ليش يوم كانوا عندي ماكنت ابيهم واليوم ابيهم؟؟!!

[أليمه]

مرحبا ملايــــن...

شحالكم؟؟؟

ليش يوم كانوا عندي ماكنت ابيهم واليوم ابيهم

البدايــــه ::...

ايام المدارس وحده اسمها ::..ش..::

كانت دوم اتمر عند جامت صفنا تتمنى تكلكني

وانا مطقعه .. دوم كنت اقفطها... لن اهتمامها

فيني يقهرني لنها بزوود تهتم ... وع نهاية العام

عزيتها حيل حيل وفارقتها ... وينج يا ::..ش..::

سافرت بتدرس برع..

الغاليـــــــــــــــه::..ح ..::

كنت ارمسها ع المسن واايد كنت وياها وبعدين ماقمت اسولف وياها

وهذا الي خلاها اتعصب وخلاها تهزبني

ماكنت احب اسولف افــــــــــــــ ... اللقاء الاخير

ح::..اليمه انا ماراح ادخل مره ثانيه

اليمه::..ليش؟؟

ح::..اهلي مانعيني من كل شي

ربيعتي الي ويايه من ماكنت صف 3 ::..ل..::

كنا نلعب مع بعض واروح بيتها انام هناك

اللقاء الاخير ف عرسها...

اليمه::..مبروك ((ل))

ل::.. تباركيلي ع شوه ع شي مابغيه

اليمه::..كان لازم ترلافضين

ل::..اهلي متششدين وااايد اليمه مااقدر ارفض
وهو من هلي..

اليمه::..مابتم بروح

..................................:::............. ..........:::..................:::

كلهم روحوا الله يهنيهم ف حياتي بس جد وحشتوني

يالغالين...

[المزوحي]

نقابل ناس ونفارق ناس والذكرى الطيبة هي اللي تترك أثر طيب ...
يعني حتى لو صار إنه كنت اعرف فلان وسافر او مات اتذكره كيف كان لو بين فترة والثانية ..

أليمه .. تجارب مرت بحياتج .. تقدرين تتغيرين من بعدها ...
مهما قهرج فلات بتصرفه المبالغ ... اتجاهليه لكن لاتجرحينه ... بس عسب مانندم ..

دايما اللي نباه مانحصله واللي عادي عدنا عدم وجوده يكون ويانا ...

[ناعسة الطرف]

مرحبا .... هاذي حال الدنيا يا أليمه ما أدوم على حال واحد

الله يصبرج على فراق اللي تحبينهم اكيد لج ذكريات حلوه وياهم اذكريهم بالخير

أختج .... ناعسة الطرف

[قرموشة]

لحـظــات الوداع أصـعب على الشخـص ما يكـون
.. يامـا شفنا ناس وعرفنــاهم لكـن ما حـسينا بغلاتـهم
الا بعد فرقاهــم ..

كـلمـه أخـيره ..
اشـتــقت لكـم حـيل انا بـعد .. :(

[وعد]

يا عزيزتي هذي الدنيا تفرق ما تجمع
الله يوفق ربعج بحياتهم وانتي بعد بجئ يوم هم بيقولون وين اليمه وايامها خذتنا الدنيا ومشاغلها

[ظبية]

عادي الدنيا لقى وفراااااااااااااااااااق...وكل ما تمرين بمرحلة بتفترقين عن حد...


وبعد الزواااااااااج يمكن نادراً لو حصلتي حد تم وياااااج ...


عادي خذي الدنيا ببساطه ^_^

[أليمه]

المزوحي::...

الدنيا لقى وفراق شرى ماتفضلت

وتسلم ع المرور الطيب..

[أليمه]

ناعسة الطرف::..

اكيد نذكرها حتى لوكانت تناتيف ذكرى

والله يسلمج اختي..

[أليمه]

قرموشه::..

للذكرى محطات ومااحلى

تلك المحطات التي تئخذ على محملها

بالذاكره وتجعلنا نبتسم...

مي تو والله

[أليمه]

وعد::..

تسلمين غناتي ع المرور..

[أليمه]

ظبيه::..

تسلمين غناتي ع المرور

لقى وفراق وهموم بالقلب تزداد
وش حالتي يومني فارقت اعز ناسي؟؟!!

مثل ماقلتي.........

ببساطه

[هزاايم]

أليمه إختي هذي الدنيااا لقااء و ودااع وصدقيني رااح تتلاقوون مره الثانيه لأن مستحيل الدنيا صغير وشراات ما ودعتيهم رااح تلقينهم<<<دووم ينقاال لنا والصرااحه ينطبق>>حبوبه ماأقول غير ربي يوفقهم وين ماكانوا وأكيد هم ذاكرينج وربي يوفقج ولايهمج

[عذبة الروح]

السلام عليكم والرحمه

اشحالج غناتي .. عساج بخير ؟
قريت كلامج وقلت فـ خاطري
ما نحس بـ غلا احبابنا .. الا يوم نفقدهم

وهـ الشي صار وياج الحينه
لكن عزايه الوحيد لج
انج تحمدين ربج اللي جمعكم .. ولو بـ لحظة وداع
تقدرين تذكرينهم فيها

تخيلي نفس بـ دون هـ الذكرى
كيف بـ تكون حالتج ؟!
هونيها وتهون عليج غناتي
والله يحرسج ويحميج .. ويريح قلبج يا الغلا

والسموحه عـ الكلمات
وربي يعطيج الصحه والعافيه
ويسلمووونيشن اليمتنا

اختج
عـذ الـروح بـة

[طير الغرام]

هاي الدنيــــــــا
لقــــــاء وفــراق

لقـــاء يسعدنـــا وفـــراق يؤلمنــــا

[تحفه]

إستغلي كل فرصه وراوي ناسج و ربيعاتج كيف انتي تحبينهم .. محد ظامن عمره .. يمكن اليوم نحنا "احياء" .. باجر "اموات"

انا يدوتي تعبانه .. ونا وااااااااااااااااااااااااااااااااااايد احبها وحزينه لأني عارفه عمري مقصره اتجاهها .. طول عمري كان همي وناستي وبس .. كنت استغل كل فرصه اظهر فيها من بيت يدوه عشان اتحوط .. بس الحين بعد الي صار .. صرت ما اطوف فرصه إلا واكون معاها ..

بس بعد ما يكفيني .. أبيها ترجع مثل اول .. انا وايد ندمانه :(

وهذا درس عمري ماا بنساه .. ولازم كلحد يتعلم منه ..

انا مش راضيه عن نفسي لوايد امور حصلت لي .. اتمنى لو الزمن يرد سنه لورى .. كنت بكون احسن ..

تصدقين .. أنا وايد شخصيتي تغيرت من توفى يدي الله يرحمه .. للحين ما اصدق ان في ناس تموت . . دايما احس انه هو مسافر و بيرجع .. بس سفرته طووووييييله .. أنا متولهه على ايامه وايد .. ما تصدقين كيف الدنيا .. ما تحسين بقيمت الي يحبونج صدق .. إلا يوم .........


اسمحولي مابي اكمل .... صار الموضوع مزعج بالنسبالي !