يحبني تزوج غيري

**سماريه** · 14-09-03 ||, 10:30 AM

السلام عليكم ورحمه الله وبركاته..اشحالكم شبيبه
اول شي انتي سالتي هل العلاقه اللي بين فلان وفلانه صح؟.. طبعا وبدون مناقشه مب صح..علاقه مب مضمونه
اما عن نهايتها فهي متوقعه ومعروفه..شو تبى من الريال اللي خذ منها اللي يباه..هل تتوقع انه ياخذها..طبعا لا..والمفروض هي ماتصدقه
اشلها بعوار الراس..هو جي ولا جي بياخذ واحده ماتعرف عليها قبل..واقرب الناس له لانه يعرفها عدل مالها علاقات مع شباب
صح الشباب يقصون على البنات ويلعبون عليهم..وصح ان البنات الخبال يصدقن..بس آخرتها ودر اللي عرفها وخذ اللي ماعرفها واللي بالاحرى مالها علاقات <img src="http://oasis.bindubai.com/emoticons/wink.gif" border=0>
((لكل قلب اذا ماحب اسرار..ولكل حب لغير الله ينهار)) يعني اكيد هالعلاقه وهالحب ماكانت حب في الله..شو تتوقعين يستوي..اطول العلاقه مثلا..او اتعمر؟
لا طبعا..لانها في الاساس ماقامت على حب في الله وعلى نيه في الزواج..يعني الريال اول ماشافها ومن اول مكالمه او من اول ماعرفها ماقال والله انا نيتي طيبه
وبخطبج الحين..الريال خذ راحته ويوم شبع منها ودرها.. <img src="http://oasis.bindubai.com/emoticons/rock.gif" border=0>
وهي بدورها الحين تستغفر ربها..وتعترف بغلطتها واتحاول تنسى اللي صار..و تعزم النيه انها ماترد لمثل هالعلاقات
بس ماقول غير الله يستر علينا..ويرحمنا ويغفر لنا..
والسموحه <img src="http://oasis.bindubai.com/emoticons/down.gif" border=0>

**شجن الروح** · 13-09-03 ||, 09:43 AM

مونامور .. معاج حق

روميو بوظبي .. الله يسمع منك

**شجن الروح** · 13-09-03 ||, 09:37 AM

أحلى بنوته .. الله يستر علينا وعليهم

**بن دبي** · 13-09-03 ||, 01:23 AM

إحم إحم..........

شوفوا يمكن ردي غريب ......

بس كل واحد له رايه وهذا رايي....

أصلن البنات(مش الكل) غبيات وهبلات اللي يصدقن هالكذب....

قال شو قال البنات أحسايس ومشاعر........

بلا مشاعر بلا بطيخ........

كل وحده تحط عقلها براسها........

وتترك عواطفها ومشاعرها......

وتكون قويه.......

وأنا دايما أقول.....

إذا في يوم من الأيام قلبي بيكون سبب تعاستي......

مستعدة إني أنتزعه من جذوره وأدوس عليه وأكمل طريقي....

تحياتي........ز

**شجن الروح** · 15-09-03 ||, 02:44 PM

تسلم اخوي طارق ع المرور

.. صدقت .. كما تدين تدان .. الله يستر

**شجن الروح** · 15-09-03 ||, 03:47 PM

هلا سماريه .. ردج مب غريب ولا شي .. معاج حق فإلي اتقووولينه .. وأنا أأيدج

**شجن الروح** · 10-09-03 ||, 03:56 PM

ولد الحكومة

أول شي أنا بنت .. وثاني شي تسلم على مرورك

**شجن الروح** · 10-09-03 ||, 03:57 PM

حمد بن مالك .. شكرا على متابعتك وتسلم

**شجن الروح** · 10-09-03 ||, 03:54 PM

أم سعرور .. مشكورة على مرورج

وما في حد يتعظ

**شجن الروح** · 10-09-03 ||, 03:53 PM

النجم الساطع

صدقت والغلط ابرايي من الطرفين

**شجن الروح** · 13-08-03 ||, 03:35 PM

افلانه اتفضفض واتقوووول ... <img src="http://oasis.bindubai.com/emoticons/wow.gif" border="0" valign="absmiddle" alt=':O'>

تعرفت عليه ع البحر كنت امشي وهو يجري .. اووونه رياضي وأوووني أبيي اخف متنانه من يلسه البيت ..

