. . أجمـــل مافــي الصيـــف . .

[شوق القلوب]

الســـــلام عليــــكم...

أســـعد الله أيامكــــم.. من صباحكم لـممســـاكم...

* * *


.. أجمــــــــــل مـــافي الصــــيف ..


غالــباً ما يكـــون الصيـــف فرصـــه لتجربــه جديـــده ســواء أكــان بالســفر :bye0: .. أو بالقيــام بجـــولات للتســـوق .. أو بالقيــام بنشــاط معيــن كالعمــل التطوعـــي أو التــدريب في أحد الدوائــر.. او التسجيــل في أحد المعاهد.. قراءة كتــاب مفيـــد... مشاهده أفلام...و رحــلات الصيـــد .. و الرحلات الجماعيه مع الاهل و الاصدقاء.. أحــاديث الهاتف الطويله.. اللعب مع الاطفال.. و و و ... الخ

و بالتــأكيـــد لابد أن تحمــل لك الايــام يوم رائع يحمل من الذكريات مالا ينســـى .. و من الفائـــده ما تذكــره دائمــاً.. :smartass:

فشــاركنــا أيامك المميـــزه .. هذا الصيــف..

حتى و ان كــانت طبخــه جديـــده لذيذه / فاشــله...
( مع الطــريقه لو سمحتــوا )


.
.
.

[شوق القلوب]

و كبـــدايه..


- حالياً أقرا كتاب : Upgrading and Reparing PCs الكتاب جداً مفيـــــــــد كله يتعلق بالكمبيوتر و أدق التفاصيل اللي فيه... بصراحه أحس انه يلخص دراسه الهندسه كلها..:smartass:


- آخره مره كنت في مول الامارات.. اتغدينا في سيراميك كافيه .. طلبنا club Sandwich & Cheese Cake بصراحه استمتعنا فيهم.. و ان شاء الله اذا سرت المول بناكل من عندهم..

- يوم الخميس اللي طاف.. استاااانست و انا ألعب ويا بنت أختي الصغيرونه بالسكــوتر... :ice: واااااااااايد حلـــو.. وناسه لما الواحد يلعب ويا الصغار.. يحس انه صغيروني مثلهم..

.
.

[تنينه]

الــســلام عـليكم والرحــمه ,,

مــا بغـيت أظـهر من المـوضوع بـدون ما أضـيف شي :kcl: مـوضوع جميل الصراحه ,, تسلم أناملج عـزيزتي شواق ,,

,, بالرغـم من أنـي يالـسه أحاول أتذكـر يـوم ممـيز مـر عـلي ألين ألحـين ما حـصلت ,, الصــراحةً ألـين ألحين ما أحـس أني سويت شي أو أستـفدت مـن شـي:nono: ,, من بداية الأجازه وأنـا أقول أبى بــاجر يكون يــوم ممـيز وأبـى أســو بـاجر شي ممـيز ينتهي نـص اليوم في الرقاد ,,

همممم بــس أحـلى يـوم مـر علي وصدق استانست فـ ذاك اليوم وارتبشت من الخـاطر يوم مـباراة أيطاليا وألمانيا ,, كـانت لحظات حلوه ,,

ويــوم بنت عـمتي يـت عندنا وبنت خالتي وعـمي يعــني يـمعة الأهل وجـي وكلـهن بنات كبـري ,, صدق سوالف وضحـك ذاك اليوم ما بـغيتهم يسيرون ,, بــس يوم حـلو كـان ,,


بــس ان شــاء الله خلااص قررت وعـقدت العزم وبالذات بـعد ما جـفت موضوعج لوول والأجـازه جـريب بتخلص :negab: بـحاول أستفيد من أيـامي اليـايه أنا عـندي وايد مشاريع بحاول أطـبقهم بـس:bow: ,, وان شــاء الله بـرد لموضوعج وأنــا مستفيده ومتعلمه شي يديد ,,


وووالســموحه


تنينه :gof:

[شوق القلوب]

.. تنيــــنه ..


بردتـــي قلبي بردج الحــــلو ^_^

وتبين الصدق.. انا مثلج... بسوي و بسوي... و مناك يطوف اليوم بدون فايده...

