...سوالف الحجيه...

[تنينه]

الــــسلام علــيكم والرحــمه :ttmasha:

أول شــي ,, ربـــي يحفظك لـــكم الحـجـيه ويطول بعمرها ويعطيها الصحه والعافيه يا رب

دوم النــاس الكـبار بــركة الـبـيـت ,, ســوالف حـجيتكم الله يخليها لــكم ذكــرتني بـيدوتي الله يحـفظهـا ,, أنـا يــدتي أللي هـي أم الوالد ما تتصورين شــكثر متعلقه فــيها وأحبها واايد :kcl: ,, واااايد استااانـس يوم اسولـف وياها ولـو أنها ساعات أتحط عـلي اتقطعني بـس فديتها حـتى قرضها أتييبه بأسلوب حـلو ومـرح brgll: ,, وعــن سالفة الشـــعرالطـويل الظـاهر كـل الحريم الكـبار رايـهم مـشترك وواحد :negab: ,, ســـاعات سوالف اقول حق يدووه خلااص بقص شــعري خااطري أقصه اتقولي اجوفج أتقصينه تبــين تتشبهين في الأولاد شـو بيقولون عنج الناس والحريم يوم بتـقصـين شـعرج هااا وبعدين الشــعرالطويـل يعطي البنت هـيبه و يكون سـتر لها يوم القيامـه ,, وحـلاتها البنت بـاجر يوم في عرسها وطـاسة الذهب على راسها والذهب نازل على شـعرها الطويل brgll: ,, أحــــيد يوم حطـيت لي تـقويم أول مـره يوم جافتني قالت لي شوو هااا شو مسويه في ضرووسج لووووول ,, كيف هـاجه حـاطه حديد على ضرووسج وضرووسج ما كان فيهن شي ليش حاطه هالحديـد ,, أقولـها لاا يدووه فدييتج كشخه التقويم لوول يعني عذر مقنع brgll: ,, عــاد أولة الأيام ما كنت أقدر آكل شـي وضروسي كانت اتعورني اتقولي باجر اتسيرين عـند هالدختور التعباان أللي قـص عليج وحـط حديد في ضرووسج وأتشلينهم ما أترومين تأكــلين شي شـو هالمنكر بعد لووول ,, بـس عقـب عـادي اتعودت عالوضع لوول ,,

واااايد اســتانس على سوالفها الـجديمه أيام قبل ما شااءالله عليها ذاكرتها قـويه يعني تتذكر المواقف بالتفااصيل ,, ذااك اليوم أتقولي تنيييينه شوو هااا :nono: اقولها شوو فيي:puppyeyes: اتقولي لـيش هـاجه ضـفورج وايدينج بييـض ,, شرات ضفور الصبيان brgll: أقولها برايه يدووه ما فيها شـي اتقولي عـيب جـي ضفورج بيضا وين الحنا ييبي الحـنا أنا بحنيج لوول اقولها يدووه كيف بتحنين شرى العييااييز ما ابى :shock: أتقولي جـربي وباجر البنيات في الجامعه كلهن بيعيبهن بـعد ,, عيبتني السالفه أنا قـلت اوكيك بنجرب ,, أيــد حتنتي سوت لي قـصه بصبوعها طبعا مب بالمعصار لوول والأيد الثانيه نقـش عجيب غريب شرات البطه ظـهر لي لووول ,, اليوم الثاني سايره الجامعه البنات كلهم تنيينه شو مسويه في أيدينج ,, أقولهن هـاي آخر موضه في عالم الحنا ,, هــاي يـدوتي محنتني فديتها ههههه ,, ضحك والله ذاك اليومbrgll: ,, أحـــيد مـره جافت أخوي كان لابس برمودا وتهزبه:hist: ,, لــيش جـي لابس بنطلون قصير عصاقيلك طالعه لوووول ,, سير سير بـدل ألبس لك بنطلون طووويل ولا كندووره عييب جـي تظهر للناس ويجوفون رويلاتك :nono: ,, حليله أخوي راح بدله عـرف اذا ما بـدله بتم يدوه أتحط عـليه لوول brgll: ,,

ألــحين يدووه في بــيت عــمي صـدق البيت ملل بدونها وأنا اقول لييش الأجازه هاي ملل ,,

سووااالف وعلووم الحريم الكـبار والله:gof: ,, الله يخليهم ويطول بعمرهم يـارب :kcl:

تسلمين حبووووبه ع الموضوع

تنينه حفيدة يدوه:ice:

[هزاايم]

..................