التنقيط.. و رأس الخيمة

[الرحيل]

اهلا وسهلا الاخت نقد بين اهلج

بالفتره الاخيره كنت الاحظ تطور كبير براس الخيمه

من كل النواحي يعني احسن عن قبل بوايد:love9:

اول ماكانوا يسوون الشوارع كل اهل راس الخيمه فرحوا

بس بعد سنه ونص ردت واختربت الشوارع اخص عن قبل:ma9dom:

طبعا في بعض الاماكن..بس ماعرف منو بيكون السبب بهذا الشي

بس على ماظن انه ماشي رقابه وهذي المشكله الاماره تدفع ملايين للشوارع والشركات لاعبه دورها بالنصب

عن ابوه شارع يكمل 3 شهور علشان يخلصونه وبلاخير يطلع اي شي

الله كريم

ومن ناحية الهندي اللي دوم واقف بلاخص على شارع خزام اللي هو جريب من فندق راس الخيمه تعودا عليه الناس لانه كل يوم الظهر يكون وافف

وبالنخيل تحصلون بعد لسقي الاشجار

بيني وبينكم راس الخيمه انا وايد ارتاح يوم اسيرها

اقدر اشم هوا يعني مش نفس بوظبي كتمه وازعاج:afaker:

بس يعني هالايام اشوف ازدحمت راس الخيمه وخاصة في اجازة الاسبوع

امم انا بس حبيت اقول انه ماشي رقابه:rune:

ومشكوره اختي نقد ونتريا اليديد منج

[لمّــاح]

الــسلام عليكم ..

اخي العزيز " نقد " .. الكل محاسب و الكل غلطان، السائق و صاحب التنكر و العامل، كل واحد منهم لازم يتحمل جزء من المسؤولية ..

بصراحه السبب الرئيسي لتعقيبي في الموضوع هو لتسجيل إعجابي الشديد بإسلوبك في الطرح ..

دمت بود ياخويه .. :kcl:

[ولد الحكومة]

مرحبا ... كيف الحاااال

... يمكن أنا مب من سكان راس الخيمه وليس عندي درايه بما يحدث فيهااا بس الي اعرفه ان شوارعهاااا متكسرة واااايد ، بس منذ ان تولى الشيخ/ سعود بن صقر ولاية العهد تغير كل شيء وتطورت الامارة بشكل رهيب ... والدليل على هذا التطور نجاح مهرجان عوافي يعني جذب الكثير من الناس للامارة.
.
.
.
والسموحه وما اقدر اتفلسف واااايد

شكرا اختي الكريمة عالموضوع ويعطيج الف عافيه

[عهد الوداع]

الرحيل ماشاء الله عليك كفيت ووفيت عن راس الخيمه ..حتى ما عطيتني مجال اضيف شي من عندي ...

شكلك مهندسنها عدل ...:cop:

وعلى طاري الزحمه ..صج شو سالفتها ...:kkk:والله طورت راس الخيمه brgll:

رغم كل السلبيات الي فيها ...بس والله فديتها هاي بلااااااادنا الحبيبه :ice:

ويسلمو على الموضوع

[حلم الطفوله]

السلام عليكم

هموم ومشاكل تعصف فقط بالمواطن !

تطور ونهضة على حساب الكم وليس الكيف ؟

لنلتقي ونرتقي ...ولكن لنجعل هدفنا المواطن العربي !

ما ادري يوم قريت عن سالفة التنكر حسيت إنا بعدنا بالزمن الغابر...

وتذكرت راعي تكسي متين مسمينه العرب تنكر كان يودينا بالهند من سنين

وحليلك يا تنكر:nono: ....

الله يعينك يا نقد .... والله يهدي الجميع