لمــاذا وكيــف وأيـن تســافــر ؟

[العجيبة]

الســلام عليكـم ..

تـابعـوا بهـدوء وبدون انفعــاال :ice:

^^ للسفر نظره^^

وين بتسافرون ؟؟؟


أعلاه تجـدون عنـاوين مواضيـع تصـدرت قائمة المواضيع في الواحات مؤخرا وجذبت الكثير إليهـا،
أضف إلى ذلك مشاهـدتنا وملاحظتنا لردود ومشاركات تتضمن

" اسمحولي أنا مسافـر "

" شو رايكم بالبلاد الفلانية "

" أنا ما بكون متواجد في الاسبوعين القادمين "

" أعتقـد إني ما بلقى وقـت عشان أشارك في هالمسابقة ، أنا مسافر ورا باجر "


أيضا .. نجـد آخـرين يتنقـلون من محـل إلى آخـر ، من مركز تجـاري إلى آخر ، فذلك يبحـث عن حقيبة سفر وتلك تريد ملابس جديدة " تكشخ بها في السفر " ، وذلك يريد جوارب ومعطف لأنه سيتوجه لبلاد باردة ويريد أن يستمتع بجوها البارد بدون زكام ..


غيـر ذلك .. الأب " متـوهق " ويدور من مكتـب سفريات إلى آخـر ، وربما لكثرة سفراته يكتفي باتصال هـاتفي لانهاء معاملاته ..
وهناك ذلك الشـاب يخطط ويجهـز لسفــر شبابي ذو نكهة جديدة يعيشها لأول مرة فتراه في غمرة سرور لا توصف ..


كـل ذلك يحـدث بمجـرد اقتـراب موسم الاجـازات والصيـف الذي أصبح الكثيرون من دلعهم الزائد لا يتحملون حرارته ووهج شمسه الذهبية وبحـره السمـاوي المتألق ..


وهناك أسئـلة تحــوط في بالـي ، وقلنـا ناخذ آراءكم ويمكن نستفيـد منكم وبالمـره ننعنش حرارة الصيف معكم ..

عنـدمـا تريـد أن تسـافـر . . .

- كيـف تختـار البلاد التي تريد أن تتـوجه إليها ؟
- مـاذا تريـد من البلاد التي سافرتها ؟ شو تبا تسـوي يعني ؟
- ما هـي الأماكن السياحية التي تجـذبك ؟ ترفيهيه - ثقافيه - مجرد استجمام ...إلخ ؟
- في البلدان التي زرتها .. هل وجـدت مبتغـاك الذي سافرت لأجله وخططت له مسبقا ؟
- اذا انت متعــود على السفـر كل سنة .. وفي إحدى السنوات صار عندك عجـز مـادي ، هل بتعمل المستحيل حتى لا تفرط في عـادتك ؟
- أي إضافة أخيـرة .. نصيحة ، أو ملاحظة ، أو أي شي تحـب تضيـفه ؟

وبــس .. :ice:


يالله شو رايكم تشـاركـون ؟



الـعـجـيـبـة
6 0 0 2

[عفاريتووو]

عليكم السلام

- كيـف تختـار البلاد التي تريد أن تتـوجه إليها ؟

الاختيار ما يكون مني ,, من الاهل ,, يعني الاكثرية وين يبون
بس اهم الشي خصوصا في الصيف ان الجو يكون بارد هناك
و فيه طبيعة حلوة

- مـاذا تريـد من البلاد التي سافرتها ؟ شو تبا تسـوي يعني ؟

ان ارد من السفر بأحلى الذكريات
و احلى الاشياء اللي شريتها :harhar1:


- ما هـي الأماكن السياحية التي تجـذبك ؟ ترفيهيه - ثقافيه - مجرد استجمام ...إلخ ؟

يوم اروح اي بلد احب اني اجوف اكثر الاماكن السياحية اللي فيه سواء كانت
ترفيهية ولا ثقافية و لا استجمام ,, ما احب اطوف شي :harhar1:
بس اكثر مكان استانس يوم اني اروحه اماكن الــ shopping طبعا

- في البلدان التي زرتها .. هل وجـدت مبتغـاك الذي سافرت لأجله وخططت له مسبقا ؟

هيه حمدالله ,, لان قبل ما اسافر لأي بلد اجوف شو اللي فيها ..

