. . أجمـــل مافــي الصيـــف . .

[عفاريتووو]

شو رايج اتشاركيــنا بعد هالفايده و تعطينا ملخص عن اللي سويتوه و اللي استفدتي منه.. :smartass:

ان شالله :smartass:
..

ويوم اكون فاضية و ملانة احاول اتعلم ياباني عــ النت
لين الحين تعلمت الارقام ,, و بعض الكلمات الرئيسية
و عرفت كيف اكتب اول حرف من اسمي بالياباني ^_^

كشخة لول

[شوق القلوب]

.. بوظبـــــــــــــــي ..

ســـــــــــويت النـــودلز على طـــريقتـــــج..

كــــــــــــــــــــــان شـــــــــــــــــــــــي

لـــــــــــــــذيـــــــ ــــــــــــــــــــذ



..

عاد النودلز اصلا بالكاري.. و عليه الجبن... يا سلاااااااااااام



في حد من ربعي كانوا يحطون وياه جبن كرافت عقب ما تستوي النودلز.. وفي منهم ياكلونه بالروب..

بس الكيري.. طلع احلى شي ..
..


تسلميــــــــــــن و الله ع الطبـــخه الحلوه و اللذيذه و السهله ..!!

[شوق القلوب]

.. وحـــي القـــلم ..

التغييـــر او خليني اسميــــه الانجـــاز اللي سويتيه اعتبره شي كبيـــــــــــــر

سبحـــان الله .. التعامل مع الاطفـــال شي جـــداً صعب.. :kkk:

مب لانهم صغاريه وما يفهمون شي.. بالعكس.. الصعــوبه في ذكــائهم و نبــاهتهم اللي اتخلي الانســان يحاسب على كل كلمه يقولها..:special2: لانه اللي يتعامل وياهم يعتبر قدوه و معلم...و أي طيع سيء يطلع منهم فأكيـــــــــــــــد هم شايفينه على حد من الكبار..

ومحبتهم.. شي كبير ..
ذكرتيني.. مره حد من الصغاريه.. مووول ما يتقربوني.. :no0:
واااااااايد حز في نفســـي :shock: ... مع اني متعوده على عيال اختي و هم يحبوني واااايد.. بس ما ادري الا هالياهل..

و اللي بديتي اتسوينه يا وحي شي طيـــب.. و يفرحج انت قبل لا اتفرحينه..

الطفل.. ما يضحك ويا أي حد.. وشوفتهم مستانسين و يحبونج هذي نعمه من رب العالميـــن..:leia:

..

عقبــــــــــــــــــال ما انشـــوفج غااااااااااااااااطه بين صغاريـــــة العايلــــه brgll:

[وحي القلم]

عقبــــــــــــــــــال ما انشـــوفج غااااااااااااااااطه بين صغاريـــــة العايلــــه

شوووق

لا اتّــفاولين عليّه الله ايخليج brgll:

..

بديت أقرا كتاب عمرو خالد اليديد (( قراءة جديدة و رؤية في قصص الأنبياء ))

حلو الكتاب.. كاتب عن أشيا ما جد يت عبالي قبل

يعني مثلا شو الفرق بين النبي و الرسول ؟؟

و وايد أشيا بعد.. بس بعدني ما كملته

..

[عافك الخاطر]

السـلام عليكم ..


انا الصيف توه بادي عندي:no0:


احس اني درست سنة كااملة ..صدق الصيفي هالسنة كان غلطة عمر :nono:


امم حالياً اتريا النتيجة :smartass: ..و جهزت لستة بالافلام اللي فاتتني عشان اشوفها..و يمكن اشترك في النادي ..


وايد اشيا في خاطري اسويها بس:sadwalk:
يا الله ..ان شاء الله يعدي هالصيف على خير ..

واسمحيلنا شواقة
ام خدود ..البيض والطماط يغري :puppyeyes:

[خيال الحب]

الله يسلمج من الشر اختي شمعة امـــل :)

[مشاعر دبي]

مرحبا
ثانكس اختي شوق على الموضوع الحلو
هالصيف حلو تقريبا
-هالسنه خلصت الثنويه واحلى شي يوم هلي سوولي حفلة
كانت وايد حلوة واحلى شي الهدايا
-وكل يوم طلعات يا وياهلي او ويا ريلي:kcl: وكل مرة انسير مول وناسة
-وعن الطبخ لا حد يسألني انا وحده فاشلة فالطبخ ماعرف اطبخ..الله يعين ريلي شو بأكله خخخخخخخخخ..
هذا كل شي ...

..مشاعر دبي..

[شوق القلوب]

.. فــراشــة ود ّ ..

والله صــفــج.. صيف طبيــعي.. نت / تلفزيون / أكل / رقاد..

بس أكيـــد الحدث اللي بيكـــون صدق غيــــر.. هو اللقاء اللي بتســوينه..

هذا يباله موضوع بروحـــه... عشــان انعرف تفاصيـــله..و نستانس فيه وياكم.. ^_^

..


.. هــزااايم ..

والله اتعيـــبني ســـوالفج.. عندج سرد حلـــووو

اتخيـــل هذاك اليوم لما دخلتوا السينما في السيتي... ههه اتوقع انه كان ما ينسى..!!

فديـــتهم الصغاريه يوم يرتبشــون على شي... و انت اتكونين الماما.. :kcl:

..

زين يبتيلي فكره.. شكلي بوصي ربيعتي على فيلم جاك سباروو من تايلند.. الظاهر بيخلص العرض. ولا شفناااه :no0:

..

اتريا رجــوعج.. بأحداث يديده .. ^_^

...


.. بوظبي ..

ربي يعااافيــــج و يسلـــمج ..
ســـويته لليـــوم مرتيــــن

..

يقـــولج يبت نولدز بنكهة ادجاج و الكاري من أندومي ..

و حطيت كاس ماي.. و عطول فوق النودلز و الخلطه ماله.. و حبة كيري..

و خليته لين ما يغلي ع راحته.. و طبعا طول الوقت اجلبه.. لين ما تقريبا ينشف عنه الماي..

وووو.. تاكلينه بالعافيه..

( والله الحين ميته يوع.. اتريا الريوووق.. و يالسه اتكلم عن النولدز.. قمه التعذيب )

..

و البيض و الطمـــاط شكله حلووو.. بس كيف جي .. وايد سائل فيه ..

و زين زين.. الطباخ حلوو.. يبالج اتجربين اتسوين كيك..

حق اول مره.. جربي الكيك اللي في الكراتين.. سهل و حلو و ما يباله شي.. جربي اللي علبته زرقا.. ما اذكر اسمه.. المهم كيكه الكاكاو ماله حللوه..

و اشتري.. كاكاو هيرشي.. بتلاقينه صوب خرابيط الكيك.. وفيه chocolate chips .. المهم ع الجيس فيه وصفه للكــوكيــز.. بعد مره جربناها. و كانت حلوه.. ^_^

....

.. شمـــعة أمــــــــل..

الحمــــد الله ع الســـلامه.. خبرينا.. كيف لندن..؟؟

وشو الجــو بعده حر..؟؟

ومنوووو هالعضوه اللي ما عرفتج.. خبرينا .. brgll:

[شوق القلوب]

.. هــزايـــم..

مـــــا اتشـــوف شـــر اختج.. يحليلها والله

بس اعترفي.. شو سويتي بشمــاسي ؟؟ :ice:

..

.. خيــال الـــحب ..

يااا هلا والله فيـــــــك...

سفرة لبنــان.. ماضني الاهل بينسون هالسفره طوول عمرهم.. المهم تستاهلون سلامة رجوعهم..
و يفداهم البيت.. المهم انهم ردولكم بالسلامه..

مســاكين.. في منهم للحين مب راضين يطلعون من لبنان.. الله يعينهم و يعين اهاليتهم.. :no0:

..

عيـــل الربشه واصله حدها ويا عيال العم.. brgll: والله احلى شي في الاجازات.. اليمعات و السهر و اللعب..
افتقد هالايام وااااااايد ..

..

البدايه و النهايه.. هذا مجلد .. يتكون من 10 أجزاء على ما اظن..!

انا بعد خاااطري أقراه.. بس للحين ما اشتريته... كل حد يمدح هالكتاب..

...


.. عــافــك الخــاطـــر..

بشــرينــا.. كيف كانت النتــايج ..؟؟

من اسبوعين كنت في الجامعه.. و اتندمت اني ما خبرتج من قبل.. عشان نتشاوف..!

حسيت بعمري صدق غريـــــــــــــــبه.. كل الاشكال يديده علي..

ربعنا تقريباً كلهم اتخرجوا.. محد تم..!

عقبــالكم ان شــــــاء الله .. :smartass:

...

.. مشــاعر دبي ..

مبــــــــــروووك ع النجـــاح.. و ألف مبروووك ع الملـــجه..
عقبـــال الفرحه الكبيـــره يااا رب..
..

يبالج كورســـات طبخ.. و حليله لازم بيتم في خاطره أكلج من ايدج..

...

.. وحــي القــلم ..

هـــلا و الله بــصديـــقتـــي..

أســلوب عمرو خالد سلس و بسيـــط.. و هاللي لاحظته من كتاباته في موقعه..
و أكثر شي ممتع في القرايه انج تكتشفين معلومات بسيطه بس ما كنت اتعرفينــها.. ^_^

[العجيبة]

ههه موضوع جمييــل :ice:

الأشياء المميزة في صيفي كلها أسويها أول مرة ..

يعنـي مثلا ..

أول مرة أسير عمان لمدة أسبوع وحق حواااطــه !!


و أول مرة أسيــر صالون عشـان أتعـدل ومثل ما قالولي أكشخ أونه
هه كانت تجربة زيينــه ، خخ حليلهم ما ودوني حي الله صالوان بعد ، المهم طلعت منه وأنا مطفــره
باللي مريت عليهن كلهن .. من راعية الكرييمــااات الين راعية التسريحة خخ :harhar1:
وطبعــا كانت أول مرة في حياتي أصبغ فيها ويهي وأسلم شعــري لوحدة مستانسة بالمثبت اللي عندها ..


وأول مرة في حياتي أتطوع لصبغ شي ، قررت أصبغ المريحـانه اللي في بيتنا
وأول مرة بديت فيها بالصبغ كنت ذكية ، بعد ما خلصت ، سرت أغسل الفرشاة بالماي وتلعوزت
بالصبغ في يدينـي وكانت أول مرة اللي أغسل يديني فيها بـ تــانــر .. ! حرقت يديني يعني :ice:


المهم ، الشي الأعجــب .. انه أول مــرة أسيــر السينمــا في حياتي وكان هالشي أول أمس خخخ
ولأن النحاسة ضاربة ويهي صـح ما كمــلت الفلم لين آخــر شي .. brgll:
بس كان حلو والله ، عيبنـي جاااك سبارو ، وصلت في الفلم يوم كان يمدح البوصلة مالته ويخبر اليزابيث انها ما تشيـر للشمــال ، تشيـر للشي اللي صدق خاطرج فيه
يعني اللي يسيـر يشوف هالفلم يكمـله عنـي ويشوف بدالي :ice:


في شي بعــد ، أول مــرة أعـزم وحـدة من زميلاتي اتيي بيتنــا !

والشي الأخيــر انه هالصيــف ، أول مرة ما يقبـلوني في مكــان !! :narr: سخيفون والله ..


في أشياء ثانيـة أفضل اني ما أبوح بهـا ..


وشكــرا لج يا شوق القلوب ع الموضوع الحلو ، استمعــت وانا أقــراااه
وان شاء الله يكــون صيفكم حلــو ..


فمــاااان الله ..،

[شوق القلوب]

.. صـــدى جـــوفــــــي ..

والله استوى في خـــــــــــــــاطري اسير خصب من زود ما تطرونها.. و بصراحه اتفاجأت انه فيها فندق..!!