و خاصه هالكتاب اللي كتبت اسمه.. من سنه اوني بقراه.. و كل مره اتحمس له لانه صدق ممتع.. واليوم الثاني انسى سالفته.. عاد اليوم و لانه الواحات كانت امسكره.. ( فماشي شغله طبعا ) brgll: رجعتله.. و كملت ما قريت.. و حلم اني أخلصه.. ماشاء الله مجلد اشكبره ! :smartass: بس ان شاء الله .. ناويه اخلص كمن chapter منه..

. . .

و ان شــاء الله .. انا و انت بنحطــلنا جـــدول للأشياء اللي نبا انسويها عشــان اتكون ايامنا مفيده... و أهمها اني انش من صلاة الفجــر و استغل هالوقت للمســـاء.. و بدون سهر ليل طبعاً.. والله انه الصحه و البشره كلها تتبهدل من سهر الليل

[طفلة من هذا الزمان]

أنــــــــــــا ييــــــــــــــــت ،،

و تعرفين .. كنت بقولج بطولاتـــي في الصيف بس شفت عمري تعبــانة ،،

فقلت افا عليـــــــج .. باااجر انا راده هني و مكملــه كــلامي ..

:ice:

لـــــــــي عــودة ،، "" الله من زمان ما قلتها"

[ألم ترى]

بسم الله الرحمن الرحيم ..

عاد انا صيفي مول مب شيء ! ..

كل يوم اقول بسوي وذبحني شيء اسمه ( تسويف ) ..

شكرآ لـ طرحك وربما لي عوده اذا كان صيفي يستاهل اتكلم عنه ! ..

بحفظ الله ..

[تحفه]

عليكم السلام ورحمة الله وبركاته ...

حد حاس بالكآبه لأن الصيف قرّب ينتهي؟! .. مابجى شي .. بس شهر ونننننننصصصصصصصصصص !!

عن نفسي ..
احس اني انجزت كمن شي هالصيف :

1- أول مره اطبخ في حياتي من دون ما احد يتفلسف ويتدخل .. ( بنت خالي علمتني اسوي نودلز بالجبن .. وطبختها بعدين روحي من دون إغاثات خارجيه )

2- أنا احب أثث .. ساعدت ثلاث بنات في غرفهن

3- يوم الخميس الي طاف سرت واد وادي .. و guess what? صلخت يلد ريولي اليمين من ركبتي الين اصبعي الصغيروني .. وللحين تحرقني :wheelchair:

4- كنت بشتغل في إعمار ... بس مانشيت البارحه الصبح عسب الاجتماع .. كان فيه رقاد وظربتهم طاااااف ومابداوم brgll:

5- شوق سيري سيراميك كافيه .. وطلبي مره ثانيه كساديا ساندوج .. انا دايما اسيره بس الي في التاون سنتر .. اقعد ارسم .. ومن عصايرهم الحلوه .. ( هالليمون وي المنت ) صراحه ألذ عصير ليمون ونعناع في دبي في مكانين يسوونهم .. في الكافيه الي في فريج البستكيه .. والي في سيراميك كافيه في التاون

6- اممممممم وايد سوالف بس بسير عند ماما

[تحفه]

برد بعدين لا اتطنقرين وتزعلين

[مايهزك ريح]

مرحبا يا حلوين ..
طبعا انتوا ناس بطاليين .. وانا واحد اداوم فبيبدى الصيف عندي الأسبوع الياي .. >> واحد حاقد عليكم

أما انا فببدى الإجازة بسفر على طول .. ما عندي 1..2...3.. :cop:
الموهم .. عن مول الإمارات كنت فيه البارحة ويا عيال اختي .. وديتهم كوستا كافيه .. وطلبنا دجاج ايطالي ..
وشوكليت تشييس كيك .. وكانت اليلسة حلوة لأنه كنا مجابلين سكي دبي.. نقعنا هناك لين ما انغسلت السيارة وطلعنا brgll:
واليوم يمكن انسير السينما .. عشان نزلوا
Pirates of the Caribbean 2


وهذا اللي عندي ..
ومشكورة اختي شوق القلوب على الموضوع ..

[عفاريتووو]

السلام عليكم

هــ الصيف حمدالله انه واييد حلو ,, احلى صيف مر علي

سجلت في الــ HCT Summer Academy
عندهم ورشة عمل عن كتاب الشيخ محمد " رؤيتي "
بصراحة كان صدق شي واييييييد حلو
و وايييييييد واييييييييييييييييييييييي يد واييييييييييييييييد استفدت منه
والحين المفروض نشتغل عــ المشروع و نظم فعالية للمفاجآت
و نطبق اللي تعلمناه

ها هو كل صيفي للحين
تسلمين شواقة عــ الموضوع

[ولد الحكومة]

عليكم السلام ورحمة الله وبركاته ...

