[ رحلــة إلـى خصــب ]

[صريح]

:mar7ba:
مرحبـــا الســـــاع


شحــالكم ؟؟ .. عساكم بخيـر و نعمه


بعد ما اختفيت عن الواحات هالاسبــوع "يقولون خطفوني هيهيه" ....
وايد ناس كانوا يسألون وين سراا صريح، و طلعت اشاعه تقول انه يمكن الارض بلعته و اختفا ههههه

بس في الحقيقه صريــح كـــان فــي خصــب يغيــر جو و يرقد من تعب الكليه
الرحله كانت لمده ثلاث ايــام و سكنـا في Golden Tulip Resort
و الجو كان حار بس احسن عن جو البلاد ابـ واايد

و الرحله بدأت بالتجمع فالشارجه "فديتها و فديـت اهلهـا"
تيمعنا و ركبنا كلنا في موتر واحد
و توكلنـا على الله


::



بعد ما ركبنا الموتر بدت الضرابه كل واحد يبغي يسمع شي
و اخر شي اتفقنا انه نسمع هاي الاغنيه و عقب بالدور حسب الطلب لوول
محمد عبده – جرح الموده


::



هذا الموتر اللي سرنا فيه ..
صدق ريّف و مريح حق الخطوط


::



طول الدرب ما صورت شي لانه ظلمه بس يوم وصلنا راس الخيمه
لمحت هالشله الحلوه حذالنا و جان انقز صووب الدريش و اصورهم
:ice:

::

وصلنا الفندق فليل يلسنا نلعب ورقه و سوالف و ضحك و عقب رقدنا
و اليوم الثاني بالغبشه ظهرت اتمشى و اصور شويه و الجو كان روعه

- مجموع صور للفندق و البحر -













::



الظهر سرنا نتغدى مندي و كان لاباس فيه
اول ما حطوا الاكل قلتلهم وقووف محد ياكل و الكل استغرب
و سألوا ليش ؟ .. جاان اقولهم بصور الاكل زين ما ذبحوني ههههه


::



و بعد الغداا كنا مرتبين انه انسيير البحر نحدق و اهنه اول ما وصلنا السييفه

::



ساايرين جداا الطراد " انا دوم اخر واحد يالس اصور هههه"


::



ركبنا الطراد و حملنا العده و دخلنا البحـر


::



عيبني المحمل فصورته قبل ما نطلع من الكاسر


::



و في الدرب ترايسنا ويا هالشيبه بس روح عنا و خلنا في ذرااه ..
و كان السبب انه طرادنا فيه 8 اشخاص لول
:no0:

::


يتـبـــع

[صريح]

::



و يوم وصلنا البقعه اللي خبرنا عنها راعي الطراد
بدا الشغل و ترتيب لخيوط و الميادير


::



هذا الصووره اهــداء لاهل دبــي " قوم بو العومه" .. هيهيهيه
و اليييم كان عومه و نغر ..
:harhar1:

::



المرحله الاخيره بعد ما انحط الييم فالميادير

::



و اول الغيــث كان قرقمبه "اللي ع اليمين" و شعري "اللي ع اليسار"
و تحمسوا الشباب


::



انا يلست اصور البحر و عقب انضميت للسماميج " الشبيبه"
:kcl:

::



ابرسي على بر لكنه غدى بري
مثل البحر كل مرسى مركبي فره

::



اسافر في بحر حبـك واخاطـر
مرادي بس في الدنيـا وصالـك

::



كم غصت في لجت بحركم طوفان والمايات عالين

::



كم طبّع بحركم مـن سفنّـا ونسبح في لجاجهْ مخطرينـا

::



طيــور

::



هذا سالم الشحي من خصب
يقرب حق راعي الطراد و يا ويانا
ريال و راعي بحر ما شاء الله عليه
مب الصغاريه اللي عدنا فلبلاد كل واحد يخاف من ظله

::



