العربيه تتوفر معاهم جوازهم و من جوازهم يتميز في التناسل اسم الاب و الام و الميلاد و المكان اللي انولد منه و الخيل العربي يكون دمه حار في ركوبه فيه مشيته و هو اكثر الخيول جمالاً


الخيول العربيه









الخيول الانجليزيه








و اتوقع ميزتو الفرق

[تنينه]

حــتـى خيولهم شــقر brgll: ,, مشكوره الغاليه ع المعلوماات الحلوه والمفيده أول مـره أعرفها ,,

مـا قصرتي:bow:


تنينه:gof:

[قلم احمر]

السلالالالالالام عليكم بنت ناس و عرب

ابغي اعرف في رايج الشخصي شو افضل تمرين يكون للفارس ؟؟

عاد موضوع فيه خيووول ما افج عنه انا

دايمن اتمنى ان مثل مالانسان يحاول انه يتعلم الفروسيه
اتمنى ان يكون في اهتمام من ناحية الاهتمام فالخيول وامراضها وكيف تتعالج يعني افرض لو انته راسك عورك نص الليل مب بتحاول انك تهدي الصداع بأسهل طريقه وبثاني يوم تروح المستشفى
صدق لازم كل فارس او محب للخيل يعرف كيف ان كان خيله بخير او في اي علة ويعرف كيف يعالجه مبدئياً
وانا من وجهة نظري اشوف ان مب كل انسان تعلم ركوب الخيل قال انا فارس
الفارس يحس بخيله ويكون معاه اكثر من مجرد هوايه


ولا شوووو رايـــكم

وداعت الله
brgll:

.............................

[ولد الحكومة]

تسلم على التواجد
بس تبا الصدق للحين ما وصلنا للعدد المتطلب من الفرسان بعدها الهوايه يبالها ناس تحب الخيول قبل تحب الفروسيه


بنت ناس و عرب ...

... صحيح كلامج .. العدد قليل جداً مع ان شبابنا ماشاء الله عليهم في المحافل العالميه دوووم في المراكز الاولى من السباقات ...

والسمووحه عالنقل :kcl:

[بنت ناس و عرب]

ابغي اعرف في رايج الشخصي شو افضل تمرين يكون للفارس ؟؟
التمرين الدائم مع الخيل
اول شي و الاهم الفارس ما يودر الركوب على الخيل فتره طويله اكبر مدة شهر او شهر و نص لانه الفارس لازم يكون في تواصل دائم مع الخيل.
ركوب الخيل فيه 3 اشياء دائمه للفارس يمارسها اللي هو المشي – الخبب ( trot ) – العدو ( canter )
تمرين التوازن
افضل تمرين للفارس في رايي الشخصي التوازن انا خذلي فتره كبيره للتوازن على الخيل بدون الركابات stirrups ليش ؟ عشان يحس بالخيل .. و يتوازن عليه
اول شي الفارس يستخدم خيل هادي يشيل الركابات من الاتجاهيين و يتم تحريك الخيل بالكاحلين
بعدها بيكون للفارس الاحساس بتجويف السرج العلوي من منطقة الارداف
ثالث شي امكانية مد الساقين أكبر قدر ممكن و هالشي بيزيد الفارس خبرة و مهارة في توازنه
التمرين للفروسيه
الفارس لازم يكون عنده لياقه يعني ما يتعب بسرعه على الخيل و للحصول على هذي اللياقه لازم يمارس الرياضه او بالاحرى المشي يحرك عضلات ريله

اختي قلم احمر
نحن هالايام تحصلين فرسان لو تسألينهم اي شي عن الخيل و ابسط سؤال وين قلب الخيل بيقولج مادري او بيتفلسف عليج لانه هو ما يعرف عن الخيل شي هدفه بس الركوب .. و فيه بعضهم تجيهز الخيل للركوب مايعرفون يعني قبل لا يسيرون النادي يتصلون يقولون نحن بني و يزهبون لهم خيول و اول ما اييون يركبون الخيل .. اللي يحب الخيل و صدق فارس هو الانسان اللي يعرف كل صغيره و كبيره عن الخيل الشطاره مب فالركوب الشطاره في معرفة الخيل ..
و بالفعل انا لانه عندي خيول الخيل مب في ركوبها الخيل في معرفتها لما اقعد مع الخيول لازم ارمس معاهم اداعبهم اخذلهم قند – جزر .. فيه اشياء كثيره يحبب الخيل فيني .. و اشياء كثيره صارت لي معاهم  ...

[أليمه]

اشكرج غناتي ع المعلومات .. شجعتيني اسير اتعلم

[بنت ناس و عرب]

أليمه : الفروسيه حلوه و الخيول احلى و تسلمين على المرور و الرد

[العجيبة]

ما شاء الله ، موضوع جــدا قيم ..

أشكــر فنـج يا عفـاريـتو ، وما شاء الله بنـت ناس وعرب ، شكلهـا فارسة بنت فرسان كفـت ووفـت

بس سؤال شخصي يا بنت ناس ، شــو عن مشاركـاتج في المسابقات ؟ المحلية أو الدولية ؟

ومشكــورين ..

[بنت ناس و عرب]

العجيبة : تسلمين و الله يخليج و تواجدج اسعدني بصراحه في هالموضوع

مشاركاتي في المسابقات المحليه والدوليه : انا شخصياً بعدني ما دخلت اي سباقات قدره ان شاء الله هالسنه بدخل في التأهيلي 80 كيلو و ان شاء الله بعدها سباق 120 كيلو ..

اما عن سباقات الجمال اللي دخلت خيولي فيها شاركت اكثر شي في سباقات الجمال اللي تصير في نادي الشارجه للفروسيه = الحمدلله فزت بمراكز اولى من عدة فآت يعني من عمر 3-5 سنوات 3 خيول فازوا بالجمال 5-9 سنه خيلين فازوا و ان شاء الله هالسنه بعد فيه خيل يديد بدخله سباق الجمال .. :)

[هزاايم]

ماشاء الله عليج إختي
شو راايج ادربيناا تعالي جداانا

[بنت ناس و عرب]

وين انتو ؟

[هزاايم]

جدى خوانيج ولاتريدينا إني عندكم
عادي عنديه صيف ونريد نستفيد

[بنت ناس و عرب]

هيه جدا الخوانيج انا جفت كمن اسطبلات بس ماعرف اي اسطبلاتكم

للاسف الاسبوع الياي ان شاء الله انا مسافره عقب ما نرد ان شاء الله فالكم طيب

[مجموعة إنسان]

موجوودين .. نتمرن على الخيووول ما الألعاااب
تسخيييين عااااد مافيني ما نعرف نركب ..

سؤااال ..
شو مرااااحل تروييض الخيل ؟؟
وسؤال ثاني ..
كيييف تعرفين ان الخيييل عنده مشكله في الأوتااار ؟؟