. . أجمـــل مافــي الصيـــف . .

[شوق القلوب]

.. عفــاريتــووو..

ربي يـــونسج ان شاء الله دووووووم ^_^

سمعت من جريب عن هالدوره.. بصراحه عيبتني.. ولو كنت اقدر اسير جان شاركت فيها..:sad4:
شو رايج اتشاركيــنا بعد هالفايده و تعطينا ملخص عن اللي سويتوه و اللي استفدتي منه.. :smartass:

ربي يسلمج عزيزتي.. و انا جداً سعيده بوجودج هنيه


* * *

[شوق القلوب]

.. قــايــد الريـــم..

الله يعيـــنك يا خوي.. :sad4:
حاول اتسوي لعمرك جوي... حتى لو تاخذ وياك الاهل و تيلسون ساعه جريب المغرب ع البحـــر..
ترى هالاشياء البسيطه اتغير واااايد من النفسيه و اتونس.. :)

* * *

.. شمـــعة أمــــــــــل..

والله من جريب شايفه في التلفزيون انه أحسن ما يكون الـ Shopping في اليابان.. و ذكرتج.. قلت صدق عرفتوا تختارون.. والله ماااافي أحلى من الـ Shopping

و عيبني هالمطعم الكـــوري... ههههه حلو انج تطبخين اكلج.. عاد ان حرقتيه راااحت عليج brgll:
بس ما خبرتيــنا وين مكــانه.. عشان انجربه...
و شو من المطاعم الحلوه اللي اتحبين اتسيريلها...؟؟

وانت ماشاء الله .. عندج مستقبل حلو في المطبخ.. شفت لج مواضيع الكيـــك.. و عيبتيني.. :ice:
عقباااااااااااااال ما اتسويلنا شي مالح ... جربي سوالف الباستا.. تراها سهله.. و لذيــــــذه

صح.. مبروووووووووك عليــج الـ ICDL :smartass:

* * *

[تحفه]

لا أطبخ النودلزوي الجبن "كيري" و يستوي اخر شي شرات الباستا لذييييييييييييذذذذذذذذذذذذذ ويمممممممتتتتتتتتتتتتتتتننننننن .. بس صدق ماترومين اتيودين عمرج منه

[الـيـاه]

سلاام !!

موضوع حلو يا شوق ويونـّس
همممممم انا شو سويت هالصيف !! ماسويت شي مفـيد وايد .. تصدقون لول لان ماعندي وقت :

- عقب ما خلصت امتحانات يلست اجهـز النص الثاني من اللي احتاجـه حق عرس بنت خالوه
لانه كان عقب امتحاناتـي على طول وانا بس كنت مخلصه نص الاشيا

- بعدين ستويت بيبي ستر كمن مره :ice: لول + وايد تفرغت لليهال وقمت اسوي وياهم اشيا مال قوم
5 سنين + قمت اظهرهم بدون بشاكير واتحمل مسؤوليتهم

- بعدين بديت حملة الـ SHopping حق السفر واشتريت لي بدل وسكارفات والباقي باخذه
من هناك وبلبسه

- كان خاطري اشتغل فالصيف بس مثل ما شفتوا ما كان عندي وقت والسبت مسافره
يعني 15-7 والقهر انه نفس يوم عيد ميلادي ( عيد ميلاد فالسما )

- البارحه راده من SKi Dubai < وكان واااااايد Fun وخلصت اخر حملة حق الـ shopping واحين ماعندي شي بس اتريا السبت

وبس

.
.
.

[عايش وهم]

السلام عليكم


بالنسبالي هذا الصيف أغرب صيف يمر عليي .. أعتقد إنه موسم تعلم دروس في الحياة .. هذا الصيف على رغم الغصات اللي فيه إلا إني أحسبه صيف البيات الشتوي .. (كيف ؟ مادري ) ..

بهذا الصيف

- عندي ميول تجاري مب طبيعي ..
- فرص الزواج أصك الباب في ويهها تدخلي من الدريشه ..
- استعيد فيه نشاطي بقراية الكتب شويه شويه ..
- طبعا أبداً ما أفكر أسافر عشان أحافظ على الأمن الداخلي في الدوله :kkk: ..
- المصيبه .. إن على كثر الأشغال اللي فوق راسي إلا إني مابغي أظهر من البيت .. أحاول بقدر الإمكان أكون بيتوتي ..
- كنت أفكر أسافر لندن أقوي اللغة السيريلانكيه لكن حصل ظرف لرفيق السفر فغيرنا الجدول لسفره جدى ضواحي الذيد عشان نتعلم اللغة الإمارتيه :m7tar: و الحمد لله الحين ننطق جملة "مرحبا الساع" مثل باجي الخلق بس باجي الجواز ..


إنزين .. :kkk:


هذا الصيف ليس كما الصيف الذي سبقه و الذي قبله .. فكل من على الطريق في الزحام مستنفرين الكل يريد أن يزاحم عمداً ليكون هناك عراك من نوع ما مما يدعوك لعدم الخروج من البيت (الزحام يخنق) .. قضيت هذا الصيف و أنا على خلاف مع كل شخص أعرفه أو لا أعرفه .. فعلى الهاتف كانت هناك أحداث غريبة كادت أن تؤدي لرفع دعوى .. و في الشارع وقع أمامي حادث دهس لطفل مما اضطرني لمواصلة تتبع الأمر حتى منتصف الليل كشاهد من جهة و قلق على حالة الطفل من جهة أخرى .. مندوبي الخاص دخل في خلاف مع أحد البنوك بسببي و ذلك البنك لا يريد إنهاء الموضوع ودياً إنما يسعى بكل الطرق لإنهاءه قضائياً .. في هذا الصيف كأني صحوت من غفلة فبعد مرور أعوام و سنون من الصداقة أكتشف أشياء تبهرني أكاد لا أصدقها إلا أنها تقع أمامي مباشرة .. حالة من حنق أتتني هذا الصيف .. حالة من مقت و غضب و استنفار ... أمور عدة حدثت دعتني أكره هذا الصيف .

إلا أن هناك أشياء أخرى كانت جميلة في هذا الصيف (برودة المكيف الهوائي .. كتبي .. مجموعة أفلامي .. و طبيخ أمي بعد أن استعادتا معدتي و شهيتي عافيتهما و الحمد لله على ذلك)


بهذا الصيف البيت رحمه و الطلعه مِحنِه و الشوارع زحمه و الجو ذبحه .. بس في شي غريب بهذا الصيف (الشباب وايد يسيرون الجمعيات :kkk: خاصة من 10 لين 12 فليل )


اختي شوق القلوب سوري على الرد الملخبط كتبته و أنا مِستِحِر

تقبلي تحيات اخوج عايش

[شوق القلوب]

.. اليــاه ..

من الحيـــن انقولج
.. HaPpY BirthDaY tO yOu..

عســـاه عمـــر طـــويل كله خير و سعاده ..

[شوق القلوب]

.. عــايــش وهـــم ..

خلني بس ألخص صيــفك :

خـلاف / دعــوى / حادث / محكمه / مقت / غضب / استنفار

.
.

لحـــظه بس أخذ نـَـفـَـــس :shock:

.
.


عايش.. فيك حيــل لشهر ونص بعد ؟؟ :no0:

..
شغل المكيف.. و وحطه ع الـ16.. عساه بس يبرد و يلطف ما بجــالك من الصيـــف
..

أترقب اضافه ثانيه لك بدايات سبتمــبر..
عشان خاطري.. ابا اقرا خبــر... حلو !
:sad4:

[وحي القلم]

شوق القلوب

أنا في هالصيف ما سويت وايد أشيا

بس يمكن أكون قدرت أغير شي من أطباعي.. (( للأحسن إن شا الله brgll: ))

اممممم

وحي مب من النوع الى يلعب و يسولف ويا اليهال

صح أني أحبهم بس بعد لعبي وياهم شي نادر.. لاني أتملل بسرعه

فما كنت أحس أنه حد منهم ايسويلي سالفه :kcl:

بس من فتره استوى موقف خلاني أحس بالى كتبته فوق

فقلت بجرب أتقرب من بنت خالوه..

بس صدق.. شعور ثاني يوم اتفرحينهم و اتحسين بانهم ايحبونج و يفرحون بييتج

يمكن ايكونون وايدين الى ايشوفون كلامي هذا مب مهم

يعني شي منهم ايقولون الا يهال شو تبين بهم

بس بعد الياهل يوم أنه بيفرح أكيد أنه فرحان صدق ما ايمثل

فاللى ايحس بانه صدق قدر ايفرح حد بيفهم قصدي

..