رقمني افلان وكنت فالبدايه مستحيه آخذ الرقم .. لكن عقب قلت بلعب اشوي ملانه وما شي شغله خلصت المدرسه وانا قاعده في البيت .. المهم تكلمنا ليله وليلتين وثلاثه تواعدنا ع البحر وثم في الحديقه وبعدين بالفندق .. إلخ

وقالي إنه يحبني وأنا كل شي افحياته وإنه مستحيل يعيش من دوني وانا الهبله صدقت <img src="http://oasis.bindubai.com/emoticons/love.gif" border="0" valign="absmiddle" alt=':lo:'>

ويوم يه وقت الجد قلتله حبيبي متى بتخطبني .. قام يتهرب من السؤال يقووول إن شاء الله بس اتريا اخبر اهلي .. ومرت الشهور ..

وياني يوم يقول حبيبتي انا بعرس باخذ بنت عمي .. وقلتله وين كلامك لي وين حبك ..

رد عليه قال انا احبج وبظل احبج بس ما اضمن اخذج .. اليوم طلعتي وياي .. باجر بتطلعين ويا عشره غيري .. وعاشت افلانه في حيره وقلق وخوف وحزن

أخواني أخواتي ..

هل تعتقدون علاقه افلانه بفلان صح؟

هل النهايه كانت متوقعه ..؟

للأسف في كثير من الناس ليس لديهم الوازع الديني .. وللأسف إن الكثيرين قاموا يتبعون عواطفهم .. وما يحكمون اعقولهم .. للأسف

أنا ما اقول ان الحب حرام بالعكس كل شخص ممكن يحب .. لكن هالحب لازم ما يتطور لعلاقه حب زائفه بل يجب ان الحب هذا يتطور إلى علاقه زواج

أحبه يحبني صح لكن ما اتكلم معاه واسولف انصاف الليالي واطلع معاه .. وانسى رقابه رب العالمين

والسموحه منكم

فضفضه عن افلااااااااااانه وفضفضناها

**منصوري الدوله** · 13-08-03 ||, 09:09 PM

الله يستـــر علينــا وعليهـــاااا ...

اعتقد ان اسمى انواع الحب ذاك الذي يكون بالسر ؛ فلا يشيع بين الناس ان فلانه تحب فلان ؛ ولا يعلم احد بهذا الحب سوى الاثنين ؛ فلتعلم فلانـه انها غلطـانـه منذ لحظة استلامها للرقم وليعلـم فلان ان وعد الله قريــب وان الله سينتقم منه شـر انتقام ؛ ولنعلم جميـعـا ان الذي نراه في افلامنا العربيه والغربيه مجرد كلام وهم بالحقيقه يبيعون لنا الوهـم ؛ اما عن النهايه فوالله كنت متوقعنها من يبتي سالفة الترقيـم ..

فضفضه مولمه بصراحـه ..

**شموخ** · 13-08-03 ||, 10:15 PM

هلا اخوي
ومشكور على الموضوع
انا من وجهة نظري ان الفراغ هو اكبرعامل
وقلة رقابة الاهالي والوازع الديني
الحب شي جميل بس للاسف انه معانا في هالدنيا
مازالت ذئاب بشريه موجوده
الحب الصافي نادر بس موجود لانه فهالدنيا في الشين وفي الزين
اتمنى ان الجميع يعيشوا فسلام

أختــــــــك
وفيـــــــت <img src="http://oasis.bindubai.com/emoticons/whoohoo.gif" border="0" valign="absmiddle" alt=':who:'>

**شجن الروح** · 16-08-03 ||, 10:41 AM

منصوري الدوله تسلم اخوي على مرورك .. وفعلا إلي انشوفه هالأيام مؤلم .. علاقات زائفه في كل مكان .. الله يحفظ بناتنا وشبابنا ويهديهم إن شاء الله ويهدينا جميعاً

**شجن الروح** · 17-08-03 ||, 03:49 PM

هلا أختي وفيت .. مشكورة على مرورج ومشاركتج
بس ملاحظه .. انا بنوته مب ولد
بس أنا اشوف ان السبب مب بس من الذئاب البشريه .. احيانا البنات هم يكون سبب في دمار الشباب

آخـــر الــمــواضــيــع

الموضوع: يحبني تزوج غيري

أدوات الموضوع

عرض

Hybrid View

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة