فطاير دجاج بالبشاميل

**قلم احمر** · 15-07-06 ||, 08:31 AM

السلالالالالالالالالالالا م عليكم
اليوم عندي لكم طبخه سهله واتمنى تعجبكم

فطيرة بيف بيستري ( موجوده في السوبر ماركت ) في اكياس لونها اسود
صدور دجاج خاليه من العظم ( كمية الدجاج حسب الاختيار بس لازم البشاميل يكون اكثر منه)
كوب بشاميل ( حسب الرغبه اضافه فلفل ابيض او ثوم بودره مع خلطه البشاميل )
نص كوب جبن شيدر ابيض
فلفل بارد لون احمر او اصفر
كزبرة مفرومه
ملح
بيض للوجه
.................................................. .............

نسلق الدجاج ونضيف عليه الملح
وبعد ما يستوي نقطعه قطع صغار وبعدين نسوي البشاميل ونحط معاه الثوم والفلفل
ونخلطه مع الدجاج نفرد العجين وتكون على شكل مربع نحط شوي خلطت الدجاج والبشاميل على الزاويه ونضيف الفلفل الملون و جبن الشيدر ونسكرها ف بتكون على شكل مثلث ونغطي الوجه بالبيض عني انا ما احطه بس للي يبون يكون الوجه اغمج اكثر
وبعد جهدن جهيد :ice: نحطها في الفرن عشر دقايق لين ما تنتفخ وبس اتريوها لين ما تبرد شوي

وبالعافييييييييه

وعن تعفسووون المطبخ

وداعت الله

**ولد الحكومة** · 15-07-06 ||, 08:56 AM

يم يم ... الصراحة يوعتنا اخوي ...
تسلم حبوب عالوصفة ويعطيك العافيه

**قلم احمر** · 15-07-06 ||, 09:32 AM

الله يعافيك يا قايد الريم .. بس شكلك متخربط بالاسم انا وحده مب واحد

وتسلم عالرد يا اخوي ....

**عذبة الروح** · 15-07-06 ||, 11:59 AM

وعليكم السلام والرحمه

العنوان بروحه يفتح النفس

زين سويتي هـ الصوفه
خاطري من زمان ادش المطبخ واطبخ واسوي شي غير الحلويات
وآخر شي اطلع منه .. لاني ما اداني ايود الدياي او اللحم :no0:
لكن ان شا الله .. اسوي هـ الفطاير .. ونعطيكم راينا

ربي يعطيج العافيه حبوبه
وصحتين وعافيه على قلوبنا .. مقدماً

يسلمووونيشن قلمنا