- اذا انت متعــود على السفـر كل سنة .. وفي إحدى السنوات صار عندك عجـز مـادي ، هل بتعمل المستحيل حتى لا تفرط في عـادتك ؟

يوم يقولون مافي سفر
ما يكون بإيدي شي غير ان ارضى بالواقع :no0:
احيانا تيلي افكار مثلا ليش ما اروح من سيربح المليون :harhar1:
بس تظل مجرد افكار

- أي إضافة أخيـرة .. نصيحة ، أو ملاحظة ، أو أي شي تحـب تضيـفه ؟

اشكرج العجيبة عــ الموضوع ,, و اتمنى ان يكون صيف حلوو و ممتع للجميع ان شالله

[دمعة عين]

السلام عليكم ورحمه الله وبركاته

حياج الله اختي العجيبه ..

- كيـف تختـار البلاد التي تريد أن تتـوجه إليها ؟

نفس الشي أنا الأهل هم إلي يختارون .. وكيف يختارون.. يسمعون الناس
إذا تمدحها خلاص صوبها عيل كركركر

- مـاذا تريـد من البلاد التي سافرتها ؟ شو تبا تسـوي يعني ؟

أتحوط واتكشت.. وأهم شي عندي اليمعه والسوالف ويا الأهل..

- ما هـي الأماكن السياحية التي تجـذبك ؟ ترفيهيه - ثقافيه - مجرد استجمام ...إلخ ؟

همممم.. عادي كله واحد أهم شي نتحوط.. بس أنا أفضل.. الأماكن الفاضيه عشان
ناخذ راحتنا أكثر خخخخ
:harhar1:

- في البلدان التي زرتها .. هل وجـدت مبتغـاك الذي سافرت لأجله وخططت له مسبقا ؟

خخخخ هيه الحمدلله.. بس مب دايما
لوووول

- اذا انت متعــود على السفـر كل سنة .. وفي إحدى السنوات صار عندك عجـز مـادي ، هل بتعمل المستحيل حتى لا تفرط في عـادتك ؟

أول شي.. نحن مب دوم نسافر.. يعني على حسب المزاج على قولت الوالد خخخ
وبعدين بلادنا حلوه والشيخ محمد بن راشد مب مقصر في دبي ..صح ..؟؟!
brgll:

- أي إضافة أخيـرة .. نصيحة ، أو ملاحظة ، أو أي شي تحـب تضيـفه ؟

همممم .. أنا أقول أنه السفر يباله مزاج رايق .. وحد متفيج لك .. صح..؟؟
وووو بعد بعد .. همم ماعرف شو أكتب خخخخ

مشكوووووووره على طرح الموضوع الشيخه

لاخليت منج

والسموحه طولنا عليج

:kcl:

[راعي الزعـامه]

- كيـف تختـار البلاد التي تريد أن تتـوجه إليها ؟

على حسب كلام الناس عنها .. واذا يمدحونها والا لا .. وانشوف بعض الصور عنها لو تعيبنا انسيرها

- مـاذا تريـد من البلاد التي سافرتها ؟ شو تبا تسـوي يعني ؟

نبا انشوف شو الايديد اللي ماشفناه فحياتنا .. نبا نشوف المناظر الحلوه اللي عندهم .. نبا نشتري الاشياء اللي مانحصلها في بلادنا .. الخ

- ما هـي الأماكن السياحية التي تجـذبك ؟ ترفيهيه - ثقافيه - مجرد استجمام ...إلخ ؟

ترفيهية طبعا ..

- في البلدان التي زرتها .. هل وجـدت مبتغـاك الذي سافرت لأجله وخططت له مسبقا ؟

بعض البلدان نعم وجدت واستمتعت فيها .. بس بعضها خاب ظني يوم سرتلها

- اذا انت متعــود على السفـر كل سنة .. وفي إحدى السنوات صار عندك عجـز مـادي ، هل بتعمل المستحيل حتى لا تفرط في عـادتك ؟

اولا انا مب من الناس اللي تسافر وايد .. اما لو في عجز مادي ليش اسافر .. اانا مب مجبور ..

- أي إضافة أخيـرة .. نصيحة ، أو ملاحظة ، أو أي شي تحـب تضيـفه ؟

للي بيسافرون .. تروحون وتردون بالسلامه

[قلوب دبي]

عليكم السلام ورحمه الله

كيـف تختـار البلاد التي تريد أن تتـوجه إليها ؟
افضل اني اختار البلاد اللي ما سرتلها من قبل وثاني احب استكشف اشياء يديده
الجو البارد يهمني بالمقام الاول .:ice:

- مـاذا تريـد من البلاد التي سافرتها ؟ شو تبا تسـوي يعني ؟
ما اريد غير اني استانس و ارتاح اهناك ..
واللي اريد اسويه اني احوط و اطالع اماكن و اجواء يديده و غير عن اجوائنا
طبعا كيمرتي ويايه و التصوير ..

- ما هـي الأماكن السياحية التي تجـذبك ؟ ترفيهيه - ثقافيه - مجرد استجمام ...إلخ ؟
الطبيعيه اكثر شيء تجذبني و عقبها الترفيهيه والاثريه اخر شيء ..
طبعا التسوق له جانب في السفره .. بس بدون الحريم :negab: brgll: :qor9anah:

- في البلدان التي زرتها .. هل وجـدت مبتغـاك الذي سافرت لأجله وخططت له مسبقا ؟
في كثير من السفرات هي نعم و لكن في بعض هاي السفرات حسيت كأني ما سويت شيء ^_^

- اذا انت متعــود على السفـر كل سنة .. وفي إحدى السنوات صار عندك عجـز مـادي ، هل بتعمل المستحيل حتى لا تفرط في عـادتك ؟
لا طبعا مب شرط كل سنه اسافر وان كنت متعود و مب الشرط المادي اللي يعيق السفر ، لانه السنه اللي خطفت في الصيف ما قدرت اسافر والسبب امتحاناتي و كنت ادرس و اتجهز الها لانها كانت بشهر 9 و الحمد الله مشت الامور طبيعيه .
وهاي السنه بإذن الله بعوض :kcl:

- أي إضافة أخيـرة .. نصيحة ، أو ملاحظة ، أو أي شي تحـب تضيـفه ؟
نصيحتي شرات ما ذكرتها في موضوعي ( ^^ للسفر نظره ^^ )
واحب اشكرج على طرحج الغاوي..

قلوب دبي

[ولد الحكومة]

وعليكم السلام والرحمة

كيـف تختـار البلاد التي تريد أن تتـوجه إليها ؟
الله انا افضل ان كل سنه أغير .. يعني مرة أسيا ومرة اوروبا ... والخ ................

- مـاذا تريـد من البلاد التي سافرتها ؟ شو تبا تسـوي يعني ؟
والله اول شيي اغير جوووو ، وبعدين اتونس

- ما هـي الأماكن السياحية التي تجـذبك ؟ ترفيهيه - ثقافيه - مجرد استجمام ...إلخ ؟
والله احب الطبيعة وااايد ، وبعدين احب الترفيه وايد واحب السوق!!! :cop:

- في البلدان التي زرتها .. هل وجـدت مبتغـاك الذي سافرت لأجله وخططت له مسبقا ؟
هي نعم ... بس بعدني يوم بستوي شرات بن بطوطة brgll:

- اذا انت متعــود على السفـر كل سنة .. وفي إحدى السنوات صار عندك عجـز مـادي ، هل بتعمل المستحيل حتى لا تفرط في عـادتك ؟
والله مب شرط اسافر كل سنه ، يعني انا هالسنه احتمااال ما آسافر ، وبعدين مش قانون او شرط اسافر كل سنه

- أي إضافة أخيـرة .. نصيحة ، أو ملاحظة ، أو أي شي تحـب تضيـفه ؟
والله اتمنى من الجميع انهم يتحملون على اعمارهم وانا حاط موضوع في الواحة العلمية عن (( واجبات السفر )) اتمنى من الجميع الاطلاع عليه . وبــس ..

وحبيت اشكرج يا لعجيبة عالموضوع :kcl:

[الـيـاه]

سلااام يا عسل !!

- كيـف تختـار البلاد التي تريد أن تتـوجه إليها ؟

طبعا ً مب أنـا اللي اختار بس في سفرات يلسنا ويا بعض وكل واحد تم يقول وين يبا يسير
واخر شي الكل يتفق على مكان معين
ومره وحده في تاريخ البشرية بس وافقوا على رايي ( أنا بس ) وعيبهم المكان
لاني سويت سيرج عنه عقب ما خبرتني ربيعتي وهي منطقة في حدود سويسرا - فرنسا
اسمها Morganz

- مـاذا تريـد من البلاد التي سافرتها ؟ شو تبا تسـوي يعني ؟

أول شي اغـير جو :ice: وبعدين أحلى السوالف والمواقف تطلع في السفر
وأحب أتعرف على الناس يعني في ناس نعرفهم ما نتلاقى وياهم ألا فالسفر
يعني مال السعودية والبحرين والكويت !! وبعد عشان الـ Shopping

