شو رايكم فيها ..

**ذنـيـنـي** · 11-07-06 ||, 11:40 PM

احسن لك

انا ناوي آخذ الكاميرا مع عدستها

حصلتها في السوق الحرة في مطار دبي بـ 2900 و حصلت عليها عرض خاص بـ 3300 تقريبا و وياها فلاش خارجي,, قيمة الفلاش بروحه 1400 درهم,, تخيل!!

بصراحه انذهلت يوم شفت الاسعار
لو كنت اعرف عن هالعرض قبل اليوم جان قلتلك عنه عسب ما تاخذها من برع

و مبروك عليك الكاميرا منك العدسات و منها الصور الحلوة

**عفاريتووو** · 12-07-06 ||, 12:50 PM

السلام عليكم

مبروووووووووك ,, نتريا نجوف ابداعاتك بالكاميرا

بس بقولك شي ,, يوم بتاخذ عدسة يديدة
جوف الــ range مال الزوم
لين 50 يكون للعرض
و فوق الــ 50 يكون اللاشياء البعيدة

يعني مثلا من 25-300
25 لين 50 للعرض و 50 لين 300 للبعد

فــ كل ما كانت العدسة الــ range مالها اكثر
يعني تغطي اكبر عرض و بعد ممكن

**ذنـيـنـي** · 12-07-06 ||, 02:22 PM

و كل ما كبر المدى هذا،، كل ما قلت جودة الصور

**عفاريتووو** · 12-07-06 ||, 02:54 PM

صدق ! وانا اتحسب العكس

**تحفه** · 12-07-06 ||, 03:27 PM

لا ماعتقد من وين يايب هالمعلومه ذنيني؟!!!

المدى ع قولتكم مال العدسه ماله خص في جودة الصور!!

اذا قصدك مثلا .. اتقارن بين عدسات المايكرو تراها بس للتقريب الهدف الي نبا انصوره وابرازه في الصوره .. وعدسه الوايلد رانق جودتها مب اقل مب اي صوره لاي عدسه ثانيه بنفس الكيمره ... و ( السالفه سالفة تركيز ع الشي الي تبا تصوره أو لا -يعني تخليه عادي مثل ما تشوفه عيونك )

مادري بعد احتمال رمستي غلط .. ماجد فكرت بهالسالفه ..و أول مره اسمع في معلومتك ذنيني ^.^ .. ممكن ذكر المصدر؟

**طير الغرام** · 12-07-06 ||, 10:09 PM

بالبركه أخويه ^_^

**ذنـيـنـي** · 13-07-06 ||, 12:05 AM

لو ما كان يخصه جان حصلتوا المصورين المحترفين يستخدمون عدسة وحده لكل شي,,

مثلا 18-300 و بيفكون اعمارهم من سالفة تبديل العدسات

و ما ادري اذا لاحظتوا عذا الشي ولا لا,, المحترفين و بالذات في الملاعب, اغلب عدساتهم من النوع الي ما يتغير مداه,, لأنه العدسات هذه يكون الفوكس فيها سريع جدا و كذالك الشاربنس
بعكس عدسات الزووم, الي كل ما زادت نسبة التغير فيها كل ما قلت حدة الصور

يعني انا عن عمري,,,
ناوي اخذ هذي الكاميرا و ناوي اخذ معاها اربع عدسات
العدسة الاساسية بتكون 17-85 و هي الي بتكون مركبه بشكل اساسي على الكاميرا
العدسة الثانية هي سيجما 10-20 و هي عدسة الوايد انجل
العدسة الثالثة هي سيجما "او كانون" 70-300
و العدسة الرابعه هي سيجما 105 macro او كانون 100 macro
و في عدسة اساسية و لااااااااااااازم تكون مع اي مالك لكاميرات كانون و الي هي 50mm 1.8 العدسة هذه تعتبر اسرع عدسة من كانون و تعطي مجال ثابت و الي هو 50mm و المجال هذا هو بالضبط مجال العين البشرية اهم ما يميز هذه العدسة هي فتحتها الكبيرة جدا و الي تعتبر مثالية اذا كانت الاضائة خفيفه و ثانيا سعرها اقل من 500 درهم و يعتبر رخيص جدا بالنسبة لجودتها العالية,

**ذنـيـنـي** · 28-07-06 ||, 06:33 AM

قلوب دبي

عندي لك عدسة رااااااااااااااائعه بكل معنى الكلمه

عدساتها الداخلية ممتازة جدا

و احلى ما فيها فتحتها الواسعة, الي بتسمحلك تصور في ظروف الاضاءة الضعيفة بشكل ممتاز

العدسه هي Tamron Autofocus 28-75mm f2.8 XR Di LD Aspherical (IF

و هي افضل من جميع عدسات كانون العادية و ما تتفوق عليها الا عدسة Canon 24-70L 2.8 و الي سعرها يبلغ اكثر من ارربع اضعاف سعر هذه العدسة

انصحك بهذه العدسة و بقوة

اضغط >> reviews

و على فكرة,, سعرها وايد حلو 1400 درهم فقط ,,
عدسة كانون و الي هي المنافس الوحيد لها سعرها 6000 درهم الا شوي