السلام عليكم..
السفر .. همممممممم
في نظري
يوم الشخص يسير مكان لازم يفتح راسه شوي *ولاتفهمونها غلط* قصدي من هالشي .. انه لازم يستكشف اشيا عن البلاد الى بيسيرلها .. مثلا .. اذا يكون مسافر الصين لازم يعرف انه يوم يشرب الشوربه لازم يسوي صوت واذا ماسووا صوت يوم يشرب الشوربه كأنك تهيينهم .. ولا مثلا يوم يسير تايلاند ويجوف الmonks لازم يحترمهم .. صح هالشخص مب مسلم ولا من هل بلاده .. لكن لازم يحترم ديانة هل البلاد ويحترم قوانينها .. مثلا .. اذا هالمونك دش اللفت وياك تأكد انه هو واقف جدام وانت واقف ورا وراسك مايكون اعلى من راسه *ترا اذا ماسويتو هالشي عادي يسجنونكم:harhar1: *
لازم يعرف كيف يتعامل مع اهل البلاد وشو الشي الى يفرحهم وشو الشي الى يزعلهم... مثلا هني في الامارات نزعل يوم نجوف وحده لابسه بكيني وتمشي في الشوارع .. وعيب لو الريال يسلم عالحرمه ويبوسها *لانه للعلم في الغرب الريال يوم يسلم على الحرمه يبوسها عخدها ويوم يسلم عالريال يكون باليد*
بس طبعا .. اذا شي هم يسونه مخالف للدين .. خذو خطوه لوراا
اذا حد عطالك لستته الخمور .. لاتعصب وتتحتشر وتشتكي .. بس قول لا مشكور
اذا انتي بنت وريال بغى يسلم عليج بايده .. حطي ايدج ورا ظهرج!
عن ناحية الاكل .. في نظري اهم الجمل الى لازم تعرفها بلغة الدوله الى بتسافرلها من بعد السلام عليكم ومع السلامه وشكرا ولوسمحت هم اسامي اللحوم الغريبه الى ممنوع ناكلها نفس الخنزير *لازم تعرف هذا في كل مكان* ولا الجلاب والصراصير *حق اليابان* ولا الضفدع *حق فرنسا*
من ناحية اللبس .. بصراحه انا مالبس عباة يوم اسافر .. لبسي يوم اسافر يكون بنطلون وقميص*على قولة لماح على شكل بنجابي* ولا قميص عادي وفوقه نفس كووت .. بعدين سكارف.. بنطلون .. جوتي رياضة .. وشنطه عوده تقولون شنطة مدرسة فيها الكيمرة واشيا ثانيه
ماجوف انه في شي يوم البنت ماتلبس عباتها يوم تسافر .. مب مسألة انها مخالفه للدين ولا العادات والتقاليد ولا شي جي .. بس بصراحه ساعات صعب تلبسون العباة .. مثلا .. برمس عن نفسي وعايلتي .. نحن يوم نسافر كله نمشي ونمشي ونمشي .. كله اكشن في سفرتنا .. يا نركب فيل .. ولا ابويه في لندن يمشينا من قصر الملكه لين الهايد بارك لين الlondon eye عقب يردنا الهايد بارك يغدينا عقب يردنا الشقه!!!! ولا في امريكا يودينا حدايق نركب الرولركوستر .. مستحيل يركبونا بالعباه لانه بيدش في اللعبه وبنموت! ولا في فرنسا يركبنا عالسياكل .. هيه سياكل
كيف تتوقعوني البس عباه بكل صدق وصراحه؟؟ الحمدالله مب لابسه شي راص ولا مطلعه شعري للعالم ولا شي .. ف شو الغلط؟؟
انا اجوف الغلط يي يوم البنت صدق تتخلف وتنجلب 180 وتعق عباتها وشيلتها وتلبس كل شي مرصص وطول اليل يالسه في اللوبي فالفندق >_<
همممممممم
وبعد عندي شي ثاني
لازم الناس يوم يسافرون يحترمون نفسهم .. مب بس في البلاد نفسها حتى في الطياره .. يعني كم مره جايفه اشيا بايخه يوم انا مسافره عالطياره .. ساعات ناس مب جايفه خير تركب الطياره وحشره وتقدر انه في ناس يبون يرقدون ولا ناس عندهم بزنس.. وعع اكره الناس الحشره عالطياره ابدا ابدا ماتحملهم .. يعني الشخص الى يكون حشره والسكشن كله يقدر يسمعه صدق يكوون حشره لانه عشان ترمس الشخص الى عدالك وعشان يسمعك لازم ترمس بصوت عالي وهالله هالله يسمعك .. عيل لو السكشن كله شو يسمعك كيف يكون .. ولا مره يوم كنت مسافره وي امي واحد شيبه توه معرس وماخذ وحده بدويه صغيييره ولا يغازلها بصوت عالي عشان كلحد يسمعه ولايفوتكم طلب خمر!!!o_O استغفرالله
وفي شي يستوي هني في البلاد وبعد يسونه يوم يسافرون وهي عاده وايدين يسونها ومادانيهااااااااا .. يدززوووزن .. مثلا لو في طابور مستحيل يتريون يمشون لين البدايه ويفرون قشارهم جدام .. يمكن هني في البلاد مابيقولولهم شي بس برع البلاد يااااااويلهم:harhar1:
وايد رمست . .. احس اني طلعت من الموضوع شويه
المهم
مشكور عالموضوع
والسموحه
رد مع اقتباس
مواقع النشر (المفضلة)