مقهوووووووووور

[مايهزك ريح]

بصراحة مصخرة انا عندي بكالوريوس حاسب ألي .. :kkk:
وكملت خمس سنوات اشتغل في قسم الكمبيوتر .. brgll:
اتوقعوا الصدمة .. لازم ناخذ امتحان اجباري واللي هو الرخصة الدوليه للحاسب :puppyeyes: :no0: :nono:
احس اني مقهور .. يعني الشهاده اللي عندي مب ماليه عينهم .. المفروض انه يستثنون اللي تخصصهم IT ..
هذا الإمتحان ينفع للي ما يعرف شو يعني كمبيوتر .. مب نحنا اللي لاعت جبونا منه

سمحولي بس مقهور من هاي السالفه قلت خلني افضفض ولا بنفجر .. :narr:
واللي يقهر ازيد انه حاطين اوقات الإمتحانات وقت اجازتي وانا اصلا بسافر .. :harhar1:

[نويّر]

السلام عليكم

اخويه ما يهــزك ريــح

ابصــراحة من أكثر الأمور اللي ضحكتني هالقــرار اللي يشمل حتى اللي وياهم شهادة
الحاسب الآلي.
يوم كنت أخذ Icdl كانت ويانا طالبة من الطالبات مقهورة جيه شراتك جان ابنية تسألها بلاج جيه
كل ما اتيين الكلاس تتحرطمين جان اتقولها ياتني وظيفة في بنك واونه مدير البنك قال لازم تاخذين شهادة Icdl وهي معاها شهادة كميبوتر جان اتقوله ما احتايها لانه نقطة من بحر في اللي درسته خمس سنين جان ايقولها تبين الوظيفة لازم تاخذيها واطرت الحبيبة تاخذها ويانا

والله حرام

الله يعينك بس هالدنيا لازم الواحد يتعب فينا عشان يلاقي حقه

بس ما عليه لاتحط بخاطرك وايد بتعدي ان شالله

نويّـــر

[هزاايم]

:puppyeyes: من صدقهم ..بعد خمس سنواات ويريدوون الشهااده:nono:

[ولد الحكومة]

السلام عليكم

من حقك اخوي نتقهر .. لانه هذا مستقبلك :smartass: 3
.
.
.
.. هاي المشكلة ما يعيبهم شيء ... لازم يبون الواحد يتعقد :narr: !!!
.
.
.
يعني خمس سنوات راحت بلاش ؟؟ حرااام والله
.
.
.
والله ما اقوووول غير الله يعينك والواحد يرضى بكل شيء من اجل مستقبلة :no0:

والسموووحه اخويه

[مايهزك ريح]

اشكر كل من رد على .. اختي نوير .. واختي هزايم .. واخوي قايد الريم ..

يعني نحنا نشتغل على Oracle ,sybase, SQL server وغيره وغيره من البرامج ..
يا عالم يا هوه مبرمج صار لي خمس اسنين .. :smartass:
يقولون لي سير امتحن امتحان حاطينه حق واحد بغام ما يعرف كوعه من بوعه في الكمبيوتر .. :narr:
لاحول ولا قوة إلا بالله ..
لا وعطوني الكتب وانا جيه :nono: :puppyeyes:
اول كتاب يقولك كيف تفتح الكمبيوتر وكيف ادخل الباسوورد .. :hist:

[تحفه]

اول كتاب يقولك كيف تفتح الكمبيوتر وكيف ادخل الباسوورد .. :hist:

ههههههههههه .. اسمحلي انفجرت من الضحك يوم وصلت لهالجمله .. brgll:

يحليلكم والله ما تسوى عليكم هالخمس سنين تشقحون وتنطحون في هالجامعه وبالذات في هالمجال واخر شي ينقال لكم جيه ..

انا اقترح تتصلون في البث المباشر تشتكون .. لأن الصراحه القانون صار تافه يوم وصل لهالمرحله

والله يعينكم

[لمّــاح]

مايهزك ريح .. رايي من راي الاخت بوظبي اتصلوا بالبث المباشر و أخص بالذكر الاخ جابر عبيد من استوديو واحد ( 97.1 ) ..

[مايهزك ريح]

اختي بوظبي ..
انا اداوم في مؤسسة حكوميه من خمس سنوات ..من غير البكالوريوس اربع سنوات ..
يعني كله على بعض تسع سنين عشرة عمر مع الكمبيوتر ..

ويقولون لي سير خذ دورة ..


مرحبا اخويه لماح .. اشتكينا في الدوام .. قالولنا ..والله هذا أمر من الشيخ محمد بن راشد ..تبون ما تبون لازم تاخذون الشهاده

[تحفه]

والنعم محد قال شيء يوم إنّه ياي من الشيخ محمد بن راشد .. بس لا تنسون ان الشيخ محمد بن راشد طبقاه لكل الدوائر و المؤسسات الحكوميه لكل الموظفين بدون استثناء لكن نسوكم من الحسبه " على كيفي أقرر نسوكم ولا مانسوكم لول" ..
بس صدق اعتقد لو اتصلتو و ذكرتوهم بهالنقطه بيعفونكم من الدوره .. وما اعتقد ان اذا احتجيتو على هالنقطه في البث المباشر بيعتبر إهانه او إظهار عدم إهتمام ..

