أعضاء الواحات و كرة القدم !

[بنت الدلع]

تسلمين عفاريتوو

موضوعج وااايد حلو ومرتب

[عفاريتووو]

شوق القلوب و كرة القدم :

يوم كنت صغيره كنت العبها في بيت ربيعتي.. كنا بنتين و ولدين.. طبعا انا الفاشله من بينهم.. ( ع فكره انا خوااااااافه من الكره... احس انها بتكفخ راسي ) .. من جي اللعبه اللي استمتع فيها تنس الطاوله... الكره صغيرووونه و ما اتعور brgll: ... اما الحين على كبـــر... العب في الصاله تحت ويا عيال اختي.. و آخر امباراه كانت يوم الخميس... ههههههه كسروني بكرتهم ( الاصليه ).. حشى ثجيـــله و اتعور الريول...

شوق القلوب و متابعة المباريات :

ممم.. أتابع مباريات المنتخب في كأس الخليج.. أو اي تمثيل للامارات في المباريات الرسميه.. و مباريات كاس العالم.. اتابعها ويا على حسب منو موجود.. بس غالباً و يا اختي و امي

شوق القلوب و التشجيع :

طبعاً اكون مندمجه لاخر درجـــه.. تعالي اسمعي الـ " الــــلااااااااااااااااا " يوم اتضيع فرصه تسجيل للفريق..


النادي الاماراتي اللي تشجعه شوق القلوب :

والله انا لا افقه شيئاً في الانديه... بس غالباً ما أشجع النادي الي يلعب ضد العيــــن brgll:
و تقدرين اتسميني وحداويه.. او شعباويه " عشان خاطر الطلياني "

و في كأس العالم :

في مجريات كاس العالم.. كنت أشجع لسبب مااااا brgll: .. و في النهائيات كنت اشجع

افضل اللاعبين عند شوق القلوب:

اللاعبين الوحيدين اللي أذكرهم و اعرف لعبهم و مستواهم هم منتخب الامارات الذهبي على ايام الطلياني و محسن مصبح.. شله المنتخب اللي شاركوا في كاس العالم سنه 1990 صح اني ايامها كنت صغيـــره.. بس اختي الكبيره وايد كانت اتابعهم.. حتى اذكر كنا انسجل لقاءاتهم... هههه يعني ناس مشتطه ع الاخر

شواقة استمعتنا معاج باللقاء

..



صريح و كرة القدم :

العبها تقريبا كل اسبوعفي مرزعه واحد من الربع فالخوانيج و اذا الجو ما يساعد نحجز صاله من الصالات الموجوده في دبي ,, العبها ويا ربعي اكثر شي و مرات ويا ناس ما نعرفهم
انا العب وراا المهاجمين دوووم هذا مكاني و ما اغيره

من ذكريات صريح :

في كل مره نلعب فيها اكيد تصير مواقف طريفه بس ما اذكر شي منها الحيـن
بس اللي اذكره انه يوم كنت في المدرسه "صف سادس" كنا نلعب كووره بقوطي البيبسي
الانه ما كانو يخلوني نلعب فالفسحه و يشلون الكوور عنا اذا شافوهن

النادي الاماراتي و المنتخب العالمي اللي يشجعه صريح :

أكيـــد نادي الشـارجه و منتخب البرازيـل

اللاعبين المفضلين عند صريح :

محليا: سبيت خاطر و سالم خميس و العنبري
عالميا: كرستيانو رونالدو و رونالدينو

صريح و التشجيع :

دووم اكون على اعصابي و عن كل هجمه خطره افز من مكاني ههه

في حالة الخسارة :

اذا فريقي خسر المباراه و كان يلعب زين اكون عادي و اتقبل الخساره
بس اذا ما كانوا يلعبون زين و خسروا محد يكلمني "اتقي شر الحليم اذا غضب" مثل ما يقولون

صريح ,, تسلم اخوي على المشاركة في الموضوع

..

مستمرين ان شالله