وين بتسافرون ؟؟؟

[لبن مثلج]

هلا والله ..

شورايكم لو كل واحد يكتب عن وجهته...

وين بتسافرون؟؟

وعقب مااتردون من السفر تعرضون مناظر من الاماكن الي زرتوها؟؟

يعني تبادل صور ومعرفة :ice:

وتمنياتي لكم برحلة سعيدة

[لمّــاح]

الســلام عليكم ..

يشرفني اني اكون اول عضو يرد على هالموضوع

هممم السنة بسير فرنسا ( يوم الاحد الياي ان شاءالله ) لمدة 7 ايام و عقبها لندن 10 ايام او يمكن انزيد على حسب يعني كيف الاوضاع و بــس .. طبعاً ويا الشباب مب الاهل ..

و في احتمال عقب ما ارد البلاد من هالسفره اسير ويا اهلي اتم وياهم كمن يوم و ارد ..

وبــس بيخلص الصيف .. و ببتدي ان شاءالله دوام و دراسة بكمل دراستي العليا بإذن الله ..

وانتي شو مخططه ؟؟

[لبن مثلج]

لماحكو:: اذا طلعت برع باريس خذ لنا كم من صوره للواحات واذا طلعت برع لندن بعد نفس الشي ،، ولاتنسى تتسوق في احلى مكانين ... واحلى شي يوم انك اتضيع الاجازة في السفرات رايح راد .. احلى شعور. ويحظكم انتوا الشباب لامحرم ولاهم يحزنون .. شليتوا شنطكم ........ وسافرتوا

على العموم رحلة سعيدة وممتعه

انا سايره جنوب افريقيا هالخميس ان شاءالله،، (يمكن ارد ويمكن ماارد) brgll: وان مارديت بتم هناك وبشتريلي منجم الماس بسميه لبن مثلج ..

وعقب مارد بدورلي سفرة ثانيه ان شاءالله .. وين مادري

وبعرضلكم صور من السفاري والمناظر الثانية ..

[الـيـاه]

سلااام !!

بالنسـبة لـي بسافــر تـاريــخ 15 - 7 لـــندن < مالـت علي عـيـد ميـلادي فالطــيـاره > لـول
لمـــدة عـشـر ايــام بنتـم هـــنـاك ..

بعدين بنسـير ألمـانـــيا خـمس ايــام , وعـلى أول ثمانــيه سويـسـرا عـسب الكـرنـفـال
بنتـم تقـريــبا ً اســبـوع و راديــن لبــلاد تـاريـخ 7 - 8 ان شـاء الله ..


عـسب اقــدر بعـد ارد
واتجهــز حـق الجامعـة , بمـا انـي أول ســنـه


وبس

.
.
.

[ا ل غ ل ا]

أنا بسير لبنان ،، تاريخ 7/7 وبنتم هناك شهر ونص ،، أدري تقولون خيبة وايد ،، شو نسوي بالوالد ؟!
أنشالله إذا شفت أشياء حلوة بصور وبحطلكم الصور ,,

[بنت الدلع]

يسألـــوني : وين بتـــصيف يا ملاك هالسنه
قلـــــــــــت : يا محلا غرفتي والمكيف والمخده ^_^



احتمال على نص 7 اســـير اسبانيا

[قرموشة]

نص ثمـانـيه .. على مـاليزيا وتايلانـد .. ان شااااااااااااء الله
بشتاق لكـم حـيل

[ولد الحكومة]

مراااحب ،،،

اممم انا ان شاء الله على أول ثمانيه بروح صوب اوروبا >> بلجيكا هولند فرنسا >>> أو استراليا

والسموحه

[مجموعة إنسان]

يحلو ريحة بلادي ...
ماشي سفر .. أحلى من النوم ماشي ..

[العيناويه]

قرموووووووووووووووووشه ,,, بخاويــــــــــــــــــــج ,,,
اناااااااااااااا اباااااااااااااا ابااااااااااا اسير ماليزيا وتايلند ,,,
بس ماليزيا لها مكاااااااااااااان في قلبي غير غير ,,,,
انا بسافر ان شاء الله اعتقد والله اعلم 7/7 ,,, بــــــــــــــــــــــس مابقولكم وين ,,,
يوم برد بتعرفون ,,,
لمااااااااحوووووووووووو ,,, احب صوغة الاماكن الي بتسيرلها ,,,

السمووووووووحه
عيناويووو طويلة العمر

[قلوب دبي]

ألسلام عليكم و رحمه الله

ان الله راد بسير سويسرا بالتحديد جنيف و ضواحيها تاريخ 20/7/2006
و بتم تقريبا 10 ايام و عقب بروح المانيا و طبعا ميونخ و يتم فيها مال كم يوم
ما حددنا بعدنا بس اتوقع من تاريخ 1/8/2006 الى 5/8/2006 ..
و اخر شيء بريطانيا طبعا لندن و بتم فيها تقريبا 10 ايام
لانه بحضر تخريج الشيخ مايد بن محمد بن راشد ال مكتوم
في اكاديميه سهانتيرز الملكيه ..
عقبها برد البلاد تقريبا بيكون في 12/8/2006 او 15/8/2006

بيتم لي شهر من اجازتي للحينه ما قررت شو بسوي في المده الباجيه ..

سفرتي نفس yahoo:harhar1:
بس اشوف اني امشي عكسها
خخخخخbrgll:

[دمعة شوق]

عيـناويوووووووووه
وياج وياج ماليه خـص
خطفي عليه اترياج ولا ترانيه ........
:harhar1:
يالله بسير ازهب اغراضيه
:negab:

[الـيـاه]

قـلـوبـوه

اوهوووو :nono: انا ما سلمت منك هني , حتى برع لبلاد لاحقنا لول
لا ونفس البلدان بعععععععععد XD



.
.
.

[صريح]

كنت بســافر وياا قوم لمااحكوو
بس الله ياخذ الكليه و الدراسه فالصيف
:no0:

و احتماال كبيـر اسيــر السويــد في نص 7



تسيرون و تردوون بالسلامه
ان شـاء الله
:)

[ولد الشحوح]

تركيااااااااااااااا ... 16-7 وبيلس شهر كاااااااااااااااااامل .... ( الله يعيني )