و بعد شفت فلم ياباني

(( one litre of tears ))

مع اني ما كنت أداني أشوف الأفلام اليابانيه

لكني غيرت رايي الحين عقب هالفلم

صح أنه حزين بس صدق حلو

شوفيه

..

و السموحه

[صدى جوفي]

أنـا ييــت

من أسبوع وأنــا فاليــزر فــ خـصب ، استــانست واايد هنــاكـ :ice: ،، منظر البحــر ، يمعــة الأهل & بنات الخالة، وأول مرة أقعد مع بنات العيلة فتراتـ طويلة ،، كــان أسبوع غير طبيعي
وان شـاء الله معزمــة أرد عالاسبوعيين اليايين ،، عيبتني السـالفة

تسلمين شواقـة عالموضوع ،،
صدى

[طفلة من هذا الزمان]

أنــــــــا ييـــــــــــت :ice: ،،

أخاف اللي بتقريــنه عن صيفي ما يكون حسب تواقعــاتج و تنصدمين !!..

غيــرت رايي خــلاص حفظـــــا لماء الوجـــه و عن كسـر الخواطــــر :kcl:

لا خلاص بقــــــول ,,احم احم .. كح كح ::

صيفي هالسنــة غير .. لأني من زمــان ما صيفت أظــن تعـودت استغــل الصيف في تخطيط مشاريع مثل summer schools .. للأسف هالسنـة ما كررنــا التجربـة لعدة ظــروف مثل أعراس و حفلات خطوبـــة في الشلــة

تفرغنـــا أخيرا لحياتنــا الخاصــة و بسنا تطـــوع ..

يعني باختصــــار .. انا من زمان ما حسيت بالصيف .. و هذا أول صيـــــــف أحس فيـــه و ناويـه أعيشه بعرض و طــول .. ،، هالصيف إجازتي بدت من 3 أيــــام فقــط يعني توه الصيف بادي عندي " ما يهـــزك ريح أشاركك المعـاناة " .. كلها 3 أسابيع و أرجع الدوام :nono:

خطط السفــر باءت بالفشــل .. خططنا نســافر تركيــا .. لكني غيرت رايي في اللحظـة الأخيرة "سافروا عني البارحة خلاص " بعدني ما ندمت :harhar1:

هالصيف معنويــاتي عاليــه الحمدلله .. لأن أحلى ما في صيفي لرقـــاد و الكســــل.. و التلفزيـــــون أعظم إختـــــــراع بالنسبة لي و الله ..

أجمــل ما في صيفي اللي غيــر ..
- استقلت من وظيفتة ما حبهـــا ..
- ما زلت أعـــاني من ال|ICDL و حق الحســـاد و المتشمتين أقــول " تراني خلصت اربع امتحانات لين الحينه و درجاتي بين 90-92 و للأمانة يبت في واحد منهم 83 .. و باجيلي 3 امتحــانات و اخلص
- الصيف كلـــــه أعـــــــراس و حفلات خطوبــــــة " عقبــــــال اللي في بــالي "
- الصيف فرصــة لإعادة الحياة لغرفتي .. بوظبــي جان زين أتأثثين حجرتي بعد وياهن
- مشاريع الشلـة ما تخلص من عـزايم أو دورات و محاضرات .. آخـــر محاضرة كانت البارحة مسوينها برنـامج وطنــــي عنوانها " تـأثير المــاء في حل المشكلات الأسريــة " الموضوع خطيـــــــر بمعنى الكلمـــة
- في الليـــــــل تدب الحياة في بيتنـــا .. سهــر و ســوالف .. و مكــالمات طويلـــة من أو لنـــاس نتوقعهم و ما نتوقعهم ..... :terms:

باختصــــــــار " وين الإختصــار:kkk: " صيفي وايـــــد حلــــــو بالنسبـة لي " :ice:
صيفـــــي غير ،،

[مسافرللجفا]

السلام عليكم و الرحمة ، ،

صيفي انا غيـر عن كل سنه . .
مـا ادري ليـش احــس ها الصيـف بالنســبالي غيـر عن كل السنـوات ، يمكن لانه وايد اشيـا تغيـر في ها الصيـف ، مممم بس لا بــاس فيـه ، نعيـش ايـام حـلوه و ايـام مره ، هاي سنـة الحيـاه .

كنـت امخـطط اخذلي صيفي في الجــامعة و اخـلص المواد التأسيسيه
بس للاسـف ما كـان شي نصيــب . :no0:

واحاول استغل صيفي بشي مميـز و مفيـد

- اداوم صيفي ، استغل وقتـي بدال الرقـاد ، ومنهــا اخذ خبــره .

- بديـت في قرايه كتــاب الشيـخ محمد بن راشـد " رؤيتي " و احاول استفيد منـه و اتقيـد في الخبرات
المفيده الي عاشها الشيخ محمد يطولنا بعمره .

- مـاشي سفــرات ، لانـي ما احـب اسافر وايـد ، احب بلادي و صيف بلادي و حر بلادي
بس في خطط حق السفرات الصغيره ( صلاله ، مسقط ، جبل الاخضر ) و انحاول انسير العمره ، وطبعا سفرات شباب ابروحنا . .

الي اتمنــاه اني اسويـه في ها الصيـف

- اني اظهر بمشروع مفيـد و مقتنـع فيـه في نفس الوقــت ،

وصيفي اليوم في بيت خالتي
اقضيها ويه ولد الخــاله

وفي امل نخطط حق اي سفره او اي رحله حلوه
:bow:


شوق القلوب

تســلمين اختـــيه ع المـوضوع

واسمحــــولي ع المــداخله ، و ان شــاء الله الكل يستــانس في الصيـف
قبل ما اتيــلكم صاعقه المواسم الدراسيـــــه
:no0:



شكرا مره ثانيـه !

[دمعة شوق]

السـلام عليـكم

ماشاءالله كل حـد صـيـفـه يـقول احلى عـن الثـاني
:kcl:
مـب أنا كلـه رقـاد × رقـاد ،، صيف هالسنه والله مادري مااحس عمريه سويت شي انتفع فيه لعقـب
شرات صيف السنه اللي طافــت خـذيـت icdl ،، بس هالسنه مره مب شـي وماعنـديه غـير الـكـتب
والتلفزيـون والواحــات
- اقـرا كتـاب الأمـير الـولـيـد .
- اكمـل قـرايـة كتـاب أدولـف هتــلــر
( عجيب كتابه وتعيبنيه شخصيتـه هالانسـان صح كان مجرم بـس حلو
في معلومات اول مره اعرفهــن بس حـلو شـيـق )

- نـجـتـمع ويأ الربـع مره وحـده في الشـهـر .
- متفيجه لعزايم الأهــل .
- لي بارض لليهــال وسوالفـهم .
؛؛
وأهـم شـي الرقــاد ماشي احلى عنه في الصـيف .
كله ولا رقـاديـه
؛؛

شـوووق القلوب
يختي خليتينا نفضفض اليواني اللي عندنا خخخ
سوالف الصيف خليتينا نعقهن هنيه
مشكوره على هالموضوع الغـاوي

وسمحيليه هذربت وايـد

[راعي الزعـامه]

هالصيف .. ماشي سفر ..

كان فخاطري اسير وحده من البلدان الاوروبية ..

لكن الحمدلله بنسير مكان افضل منها وهو زيارة الحرم وبيت الله ،،

ابا باقي الصيف انا في بلادي ونتجول فيها ،،

أفكر اسوي شي مفيد ،، مثل دخول معهد والا شي

يصير خير

ومشكوره عالموضوع

[عفاريتووو]

شو رايج اتشاركيــنا بعد هالفايده و تعطينا ملخص عن اللي سويتوه و اللي استفدتي منه.. :smartass:

ان شالله :smartass:
..

ويوم اكون فاضية و ملانة احاول اتعلم ياباني عــ النت
لين الحين تعلمت الارقام ,, و بعض الكلمات الرئيسية
و عرفت كيف اكتب اول حرف من اسمي بالياباني ^_^

كشخة لول

[شوق القلوب]

.. بوظبـــــــــــــــي ..

ســـــــــــويت النـــودلز على طـــريقتـــــج..

كــــــــــــــــــــــان شـــــــــــــــــــــــي

لـــــــــــــــذيـــــــ ــــــــــــــــــــذ



..

عاد النودلز اصلا بالكاري.. و عليه الجبن... يا سلاااااااااااام



في حد من ربعي كانوا يحطون وياه جبن كرافت عقب ما تستوي النودلز.. وفي منهم ياكلونه بالروب..

بس الكيري.. طلع احلى شي ..
..


تسلميــــــــــــن و الله ع الطبـــخه الحلوه و اللذيذه و السهله ..!!