وينكم يا شعب الامارات؟

[الحساس]

يزاج الله خير يا نجمه دبي ..

الموضوع اول مره اعرف عنه وماجد شفته بمكان ثاني..

نورتيا نور الله دربج..

[ألم ترى]

بسم الله الرحمن الرحيم ..

اختي الطارحه ..

انا مابتكلم عن المنقول وبقول ممنوع كون القضية اهم من جي ! ..

لكن اللي صار ف منطقة الرحبة قضية مش هينه وفيها حكومه يعني شيوخنا وتاج روسنا ..

اتمنى بأن الصوره تكون واضحه اكثر من جي وانا مابنحاز ضد اي فئه ولكن الكلام اللي انكتب كله ضد الحكومه ! ..

ولو قلنا بأن الجيش والشرطه هم اللي اهانوا او ظلم حد ولكن نحن نبي البدايه كانت وين ..

يعني اهل الرحبة هم اللي راحوا يضربون العمال ويكسرون معداتهم ..

ليش نحن وين يالسين ف جمايكا او كلومبيا ؟ ..

ناهيكم عن التسلح يعني عادي تحصلون واحد يتناغز بـ رشاشه او خنيره !

اللي يبي يحل هالمشكله( يتفضل ) يشتكي عند اكبر راس عشان ياخذ حقه ..

واذا اهل الدنيا تهاونوا فهناك عدالة السماء مستحيل تتهاون ! ..

اتمنى بأني ما ازعل حد ف ردي ولكن هذا ردي وانا واحد جريب يعني اولى من القريب ..

بحفظ الله ..

[نبراس الليل]

السلام عليكم ورحمة الله وبركاته


لاحول ولاقوة إلا بالله العلي العظيم



الفتنة أشد من القتل


ماهدف هذا الموضوع

زرع الفتنة وتحريضنا على ولي أمرنا


لاأريد التطرق في الحديث أكثر عن حكم الشرع في مثل هذه المواضيع الغير هادفة إيجابيا


أختاه لاتعتقدي إن الحكومة تعلم بهذ الأمر وتتسلى بالمشاهدة


لا وألف لا ارددها في مسامع كل من يحاول نشر الفتن بين الناس ويزرع الحقد في قلبونا تجاه أولياء أمورنا


لاأعم ولكني متأكد إن هناك أمور أخرى خفية عننا



فلما تقولون مالا تعلمون






والحمدلله رب العالمين على كل حال

[نجمة دبي]

اخويه محب الشيخين .. واخويه نبراس الليل

كلام الحق ما يزعل ..

وانا كتبت اللي صاير في منطقة الرحبه .. والكل يدري ان الحقيقه ناقصه ..

لكن .. كوننا شعب الامارات .. هل نقف مكتوفي الايدي ؟

مب قصدي يعني نسير انسوي مظاهرات .. لااا

لكن هل يرضيكم باللي يصير ؟

وادري ان اهل المنطقه ساروا وضربوا الجنود .. لكن هالشي من اجل الدفاع ..

واعتقد ان نحن لو كنا مكانهم .. كنا بنسوي شراتهم ..


اخويه نبراس الليل .. مستحيل اني ازرع الفتن بين الناس واحرض الجميع على ولي امرنا ..
وانا يوم حطيت هالموضوع .. ما كان قصدي الفتنه ..

قصدي كان اني اراويكم شو اللي يصير في المنطقه .. اللي اكثرية الاعضاء ماعندهم خبر
هالمنطقه من البلاد .. مب خارجها عسب ما نهتم ..


والسموحه من الجميع



نجـــــــ دبي ـــــــــمة

[ولد الحكومة]

وعليكم السلام ورحمة الله وبركااااااااته

اختي نجمة دبي .. :no0:

اذا إنتي اتقووولين الحقيقه ناقصه انا اتفق معاااااج ،لانه لا انا ولا انتي يعرف شو الي صار لانه هالموضوع متعلق بسياسة الدولة ، يعني احنا ما نقدر ندخل في شؤونه ...
.
.
بخوص ان الجنود قاموا بضرب الحريم ، صدقيني اختي هالشيء مستحيل يحصل يعني مستحل مواطن يمد اييده على حرمه أو بنت أو شيبه ، الحريم هم الي قاموا يضربون الجنود ، وبعدين العسكريين عندهم تعليمات عليا صادرة من فووووق انهم يلقون القبض على المتسببين في المظاهرات وحتى لو كانوا داااخل بيوتهم.
.
.
والسموووحه عالمداخلة بس حبيت اوضحلج.

[نجمة دبي]

اخويه قايد الريم

ادري ان مستحيل هالشي يصير .. لكن في ناس اكدوا لي هالشي ..
والصراحه .. ضعنا بين اللي نشوفه وبين اللي نسمعه .. وبين اللي ما فهمناه للحين

الله يكون في عونهم يارب



نجـــــــ دبي ــــــــمة

[ولد الحكومة]

اخويه قايد الريم

ادري ان مستحيل هالشي يصير .. لكن في ناس اكدوا لي هالشي ..
والصراحه .. ضعنا بين اللي نشوفه وبين اللي نسمعه .. وبين اللي ما فهمناه للحين

الله يكون في عونهم يارب



نجـــــــ دبي ــــــــمة

الله يكوووون في العوووون وانتي ما قصرتي يوم طرحتي الموضوع ، ولا قصدج إنج اثييرين الفتن او شيء ما ... انما هذا يدل على غيرتج لبلدج وخوفج على شعبج.

والصراحه انا اشكرج وايد على اهتمامج للموضوع وايعطيج الف عافيه

تحياتي / اخوج قايد الريم

[ولد الشحوح]

يا جماعة الخير بعيوني شفت شرخ فـ جبل الرمس .... الله يخلي الكسارات ...

[نجمة دبي]

شكرا لك اخويه قايد الريم
وكل شخص يغار على بلده بيسوي اكثر من جيه ..


واشكر اخويه الدكتور الحساس على كلامه الطيب



نجـــــ دبي ـــــــمة

[نجمة دبي]

اخويه ولد الشحوح ..
اونهم بيشلون الطبيعه الحلوه .. وبيبنون المطانع ومادري شو

ربنا فوق وشاهد على كل شي

ودعاء المظلوم مستجاب


نجـــــــ دبي ــــــمة

[عايش وهم]

السلام عليكم

يغلق بطلب من صاحبة الموضوع