يـا بحر انا بسألك عن مبعد الدار
ياللي من الاشواق مبرد و خالي
:sadwalk:

::



و هذا الرزق اللي طلعنا به بعد ساعه و نص
اكثر شي شعري و كمن جشه و قرقمبه وحده بس

::



يوم وصلنــا السييفه بالسلامه


::

اخر صـورتين حبيت اتفلسف فيهن
الشباب يالسين يلعبوون ورقه و انا لاهي بالكيمره
و هذا اللي طلع ويايه



تلفـوني و غترتـي
لـول
:kcl:

:



جبريــت ماكروو
:)

::

و أتمنـى انـه الرحلــة عيبتكم
بس خلااص تعب و انا اكتب و اعدل فالصـور هههههه



السمــوحه
صـــــريــــــــح

[مخاوية الامل]

السلام عليكم ورحمــة الله وبركــــــــــــااته ..

أخويـــه ( صـريح ) ..

مااشاء الله تصــويـــرك واااااااايد حلــوة ..
حلوة البقعــة اللي سايرينـــهــــااا ..
أحسها رومـانســية << متفيــجه صح .. !

إن شــااء الله تكونون استانســـتواا ..
والله يديمــه من رزق عليكم .. :)

مخاوية الامل ..

[ولد الشحوح]

حلوة رحلات الشباب تصدق من فترة ما ظهرنا مكان حمستني ....
جان مريت صوبنا دام انك خطفت على راس الخيمة

[عذبة الروح]

السلام عليكم والرحمه

حيا الله من طل علينا ..
يوم غبت علينا .. قلت لحقت لمّــاح ..

الحمد الله عـ السلامه اخويه
وباين انك استانست وايد ..
وايد اسمع عن خصب .. لكن ولا مره سرت لها

وما شا الله
من صورك .. شوقيتني نخطف عليها
ولو عـ السريع

عيبتني اكثر شي صور .. الفندق
احس انك طـلّـعت ابداعك وفنك كله فيهن
خاصه آخر 3 صور حق الفندق <--- روعه + فن

ربي يعطيكم العافيه شبابنا
ولا يحرمنا من رحلاتكم وصوركم
وحمد الله عـ السلامه مره ثانيه
ويسلمووونيشن صريحنا

اختك
عـذ الـروح بـة

[دمعة عين]

وأخيرا شفنا أعمال "صريح"

لوووول

السلام عليكم

له له له .. شو أشوف أنا جدامي.. صراحه توووووب 10/10

:nono:

ماشالله عيني عليك بارده .. أبدعت .. أبدعت

ههههه

ياي صوب خصب.. ماشالله .. يبالنا نسير صوبها نطمش..

خخخخخ

brgll:

سلامي عالمنظر.. حلـــــــــــو

خخخ هني وعافيه..

عاشوووووووو شله السعاده خخخخ ..

واااااااااااااااااااااااا ااااااااااااااااااااااااا اااااااااااااااااااااايد حلو .. صراحه عجيب

تخبلت .. أبا أصمم عليهن.. ياخي ليش التوقيع هالكبر.. مانروم نسوي شي ألحين >_<

الله الله .. وااااااااااااااااااايد رهيبه .. ياربي.. بموت .. كيف اطلعون اللقطات جيه اهئ اهئ

يبالك تكتب تحتها تعليق.. " أرقب اتصالك ياغناتي.."<< غنيه ميحد هاي أظن حلوه أحس راكبه

بصريح العباره.. أبدعت.. ماشالله عليك.. وانشالله تكون اسنانست في الرحله ..

وإذا على الصور توب مثل ماقلت قبل..

بالتوفيق أخويه ..

ونترقب جديدك

والسموحه عالإطاله

[الشحية]

صريحــــووووو ..
روعـــــــــــة الرحلة والتصوير خبال ..
تســــــــــلم .. تعبت وايد شكلك خخخخ ..
نتريااا الرحلة الياية ..
بروح أقولهم ودوني خصـــــــــب .. كخ كخ كخ

[شوق القلوب]

الســـلام عليــكم..

