مقهوووووووووور

[مايهزك ريح]

بصراحة مصخرة انا عندي بكالوريوس حاسب ألي .. :kkk:
وكملت خمس سنوات اشتغل في قسم الكمبيوتر .. brgll:
اتوقعوا الصدمة .. لازم ناخذ امتحان اجباري واللي هو الرخصة الدوليه للحاسب :puppyeyes: :no0: :nono:
احس اني مقهور .. يعني الشهاده اللي عندي مب ماليه عينهم .. المفروض انه يستثنون اللي تخصصهم IT ..
هذا الإمتحان ينفع للي ما يعرف شو يعني كمبيوتر .. مب نحنا اللي لاعت جبونا منه

سمحولي بس مقهور من هاي السالفه قلت خلني افضفض ولا بنفجر .. :narr:
واللي يقهر ازيد انه حاطين اوقات الإمتحانات وقت اجازتي وانا اصلا بسافر .. :harhar1:

[نويّر]

السلام عليكم

اخويه ما يهــزك ريــح

ابصــراحة من أكثر الأمور اللي ضحكتني هالقــرار اللي يشمل حتى اللي وياهم شهادة
الحاسب الآلي.
يوم كنت أخذ Icdl كانت ويانا طالبة من الطالبات مقهورة جيه شراتك جان ابنية تسألها بلاج جيه
كل ما اتيين الكلاس تتحرطمين جان اتقولها ياتني وظيفة في بنك واونه مدير البنك قال لازم تاخذين شهادة Icdl وهي معاها شهادة كميبوتر جان اتقوله ما احتايها لانه نقطة من بحر في اللي درسته خمس سنين جان ايقولها تبين الوظيفة لازم تاخذيها واطرت الحبيبة تاخذها ويانا

والله حرام

الله يعينك بس هالدنيا لازم الواحد يتعب فينا عشان يلاقي حقه

بس ما عليه لاتحط بخاطرك وايد بتعدي ان شالله

نويّـــر

[هزاايم]

:puppyeyes: من صدقهم ..بعد خمس سنواات ويريدوون الشهااده:nono:

[ولد الحكومة]

السلام عليكم

من حقك اخوي نتقهر .. لانه هذا مستقبلك :smartass: 3
.
.
.
.. هاي المشكلة ما يعيبهم شيء ... لازم يبون الواحد يتعقد :narr: !!!
.
.
.
يعني خمس سنوات راحت بلاش ؟؟ حرااام والله
.
.
.
والله ما اقوووول غير الله يعينك والواحد يرضى بكل شيء من اجل مستقبلة :no0:

والسموووحه اخويه

[مايهزك ريح]

اشكر كل من رد على .. اختي نوير .. واختي هزايم .. واخوي قايد الريم ..

يعني نحنا نشتغل على Oracle ,sybase, SQL server وغيره وغيره من البرامج ..
يا عالم يا هوه مبرمج صار لي خمس اسنين .. :smartass:
يقولون لي سير امتحن امتحان حاطينه حق واحد بغام ما يعرف كوعه من بوعه في الكمبيوتر .. :narr:
لاحول ولا قوة إلا بالله ..
لا وعطوني الكتب وانا جيه :nono: :puppyeyes:
اول كتاب يقولك كيف تفتح الكمبيوتر وكيف ادخل الباسوورد .. :hist:

[تحفه]

اول كتاب يقولك كيف تفتح الكمبيوتر وكيف ادخل الباسوورد .. :hist:

ههههههههههه .. اسمحلي انفجرت من الضحك يوم وصلت لهالجمله .. brgll:

يحليلكم والله ما تسوى عليكم هالخمس سنين تشقحون وتنطحون في هالجامعه وبالذات في هالمجال واخر شي ينقال لكم جيه ..

انا اقترح تتصلون في البث المباشر تشتكون .. لأن الصراحه القانون صار تافه يوم وصل لهالمرحله

والله يعينكم

[لمّــاح]

مايهزك ريح .. رايي من راي الاخت بوظبي اتصلوا بالبث المباشر و أخص بالذكر الاخ جابر عبيد من استوديو واحد ( 97.1 ) ..

[مايهزك ريح]

اختي بوظبي ..
انا اداوم في مؤسسة حكوميه من خمس سنوات ..من غير البكالوريوس اربع سنوات ..
يعني كله على بعض تسع سنين عشرة عمر مع الكمبيوتر ..

ويقولون لي سير خذ دورة ..


مرحبا اخويه لماح .. اشتكينا في الدوام .. قالولنا ..والله هذا أمر من الشيخ محمد بن راشد ..تبون ما تبون لازم تاخذون الشهاده

[تحفه]

والنعم محد قال شيء يوم إنّه ياي من الشيخ محمد بن راشد .. بس لا تنسون ان الشيخ محمد بن راشد طبقاه لكل الدوائر و المؤسسات الحكوميه لكل الموظفين بدون استثناء لكن نسوكم من الحسبه " على كيفي أقرر نسوكم ولا مانسوكم لول" ..
بس صدق اعتقد لو اتصلتو و ذكرتوهم بهالنقطه بيعفونكم من الدوره .. وما اعتقد ان اذا احتجيتو على هالنقطه في البث المباشر بيعتبر إهانه او إظهار عدم إهتمام ..

لأن حجتكم عقلانيه .. ومالهم اي سبب يخليهم ما يعفونكم من الدوره .. إلا اذا كان الشيخ محمد بن راشد يبي شهادة هالدوره تكون عند كل موظف عشان مصلحته ! ..

بس انتوا ما تحتايونها .. لأنكم بشهادتكم البكرليوس تعتبرون خبراء مُلمين بسوالف الكمبيوتر مب إلا مؤهلين لستخدام هالتقنيات

يله صفيت لك كمن كلمه .. زيد عليهن وروح باجر غرّد في البث المباشر .............. بنترياك هيهيهي

[قرموشة]

السالفه تقهــر وتـضحك هههههههههه ..
لا تـعليق .. مثل ما قالت بوظـبي .. بنترياكـ عـ البث المباشـر يؤيؤيؤ

[الحاضر الغايب]

السلام عليكم ...

انا الصراحه اشوف الموضوع عادي .. ولازم تاخذ الشهادة هذه حتى لو كنت 10 سنوات تشتغل في مجال الكمبيوتر وعندك شهادة بكالريوس في البرمجه ...


شهادة ICDL ما ادري كل كم من سنة تتجدد ... يعني الحين اذا انا عندي شهادة ICDL من سنة 1995 وساير ابا اقدم على وظيفة .. اكيد وبدون مناقشة بيقولي رد خذ الشهادة مرة ثانية ...

لانه طافت على الشهادة 11 سنة والمعلومات اللي امتحنت عليها قبل 11 سنة اكيد غير عن الحينه ...

هذه من ناحية ...

ومن ناحية ثانية ... المفروض اصلا ما تزعل ... لان هذا يعتبر تجديد للمعلومات اللي عندك ... وراح تخليك Up to Date مع آخر التطوارت الحاصلة في هالموضوع ... انا ما انكر خبرتك في مجال الكمبيوتر ... بس في نفس الوقت ما تقدر تضمن لي انك بتقدر تييب في كل الامتحانات مالت الـ ICDL 100 وانت ما مذاكر شي ... فالمذاكرة تعيد لك المعلومات وتسويلك جي رفريشمينت

يعني الموضوع بيكون حقك سهل جداً ولغيرك بيكون صعب ... فالموضوع طبيعي يعني

واذا انت مقهوور لدرجة انك ما تقدر تدرس وحاس نفسك بتنجح على طول ... سير قدم في المعهد على الامتحان بس امتحن واطلع ... وعطهم الشهادة ...

فهمت علي كيف brgll:

والسموحه بش مهندس :smartass:

[شوق القلوب]

الســـلام عليـــكم..

والله حــــــــــــــاسه فيـــك يا ما يهزك ريح..

صح اني ما اشتغلت.. بس عندي عندي شهادة هندسة الكمبيوتر... يعني كنت اقولهم اول ما قدمت اوراقي للشغل.. اقولهم انا مهندسه و اتقولولي ييبي شهاده الـ ICDL !!!!!

بس قلت خل ناخذها دامنا فاضين.. بس تبا الصدق.. استفدت :)

المشكله يا اخوي في المسؤوليـــن.. لانه ICDL صار له شهره كبيره.. يعني جنها موضه..يعني شهاده الجامعه ما يشوفونها.. !!
وهي طبعا بتكون ضروريه لبعض الناس... و الله شفت في المعهد ناس ما يعرفون كيف يشغلون الكمبيوتر !!!

بس تدري.. الشهاده بتفيدك في اشيا صغيره.. صح ما بتفيدك في شغلك بس انت المستفيد

الامتحانات امقسمه لـ Windows , Word , Exel , PowerPoint , Acsses , Internet , وشي بعد ممم جي معلومات عامه..

الوندوز بيكون لك تاااااااافه.. الباجي في اشياء بسيطه بتعرفها.. الانترنت هذا ولا شي.. و اخر امتحان بيكون عن النتورك و هالسوالف..

وما عليك لا تتغصص.. سوي مثلي.. كنت احضر مستمعه.. الناس شاده حيلها و تكتب و انا اتأملهم ..:ice:

وفي شي.. يوم بتاخذ الدوره.. قولهم انا عندي خلفيه سابقه.. يعني مب لازم تدخل تاخذ الدروس بالتفصيل.. وتقدر ع طول اتقدم الامتحان بس قبل.. قولهم ابا اجرب الامتحان كيف.. بعطونك مثل trial يعني تقريبا نفس اسئله الامتحان نفسه.. يعني بيفيدك..

..

لو كنت مستعد.. ترا تقدر اتخلصه كله في اسبوعين و تفتك.. :)

[شمعة أمل]

ليش تنقهر؟ وايد عادي .. هالامتحان مابياخذ شي من وقتك وايد سهل .. واذا ماتروم تسير هالامتحانات لانها في اجازتك روح بعديين .. شي وااايد امتحانات ..

[المزوحي]

مايهزك ريح .. سافر وانته مرتاح .. يمكن تقدر تمتحن وقت ثاني مب شرط اللي هم محددينه لك ..
بالنسبة لي أنا حطينا أسامينا أنا وربعي في الدوام عسب نكون مع بعض .. وكنا ندرس الحصص لكن ماعندنا تدريب عملي لأه البرنامج ماكان متوفر إلا في مستشفى راشد - الدايرة الاقتصادية - و قرية المعرفة .. ورسبت كم من مره لانه طريقة الامتحان غير عن التدريس ..
لكن بما إنك آي تي فإن شاء الله بتنجح من أول مره ... وصح عندك شهادة آي تي لكن هاااي اوامر من حكومة دبي إنه كل الموظفين لازم تكون عندهم هالشهادة . وتسلم .. أقولك ساااافر ..

[قلوب دبي]

هههههههههه
شر البليه ما يضحك ..
الله يعينك شيخي ..
و تبا الصدق اي تي المفروض شرات ما قلت يستثنونهم او انه كورس الرخصه
يعطونكم في الكولجانا دخلت هالدوره و يبت امتياز الامتحانين الاوليين بس ما
كملتها طلعت لاسباب وظيفيه و ضغط العمل ..

ربي يوفقك شيخي و هد اعصابك ^_^
و اشرب لك موكا فرابشينو ^_^