العجيبة و كرة القدم :

اللي أعرفه اني ما كنـت أداني شي اسمه كورة
لكن تغيـرت فجأة من انتقـلت لمنطقة يديدة ، البنات فيها مهووسات بشيء اسمه كرة قدم وعـاد استـويت أنا من اللي ينقال عنهم " من عاشر قوما 40 ليلة وأكثر صار منهم " !! لوول وقمـت أتابع بعـد وعيبتنـي اللعبة وايــد وبديت أفهم شو اللي يصير وليش حتى الجرايد مخلية الجزء الكبير من ملحقها الرياضي لهاللعبة !!

ما حصـل لي الشـرف العبها في الحقيقة والواقع
لكـن لعبتها كم مرة في البلاي ستيشن ! :ice:

الفرق اللي تشجها العجيبة في الامارات و في المونديال :

في الامارات .. الـوحــدة
وفي المونـديـال .. للأســف البـرازيـل :no0:
لكنـي حاليـا ويا ايطـاليـا :smartass:

اللاعبين المفضلين عند العجيبة :

إسماعيـل مطر وصالح المنهالي
وعالميا يعيبنـي كــاكــا :ice:

العجيبة و متابعة المباريات :

أكيد أشوفها بروحـي ، لان محد عندنا ميوله كروية !!
وفي نهاية الأسبوع واذا صادف شي مباراة أشوفها في بيت خالي ،
هنـاك ربشــة وإحساس ثاني بطعم بالمباراة


العجيبة و التشجيع :

اشجع عـادي .. آكل حـب .. أشرب بيبسي .. وأطالع :harhar1:

تسلمين العجيبة على مشاركتنا في الموضوع

..



عيون الليل و كرة القدم :

بصراحة يوم انا صغيره كنت العبها .،.، كنت وايد متأثره بقوم كابتن ماجد لـوول .،.، لدرجة انه كان عندي تي شيرت اختيه يايبتلي اياه من لندن ما حشمته لـوول .،.، يبت الالوان وصبغته وحطيت عليه رقم 10 لوول اونه كابتن ماجد .،.،
كنت العب مع اخواني وعيال اختيه لانهم في نفس سني وساعات عيال اليران :kcl: واحيد كنا انسوي خطط للعب " لعبنا ما كان اي كلام" :terms:

الفرق اللي تشجعها عيون الليل :

اشجع العين محلياً وبرشلونه عالمياً ومن المنتخبات " ايطاليا"

عيون الليل و متابعة المباريات :

المباريات اشاهدن مع الاخوان والاهل ف البيت

عيون الليل و التشجيع :

التشجيع عادي .،.، انا اكون يالسه اسوي شي ثاني واطالع كل شويه النتيجه .،.، يعني مب وايد مولعه في هاللعبه الحين بس احب اتابعها وبالذات اذا كنت مع مجموعة

شكراا عيون الليل عــ المشاركة

..

مستمرين ان شالله