لأن حجتكم عقلانيه .. ومالهم اي سبب يخليهم ما يعفونكم من الدوره .. إلا اذا كان الشيخ محمد بن راشد يبي شهادة هالدوره تكون عند كل موظف عشان مصلحته ! ..

بس انتوا ما تحتايونها .. لأنكم بشهادتكم البكرليوس تعتبرون خبراء مُلمين بسوالف الكمبيوتر مب إلا مؤهلين لستخدام هالتقنيات

يله صفيت لك كمن كلمه .. زيد عليهن وروح باجر غرّد في البث المباشر .............. بنترياك هيهيهي

[قرموشة]

السالفه تقهــر وتـضحك هههههههههه ..
لا تـعليق .. مثل ما قالت بوظـبي .. بنترياكـ عـ البث المباشـر يؤيؤيؤ

[شمعة أمل]

ليش تنقهر؟ وايد عادي .. هالامتحان مابياخذ شي من وقتك وايد سهل .. واذا ماتروم تسير هالامتحانات لانها في اجازتك روح بعديين .. شي وااايد امتحانات ..

[المزوحي]

مايهزك ريح .. سافر وانته مرتاح .. يمكن تقدر تمتحن وقت ثاني مب شرط اللي هم محددينه لك ..
بالنسبة لي أنا حطينا أسامينا أنا وربعي في الدوام عسب نكون مع بعض .. وكنا ندرس الحصص لكن ماعندنا تدريب عملي لأه البرنامج ماكان متوفر إلا في مستشفى راشد - الدايرة الاقتصادية - و قرية المعرفة .. ورسبت كم من مره لانه طريقة الامتحان غير عن التدريس ..
لكن بما إنك آي تي فإن شاء الله بتنجح من أول مره ... وصح عندك شهادة آي تي لكن هاااي اوامر من حكومة دبي إنه كل الموظفين لازم تكون عندهم هالشهادة . وتسلم .. أقولك ساااافر ..

[قلوب دبي]

هههههههههه
شر البليه ما يضحك ..
الله يعينك شيخي ..
و تبا الصدق اي تي المفروض شرات ما قلت يستثنونهم او انه كورس الرخصه
يعطونكم في الكولجانا دخلت هالدوره و يبت امتياز الامتحانين الاوليين بس ما
كملتها طلعت لاسباب وظيفيه و ضغط العمل ..

ربي يوفقك شيخي و هد اعصابك ^_^
و اشرب لك موكا فرابشينو ^_^

[مايهزك ريح]

مرحبا اخواني ..وأخواتي .. :mar7aba:

اختي بوظبي.. شكلي مب بس بغرد .. إلا بسوي اوبرا عسبة هالسالفه .. brgll:

اختي قرموشة .. مشكورة على الرد.. وتريوني .. عبر الأثير وانا ألعلع :shock:

اخوي الحاضر الغايب .. اصلا نحنا معفينا من الدوره بس بنسير نمتحن وبيكون كالآتي :

Module 2: Using the Computer and Managing Files
Module 3: Word Processing

Module 4: Spreadsheets

Module 6: Presentation

بس ياخوي معظم الأشياء أو الCommands ما تغيرن .. فشو بستفيد زياده ..
لو قالولي مثلا خذ شهاده في تخصصك .. او مثلا شهاده في الإداره بقول اوكيه لأنه جيه بضيف لمعلوماتي وبتفيدني.. بس اللي ذكرته فوق .. ما بستفيد منه .. احس انه يفيد السكرتاريه وطلبة المدارس و المدرسين و اللي مول ما يعرف شو يعني كمبيوتر لأنه بيعطييهم معلومات بدائيه يعني
to get started at least
اتمنى انك اتكون فهمت انا شو ابا اوصلك .. :smartass:
بالنسبة للشهاده .. فلا مفر .. حاولنا وقالولنا قرار . . ولازم تاخذ الشهاده .. :no0: :nono:

[مايهزك ريح]

مرحبا اختي شوق القلوب ..
بيكون الإمتحان عبار عن يومين :harhar1:
وكل امتحان ثلاث ساعات ( حشا امتحان ثانويه عامه ) brgll:
كل امتحان فيهم بيغطي two modules من اللي ذكرتهم فوق ..
عن النتورك انا عندي شهاده من CISCO Systems .. فماعندي مشكله

عن الـ Trial عطونا الدوام سايت ينفع اللي هو :
http://www.icdlgcc.com/English

ومشكورة على الرد والمواساه brgll: