هزه أرضية !

**أكسجين** · 29-06-06 ||, 01:33 AM

السلام عليكم ورحمة الله وبركاته

قبل ربع ساعه تقريباً صارت هزة أرضية في منطقة رأس الخيمه ,
كنت قاعده ويا خواتي فـِ الصاله وانا اشوف البرواز المعلق ع اليدار ورا اختي يتحرك
وكانت هزة مب بسيطه ~ وحسوا فيها بشكل اكبر اللي بيتهم من دورين او اكثر وكانوا قاعدين في الطابق اللي فوق !
.
.
و حسب توقعاتنا انا وخواتي ان شي زلزال في ايران وهو اللي سبب هـ الهزه ! والله المستعان ~ حد حس فيها !

" بصراحة ما عرفت بأي واحة أطرح الموضوع ~ بس حبيت استفسر "

**لمّــاح** · 29-06-06 ||, 01:35 AM

مرحبا ..

والله ياختيه مادري عن الموضوع .. بس اكيد بنسمع في الاخبار ..

الله يعين .. !

**دمعة شوق** · 29-06-06 ||, 01:36 AM

الله يعيـنـكم
مـادريـت ألا تونيـه منـج
:nono:
’’
الله المسـتـعــان

**كـلـكـلـووش** · 29-06-06 ||, 01:37 AM

الخبر صحيح و اتأكد من كذا شخص فـ راس الخيمه .. و حتى الخبر شفته في اكثر من منتدى ..

الله المستعان .. والله يحمي بلادنا من اي مكروه

**أكسجين** · 29-06-06 ||, 01:45 AM

**طير الغرام** · 29-06-06 ||, 01:51 AM

الله يعيـــــن ويرحــــــم !

**تحفه** · 29-06-06 ||, 01:59 AM

ألله .. أحب الآكشن .. بس ماحب اكون في المصيبه لولز .. شكلي الا بشل قشي وبي بيتكم اصيف فراشه ود لووووولز ..

يالله الله يستر .. إن شاء الله مافي اضرار بشريه

**خيال الروح** · 29-06-06 ||, 02:39 AM

هيــه حسـينا بالهزه ,,
انا واخوي كنـا يالسـين ,, وفـجائه حسـينا بالهزه ,,
بس كـانت خفـيفـه

والله يحفظ بـلادنـا من كـل شر ,,

:

**حبوبه دبي** · 29-06-06 ||, 02:58 AM

ونحن بعد حسينـا فيهـا

:no0:

الله يحفظنــا يـارب ويحفظكم

**العيناويه** · 29-06-06 ||, 05:01 AM

الله يعينكم والله ,,,
والله يبعد الجميع عن اي مكروه ان شاء الله ,,

السمووووووووووحه
عيناويوووو طويلة العمر

**ريم العين** · 29-06-06 ||, 08:56 AM

هههههههههههههههههه انا كنت راقدة بسابع نومه

قمت الصبح اسمع اختيا تقولي استوت هزه وانتي راقده هههههههههههه

والله حرام خلاص اليوم ما برقد بتريا الهزه ^_^

**ألم ترى** · 29-06-06 ||, 08:58 AM

بسم الله الرحمن الرحيم ..

صح كانت هناك هزه بسيطه عدنا ف رأس الخيمة وكانت خفيفه ! ..

الله المستعان ..

اعتقد بأن الموضوع مكانه المناسب الواحة المفتوحة او السياسية كونه خبر لا فضفضه ..

بحفظ الرحمن ..

**الملهم** · 29-06-06 ||, 12:33 PM

اخوي حس فيها في الشارجة ..
كان يطالع فلم في mbc2 عن الشيطان .. وعقب حس الغنفه تهتز ..
زاغ قال يمكن الشيطان يا يبا يطالع الفلم وياه ^__^ ..

انا كنت في صحارى وما حسيت بالهزة .. بس شفت ناس طالعين من البيت خصوصا الهنود ..

شكرا على الموضوع ^__^