¤ô¤ أم عــمــر ¤ô¤
يمرني طيف بـ كل ليله .. يسليني ويسهرني
قلبي يعرفه .. هذا طيفك .. والله طيفك اللي أشوفه
هيه نعم شفت طيفك واه منه كم يجيني في الليالي وفي الثواني
كل لحظة وكل دقيقه انت معايه
ان كان خيالك أو كان صوتك او تكون نظره محبه من عيونك
ارتجيها بـ كل لحظة من حياتي
وافتديك بكل قطره من دموعي اذرفت تبكي عليك
تسألني عن ايامك .. وسهراتك
!وكلمه حب من شفاتك .. وينه عمر .. وينه عمر؟
أعيشها لحظة ودقيقه ..
وانسى عمري اللي غدى وحده حزين ..
يذكرك بكل يومه بين صبره والهجر
...*...*...*...
هلا بـ نور السما .. هلا بك يا دفا هـ الكون
هلا بـ قلبي هلا بـ روحي .. هلا بـ اللي فداه العمر
هلا بـ طيفك على دروبي ..
هلا به في براد الليل وفي الاماسي وفي عيوني وفي المرايا والصور
يهل صوتك على سمعي وبـ وعودك يذكرني
واصيح الوعد اللي جمعنا بـ القلوب وبـ الفكر
تجيني بعد غيباتك .. تجيني مغير الكلمات وناسي وعدك والقسم
تذبحني بـ كلماتك واطباعك وضحكاتك
تقول انك معرس يديد .. بعد ما كملت .. يوم وشهر
وبعد اللي كان وكان .. تفاجأني بـ بسماتك
تقول توج يا .... صغيره
والعمر يعله سعيد في دروبج وفي الخفايا طول الدهر
يتعالى صدى الدمعات .. وتاليها ألم ونات
تزيد وتقول ..
لا تصيحي .. لا تصيحي وعد عشناه في ليالي ساهره ويا القمر
يا عسى يرزقج ربي بـ النصيب
وبـ اللي فيه الخير أكثر عن عمر
وتنمحي قصة هوانا بحب يديد على قلبج ..
وتموت بعده كل ذكرى اجمعتنا وكل أثر
يا ربي شـ اللي اسمعه ؟!
شـ اللي يا ربي أسمعه ؟!
لا تقول .. ولا تكمل .. ما ابي اسمع أي زياده يا عمر
الوعد يبقى وعد لو تغيب بـ اي ظرف حتى لو كان السفر
دومي أذكر سهراتي وأحلامي معاك .. والوعود اللي سرت
أبد ما انسى وعد قلبي .. واذكره .. هذا عمر ، هذا عمر
وعدي لك .. مهما عشت أو حييت ما أحل لاحد غيرك يا عمر
أنا لك طول عمري .. وانت فدوه للنظر
وبعد حبي وكل دموعي والوعد .. رحت لـ غيري وصرت لها
وانا اللي ما رجيت في حياتي الا انت والسهر
كنت اسهر واتامل ملمحك في عيوني وناظري
وكل منايه .. أبقى معك للنهايه .. بين نبضك والصدر
أدري انه عمري صغير .. وانت الوحيد اللي احبك
وبـ احيى احبك لين أكبر .. ويزيد فيني شيب الشعر
ولو طلبني .. لو طلبني شخص ثاني ابقى حلاله طول العمر
ولو هداني عمره وحياته وراس ماله بـ اغلى مهر
ولو كتب لي كل المباني والاراضي والمدن
ولو جمع لي من الجواهر والقلايد والدرر
ولو منحني طيب قلبه وطيب أمه وكل اهله
والله ما احل بـ شرع ربي لـ غير قلبك
ولو سكّني في بيت كامل .. لا ولا حتى قصر
كيف تتمنى ألاقي قلب ثاني ؟!
كيف تتمنى ألاقي قلب ثاني في غيابك ؟!
وانا قلبي ما يعرف الا قلبك
وانت تدري انه انتَ عمري ودنيتي والسحايب والمطر
والله .. والله .. والله ما بـ انساك ترى كل العمر يفداك
لو تغيب عني سنة أو تغيب امية شهر
انام واسمع كلماتك واصحى على همساتك
تاخذني معاها بعيد وتغيب .. تغيب عني وترد تمر
يا عمر .. تذكر يا عمر
علمتني ان الحياة شوق وفرح في وصالك
ودمعه تروي الاحباب وطير وفراشات وزهر
ولو اجبروني على غيرك ابقى .. حله وحلاله
رجيت الناس ينادوني .. ينادوني بـ اغلى ذكر
ينادوني .. أم عمر
رد مع اقتباس
مواقع النشر (المفضلة)