انا وحليلي >> لا سفر << لا طباخ brgll: >> وغيره وغيره وغير :sadwalk:
.
.
هالسنة :nono: دوام × دوام =
.
.
والسمووووحه

[شوق القلوب]

.. أبـــله طفـــلة ..

مـــكــانج محفـــوظ .. و سوالفج نبى نسمعهــا..
لاني متأكده انها بتكــون حلـــوه


* * *


.. محب الشيـــخيـــن ..

لازم في يوم مر عليـــك و اجتمعت بشله من ربعك... وضحكتوا و سولفتوا و كانت يلسه ما تنمل..
و انت ماشاء الله .. كنت متابع للمباريات.. فأكيد شهدت على مواقف المشجعين الغريبه العجيبه وياك... brgll:
فشاركنا..عشان اتكون أجمل مافي الصيف :)

[شمعة أمل]

هالصيف وناسة نفس الصيف الى طاف .. صدق مادري ليش ناس يشتكون من اليلسه في البلاد .. صدق وناس *مع اني بسافر بس بعدين:kcl: *

من الاحد للخميس طبعا عندي دواااااام .. ووناسه بس تعب لانه وايد شغل

ارد البيت بعدين مرات اسير اخذ كلاساست في الجم

حاليا يالسه اشتغل على اشيا عشان ابيعهم في معرض خيري

هالأسبوع كل يوم طالعه برع اتعشا ولا وعزيمه وكل عزيمة احلى من الثانيه .. اول عزيمة يوم الorld cup صدق خبال البنات وانا لاني غبيه ومافهم شي في الكره بس يالسه اضحك .. ماعرف كيف جي يتخبلون عالكره كل وحده راسمه اعلام على ويهها ومادري شو:hist: ثاني عزيمة طلعنا نتعشا ويا ربيعاتنا ووحده سخيفه فشلتنا بالقو:hist: والبارحه سرنا مطعم كوري .. يخلونكم تطبخون اكلكم

اوه صح
الخميس الى طاف خلصت الicdl:smartass:

والويكند الى طاف كل يوم سويت كيكه .. وحده كيكة يزر ووحده كيكة ناريل ويا ليمون



همممممممم

ادري

طريقتي في هالرد وايد ممله وبارده


لاني

اشرب ستاربكس وفي الدوام وفييه رقاااااااااااااااد ومالي بارض بس كان خاطري ارمسbrgll:

[شوق القلوب]

.. بــوظبـــي..

مــاشـــاء الله ... عندج انجــازات حلـــوه.. :bow:
عاد خبـــرينا كيف سويتي النــودلــز..؟؟ الجبن حطيتي آآآخـــر شي قبل لا تاكلينه... و لا طبختيه وياه ..؟؟

و ع التأثيــــث... ذكرتيني باللي كنت ناستنه

و ان شــاء الله .. يوم بنسير الكافيه بطلب اللي قلتيليه عنه.. ما اني كنت طالبه العصير.. بس آخر شي غيرت رايي و قتله ماباه ع اساس انّا بنحلي في مكان ثاني وعقب قالوا ماشي وقت فما فيني اخبص عصير و كابتشينو مره وحده ..

و سلاااامــــات لريـــولج... :no0: .. اهتمي فيها عشان ما ايتم اثر بعدين..

..


أتريا ســـوالفج... لا ما بزعل لا اتحاتيـــن


.
.

[شوق القلوب]

.. مــا يهــزك ريـــح ..

أول ما قريـــت ردك... ركضت لاختي أخبرها انه الفيــلم نـــزل
عاد القهــــــــــــــــــــر ررررررر... دريولنا مســـافر :( و امخرب علينا الصيـــف بكبره

و عن الســـفر... صدقك والله .. حلاته الواحد يقضي اجازته بسفره حلـــوه.. بس اذا ما قضيت فتره وانت ( بطالي ) في البلاد.. بتحس جنك كنت في حلم - السفر - و نشيت منه لقيت عمرك في الدوام مره ثانيه..!! هههه ما ادري اذا تفكيري منطقي.. او غبـــي brgll:

..
و ان شاء الله .. ان دخلنا كوستا.. بنجرب الدياي الايطالي