<font color='#000000'>انا واحد من الشباب يعني اعرف سوالفهم اكثر اللوم على الشباب لان كل شاب لازم يوعد البنت بالزواج عسب يمتلكها ويخليها خاتم بايده

وهو من لاول حاط في باله انه مابياخذها بس بيلعب عقب يدور على غيرها عسب يلعب عليها البنت انلومها في طلعتها مافكرت قبل ماتطلع شو ممكن يصير

واذا هالشي صار شو بتكون النتيجه(دمرت حياتها)عاد الشباب ماشاءالله عليهم يقولون الحش في الناس من طبع الحريم لا هالشي غلط هذا من طبع الشباب

يجيك واحد فلان تعرف فلانه اخت فلان انا اتعرفت عليها وظهرت وياي بس اترييى شوي علي بسوي اللي اباه خلها شوي تثق فيني تدري مب من الطلعه الاولى او الثانيه ...الخ

وعاد الشباب يتفاخرون بالبنات هذا يقول انا عندي اكثر من عشر بنات ويموتن فيني والثاني بس انا عندي في كل بطاقه عشر بنات(هو عنده اربع بطايق اقصد رقم)

ومسكينه البنت حبيبي يحبني وتيلس في الغرفة تحلم ان بو شباب ياي يخطبها وهي لابسه الطرحة ......مااقول الا (كما تدين تدان)الله استر على عبادك

الله يهدي الشباب والبنات واسمحولي على الاطاله</font>