يالله كم بعـــدد انا :harhar1:

ذنـيني انا ظله و هو ظلي .. وين ما يروح وياه و وين ما اروح وياي .. بعــد شوي بيمر عــلي .. و ما ادري وين بنسير

الحــاضر الغــايب .. تقريبا هو اول عضو عرفته و رمسته على التلفون .. و تشاوفت ويه جريب الحلاق :harhar1: .. و دوومه كان ايي بيتنا و يسوي فرومات و يرقع في كمبيوتري :harhar1: ولين الحين اتشاوف وياه .. و كان ويانا في مباراة سويسرا و اوكرانيا ..

لمـاح .. عرفته من سنتين تقريبا .. و اتشاوفت وياه اول مره في اللقاء اللي سويناه في صحارى .. و قبل اسبوعين كنت وياه في السينما :smartass:

بن دبي .. رمسته على التلفون من اول ما صرت مرافق اداري و شفته في اللقاء اللي سوته و رتبته عصابة المافيا ( على ايام القروبات ) و كان لقاء جدا جميل .. و اعجبت بشخصه و طريقة تفكيره و طموحه ..

غرشوب .. عرفته من مشاكل في الواحات :harhar1: .. بس الصراحه احس شخصيته في الحقيقه مووول ما يخصها في الواحات .. بس خووووش ولد :harhar1:

بحر الموده .. ريال و النعم فيه .. بيني و بينه اتصالات و شفته مره او مرتين .. فيه الخير دوومه يتصل و يسأل ..

الاسطوري .. شفته ثلاث مرات .. مره في لقاء اللي سويناه في وافي و اللي رتبه المقاتل .. و مره في الامسيه الشعريه في كلية التقنيه .. و امسات كان ويانا انا و الحاضر الغايب و ذنيني .. نشوف مباراة سويسرا و اوكرانيا ..

الملهم .. ريال و النعم فيه .. رمسته ع المسن فتره .. و احيد مسافر اللي عطاني ايميله .. و شفته كذا مره .. و اول مره اشوفه احيد كنا في صحارى .. و شفته كذا مره بعدين ..

المقاتل .. احيد اني رمسته ع المسن اول مره رمسته فيها .. احيد انا قلت شحالك و مزر لي الصفحه كلام ههه .. ما شاء الله عليه رميس في المسن .. بس احسه في الطبيعه سكوتي شوي .. شفته كذا مره بعــد ..

و يالله بسير هذو ذنيني مسوي مسيره برع لووول .. و برد بعدد القبــيله لوول :harhar1:

ســلام