^^ للسفر نظره^^

[لمّــاح]

الــسلام عليكم ..

قــلوب دبـي .. المعلومة وصلت !!

انا شخصيــاً اعتبر عمري سفير لدولة الإمارات في أي بلد ثاني .. و الحمدلله ان معظم أهل الإمارات من هالنوعيه ( تعقيبا على العضوة الثالثه ) الجميع و أنا شخصياَ لاحظت هالشي في الكثير من الدول، يسألني الريال من وين الأخ ؟؟ اقوله من الإمارات .. اسميه يستانس !! و دائما يطرولي أسامي بعض الدول الخليجية للأسف و عن تصرفات مواطنيها في بلدانهم ..

تعقيباً على كلامك بخصوص الحرية .. مفهوم الحرية بشكل عام هو ان الانسان لديه الحرية الكاملة في التحكم بما هو حلال و مباح و بشرط ان هذا التحكم مايتعدا حريات الآخرين ..

اما بالنسبة للشباب بنوعيهم خــارج وداخــل الدولة فهناك فــرق كبير فداخل الدولة يحــاول التقيد
بالعادات وذلك للظهور امام الناس باحسن صورة .. اما في الخارج فاغلبهم العكس , يظهر بكامل
حريته اما في اللبس والاسلوب والتعامل

بخصوص الملابس انا شحصياً ما اشوف هالشي غلط لو الشاب بالذات لبس بنطلون بدال الكندوره في الدول الثانيه و في كلا الحالتين الريال هذا ساتر لعورته وماسوا شي غلط من الناحية الدينية .. لكن الكلام و النقد لازم نوجهه للحريم :nono: أسميهن بعض الحريم و البنات برع البلاد الي اتعق الشيله و العباه و و و .. احيد في الطيارة اول مايدشن الطيارة بعبيهن و شيلهن، في نص الرحلة قامن و عقن شيلهن و عبيهن و حدث ولا حرج على الي لابسينه تحت و هالكلام مش بس في الدول الاوروبيه حتى الدول العربية مثل لبنان سير و شوف كيف:puppyeyes: !!
الي صدق يعيبني هن هالبنات الي يتمن بعبيهن داخل و برع البلاد .. و اذا كثرو مثلا بدون عباه لكن يلبسون شيله و لبس ساتر و وسيع (( في شي دوم اشوفه، مثلا يلبسن جنز لكن القميص مايكون قميص عادي، مثل البنجابي لين تحت الركبه :puppyeyes: )) .. بس تبا الصدق ؟؟ مافي احلى عن العيايز .. اتيك العيوز سامته ابّرقعها و عباتها :qor9anah:

و في النهاية .. حبيت اختصر و ألخص موضوعك بجملة وحده الا وهي "إحفظ الله يحفظك" ..

قلوب دبي .. دمت بود

[هزاايم]

كل عمل نقوم به له حدود
يعني الصرااحه انا استااانس يوم اشووف الحريم يلبسن برااقعهم في السفر لكن مش حلوه يوم شباب بعض البلداان ويمكن من بلادنا يلبسوون الدشاديش أو الكنادير وقاصدين بها شوفونا حنا من هذي الدووله ويا الله تعاال وتحمل رمستهم والسمووحه سخاافتهم...

لكن ماتعجبنيه حركاات بعض العرب يوم يتيمعوون ويحشروون اهل الدوله إلي قاصدينها شرااات آربيلا و وش إلي يصير بها...

مااقول غير الكل لازم يحترم نفسه ويقدر نسبه لدولته..ويذكر ربه في كل المواقف..شرات هزاايم الخواافه بلندن أخاف من الخواال إلي مسوين عمارهم قوم واتس زااب كل مااشوفهم اقول بخاطريه وجعلنا من بين ايديهم سدا ومن خلفهم سدا فأغشينااهم فهم لا يبصروون..ربي يحفظ الجميييع يارب


تسلم شيخي عالنصاايح الغاويه وعجبتنيه طريقه توضيح كل من الحقيبه والجواز والتذكره
سلمت ولاهنت وعساااك أزود