عاد الأحلى يمعة الاهل.. وشله البنات يوم يتيمعـــون.... سوالف و ربشـــه..:bow: أكيد كان أسبوعج غيـــــــــــر..

....



.. طفـــــــــــله ..

بنلخص صيفج بعد..

خســارة سفره / استقــاله / ICDL / عـــروووس / رقاد / كسل / تلفزيون / makeover / تلفون

لو مكانج يا طفله.. ما ابدل السفر بأي شي ثاني... كلللللللللللله ولا الطياره..

المهم.. شدي الهمه...ونبا شهادة الـ ICDL ســـريع :smartass:


..


.. مســـافر للجفـــا ..

والله شي طيـــب انك اداوم.. الخبره مهمه و عساه خير من الكورس الصيفي :)

و " رؤيتــي " هالكتاب يغريني يوم أشوفه.. احس انه ممتـــع جداً.. بس للحين ماصارتلي فرصه أقراه !!

أهدافك حلوه يا مســافر.. و انت قدها... دايماً لك بصمه في الابداع :)

[شوق القلوب]

.. دمعــة شـــوق ..

والله صدقج أحلى شي في الاجازات الرقاد اللي ماله وقت.. بس ما ادري بلاه معادني هاليومين..!!

أدولف هتلر.. والله اختــيار حلو عزيزتي.. خبرينا عنه أكثر.. شوقتيني !

وشو رايج بـكتاب الوليـــد.. ؟؟

.
.

و حياج الله عزيزتي.. فضفضي اليواني و انشريهم بعد.. المهم وجودج ^_^

...


.. عــاشــق الــقلــم ..

تبا الصدق.. حلاتها السفر للعمـــره.. بس مب جنه بيكون وااايد حر !! لاني بصراحه ما جد جربت اسير هناك وقت الصيف !!

و ادخل معهد.. اتعلم انجليزي.. او فرنسي مثلاً.. على سبيل التغيير.. أحس بيكون متعه :ice:

..


.. عفاريــتووووو..

توني أقول لعاشق فرنســـي.. بس ياياني..! صدق شي يــــديــــــــــــــد..
أصلاً كيف خطرت في بالج هالفكره.. ؟؟

مره وحده يابانيه اكتب اسمي و اسم ابوي.. ونااااسه ^_^
بس صدق كيــف يعرفون يقرون و يحفظون هالشخطات.. صدق انهم يابانيين !! :bow:

ما بقولج علميــنا ياباني.. بس أتريا " شوق القلــوب " بالياباني .. :ice:

.
.
أسميني اطـلــّـــب !

[عفاريتووو]

konichua مرحبا

بحاول

بس ياباني شوي يخرب الأسماء :harhar1: ,, كل حرف و المد = حرف عندهم
بس حروف المد ممكن تنكتب بروحها

و بالياباني الاسامي تنتهي بــ O,, الا الــ ن تكون ساكنة

شوق القلوب = sogo Alegolobo



كشخة لول

كيف يت على بالي ؟ ,, تعرفين الأنيمي و الضجة اللي مسويتها
و الكل يبا يتعلم ياباني عشان يفهم
ويقولون حشر مع الناس عيد :harhar1:

[أكسجين]

وعليكم السلام والرحمه

موضوعج حلوو يا شوق القلوب ~ وبـ النسبة لي صيفي هـ السنه ما فيه اي شي مفيد !

اممم اول ثلاث اسابيع كنت ارقد بشكل طبيعي وما اكل وااايد عادي عايشة حياتي الطبيعية ,
بس بعدين [ انأرفت ] من وضعي لول ~ وحياتي ما فيها غير الأكل + الرقاد + النت + اطالع التيلفزيون + اسوي رياضة احياناً يوم اخاف على عمري من المتن ,
لاني اآكل بشكل فظيع لول

.

.
أمـا الاسبوع اللي طاف كنت في بوظبي غيرت جوّ ~ والحين رجعت وناوية على غرفتي بشتغل فيها وبغيرها عشان تفتح نفسي للمدرسة
اممم وشو بعد هيه صح لاول مره في حياتي شفت فلم ياباني بس شووو حلو خلصت دموعي وياه اسمه one litre of tears ~ نفس الفلم اللي تابعته وحي القلم
ودخلت المطبخ ثلاث مرات يمكن , مع اني احب اطبخ بس هـ الصيف ما ادري ليش مالي مزاج
وقطعت علاقتي بكل ربيعاتي ~ ناوية اجدد حياتي السنة اليايه بكل شي حتى بربيعاتي:no0:!

و حالياً اشتغل على سبيسي اللي من زمان خاطري اسويه ~ وبس :special2:
.
.
هذا هو صيفي ممل و كئيب ما فيه اي متعة , بس في بالي اخطط للقاء ويا بنات الواحات في تاريخ 17-8 , وقريب بطرح الموضوع
يعطيج العافية شوّااقه , ولي عودة اذا تغير شي في صيفي :leia:

[هزاايم]

الصيف وماأدراااك الصيف بلاياا شوفت مدهش..؟؟تخيلي لين ألحين ماشفته قمت افكر فيه اشك هالصيف محد تبرع يلبس بدله مدهش:ice: الحمد والشكر لله معليش تأثير الحشاااكل ضاارب

هالصيف غير بمعنى الكلمه خخخخخخخخخخ تأثير الثنويه مازال على الأهل يعني دلع ودفااع عنيه
يقولج آخر شي اتوقعه خويي الصغير يعزمني ويطلعني المهم
استانست يوم يوم طلعت معااه لبن سوقااتbrgll: عن الغلط ترى كل عياال راشديه اهنااك لاحد يغلط عليهم ترى يدفنونكم المهم نزلت معااه على اساس يريد ياخذه حاجه وانا آخذ لي كتااب من دبي للتوزيع واشوفه يمشي وانا معااه لين وصلنا لباسكن رووبين:hist: خووش مكاان واختيه اتصلت تتخبر وينا وعطتنيه اللسته لها وللعيال فتمينا نطلب لكن المشكله كاانت من رااح يشل وتلعوزنا وضحكنا على اشكاالنا صج إنه عصب :narr: وعصبيتيه من يقدر عليها لكنه سرعاان ما تغير الموود خخخخخخ لأن الحبيب طاح من يده الميلك شيك وفطست عليه من الضحك....


وصج هالصيف الكل يفكر بالصغااريه قمنا نوديهم السينما نخربهم آخر روحه لنا كانت بالخميس وكناا شله عووده خواتيه وعيالهم وبناات خاليه والصغااريه عيال خالي فتقريبا كنا 13 ونفس دووم هزاايم يفرن عليها مسؤوليه الصغاريه ادخلهم السينما اقعدهم اوزع الموارد الغذائيه عليهم وافصخ نعليه واتربع واستعبط معااهم رحنا Over the Hedge بالستي خخخخخخ صدق كان وناسه لأن كلنا دخلنا سوى اما بالخميس بمول الإمارات دخلوني معاهم وتوليت المسؤوليه وكنا داخلين The Wild وبخاطريه اشووفThe Road to Guantanamo وPirates Of The Caribbean بس هيهاات نتتظر النقلي من بانكوك عسب نشووفه إلا لو اشفقوا على حالنا...


وطبعا وصل الحبايب وااجب فللمستشفيات وعيادة خوانيج وااجب نزورهم ...والحجيه لازم تطمن على مستشفااها دبي خخخخخخخخ ويرتفع الضغط عسب تدخله وتشووف حال الرعيه تضحكنيه كاره الأمريكي اقولها احسن انت مش قوم خسااير توفرين تفلعني وتقولي يابوج اهناا افهم عليهم اهناك يرفعون ليه الضغط ازود يحوسون حلوجهم ولا آخذ من خيرهم ولا من شرهم

والصيف يستمر وهزاايم لها رجعه
خخخخخخخخخ السمووحه على الهثربه