- ما هـي الأماكن السياحية التي تجـذبك ؟ ترفيهيه - ثقافيه - مجرد استجمام ...إلخ ؟

تبون الصراحـه ناااااادر مانسير الاماكن الثقافية يوم نسافر يعني قوم متاحف وهالسوالف
لا أنا أحب ولا هلي يحبون هههه brgll: ..
اكثر شي الاماكن الترفيهيه والاسواق والاماكن اللي فيها طبيعه

- في البلدان التي زرتها .. هل وجـدت مبتغـاك الذي سافرت لأجله وخططت له مسبقا ؟

هيـه .. يسد أني غيرت جو شويـّـه
ونيلس نقول قبل ما نسافر أول يومين بنسير هني وهالاسبوع بنسير هني ..

- اذا انت متعــود على السفـر كل سنة .. وفي إحدى السنوات صار عندك عجـز مـادي ، هل بتعمل المستحيل حتى لا تفرط في عـادتك ؟

أنا أحب السفر وايد وايد
بس مب لدرجـة اني بجتل عمري عسب أسافر :nono: لا عادي بسلـّي عمري بأي شي فـ الاجازة

- أي إضافة أخيـرة .. نصيحة ، أو ملاحظة ، أو أي شي تحـب تضيـفه ؟

حبيت أشكرج ع الموضوع الحلو ياحلوه
وتسلمين حبوبـــه


.
.
.

[شمعة أمل]

- كيـف تختـار البلاد التي تريد أن تتـوجه إليها ؟
على حسب ... خلال السنه نسير لندن ولا برايتن .. لانهم قراب وحافظينهم فوق تحت وعنا شقق فيهم
في الصيف .. اذا خاطرنا في شوبينغ ولعب وحشرة وعوار راس .. يودونا امريكا:harhar1: عشان الشوبينغ روعه هناك وكله ملاهي ولانه عنا بيت هناك ف راحه ..

بس

اذا نبا نغير جو ونسير اماكن حلوه نحن *البنات* على كيف كيفنا نختار .. واذا نصنا نبا نسير هني والنص الثاني هناك نسوي حرب .. والى يفوز الحرب لازم نسير البلاد الى هم يبون يسيرونها وطبعا هالسنه انا واختي الصغيره فزنا فالحرب وبنسير اليابان:hist:


- مـاذا تريـد من البلاد التي سافرتها ؟ شو تبا تسـوي يعني ؟
على حسب البلاد الى بسيرلها
يعني لندن شوبينغ لماركات فقط
امريكا .. لكل شي وألعاب
آسيا .. مغامرااات وشوي نتعلم عن تراثهم ولغتهم .. وعلى حسب الستييي اذا مثلا العاصمه بس نسير شوبينغ واذا جزيره كلها طبيعه نسير نغامر ولا نتم مرتاحين في السباااااا :kcl:

بس يعني ككل .. كل شي مانخلي شي .. بس بعد يعتمد على البلادbrgll:

- ما هـي الأماكن السياحية التي تجـذبك ؟ ترفيهيه - ثقافيه - مجرد استجمام ...إلخ ؟
كل شيييي .. الا متاحف لندن وعععع حاره ومللللللللللللل

- في البلدان التي زرتها .. هل وجـدت مبتغـاك الذي سافرت لأجله وخططت له مسبقا ؟
معظم الاوقات هيه .. بس بانكوك لااااااااااا وععع ندمت اني سرتلها وايد وصخه ماطعت اطلع من الفندق حتى ..

- اذا انت متعــود على السفـر كل سنة .. وفي إحدى السنوات صار عندك عجـز مـادي ، هل بتعمل المستحيل حتى لا تفرط في عـادتك ؟
همممم ماجد استولتنا هالسالفه .. يعني العام انا ماسافرت لاني انا مابا احس مرات تلوع جبدي بس ابا ايلس في هالحر العجيب
بس اذا صدق استوى هالشي مادري والله
المشكله
اذا ماسافرت بخسر اكثر هني لاني دبي مافيها شي غير المولات ف كل شي نسويه شوبينغ .. ولا اقول .. لا .. اذا اشتغل بعدين لا مابخسر وايد:harhar1:
احس عادي بتقبل الأمر الا لو صدق كانت السنه ارف وخاطري خاطري خاطري اسافر مابتقبل الامر ولازم يسفروني يعني لازم

- أي إضافة أخيـرة .. نصيحة ، أو ملاحظة ، أو أي شي تحـب تضيـفه ؟
مشكوره عالموضوع