مـــاشـــاء الله .. الصور حلـــوه..
و تسلم على نقل التفاصيــــل.. حسستنا جنا سرنا و ياكم. .
..

عيبتني صور البحـــر... وااااااايد أحب هالمناظر.. اتعيشنا بجــو ثاني

..

ها.. شويتوا السمج و لا بعدكم..؟؟

[نويّر]

صــريــح

مــاشالله الصــور رووعــة
خــاصة صــور البحر طالعة رووعــة :kcl:

نويّــــر

[عفاريتووو]

السلام عليكم

ذكرتني بذكرياات خصب

ماشالله عليك !! روعة الصور
خصوصا صورة الغروب
و اخر صورتين بعد واييد عيبوني

نتريا يديد تصويرك اخوي ^_^

[بحر الموده]

السلام عليكم ورحمة الله وبركاته

صريــــــــح وانا اقول وينه الريال مختفى ياحيك والله وياحى الحداق وياحى خصب واهلها

الطيبيييييييين وياحى الارمادا لى محليه الرحله لووووول .. خصب لى ذكريات حلوه فيها

ماشاء الله صور ولا اروع تسلم يمناك على التغطيه الحلوه وانا اقول للى ماسار خصب يسيرها وان شاء الله يرد من هناكى مستانس وبخصوص الجو تحسبه على وقت الظهر جاف وحلوو لوو صح حار بس زيييييين

مااصابيتوو على جوعه واعليه عنه مسكين بتقبض حمل حمل من هاى الخيرات وبتمزرها البانه لين شارب والديها يكيكيكيكي

على العموم موضوعك حلوو وربى يعطيك العافيه دوووم ونتظر يديدك على خير وماقصرت

اخوك عاشق خصب / بحر الموده

[قرموشة]

:mar7aba:

اوووه اوووه .. خـزووا عـن الشيييبه ~ صـريييحكــو ~
ياحـييكم والله دام الا سايريين هـاك الصــوب ..
هـ الفــنـدق قـوم أبويـه ساروولـه :ice:

:kcl:
والصــور الصــراحـه روووعــه
عيبتنـي صـور ~البحـر والشمـس~
وصــورة التـيلفــون طـالعـه زقـرررت

أسمـييك انتـه مب هــين واالله :negab:
وتســلم ~ولد داااري~ عـ الصور الحـلووة
والمـهم انكــم استانــستوا
ويا مـرحـبا الســاع

[العجيبة]

فظيييعــة صووورك ما شاء الله ..

ورحلتكـم حلـوة ، ما شاء الله الحداق عندكم خييـر مب مثل اللي عندنا اييبـون نص سمجة ويستانسوون

نتريــا يديد رحلاتـك أخـوي ..

[دمعة شوق]

حيااااالله براعـي البحـر
شو هالصـور الغـاويه
ماشاءالله رحلتـكم ممتعه وشيقه وحماسيـه

عيبتـنـيـه السفره والتلفـون
بس بشكل عام حلوت جميعـــن
brgll:
شـكـرا ً ياراعي بحر
وبالسـلامـه
؛
ويامرحبــانـــي

[تنينه]

وأنـــا أقــول وين صريحكووو مــختفي :negab: ,, أثــره خاطفينك ومـودينك جدى عـمان:harhar1: ,, مــره ثــانيه قـبل ما يـخطفونـك خـلى يعـطـونه خـبر أنـهـم بياخذونك وبتتغيب عـنا:negab:

الـــصور الــصراحه واايد حـلوه وعــيشتنا صـدق أجواء رحلتك مع نقلك للتفاصيل:ice: ,, عــيبتني آخـر ثلاث صــور :kcl: ,,

لا عدمنا يـا خوي

تنينه :gof: