اللهم استغفرك من كل ذنب

[لمّــاح]

السلام عليكم

أحسن الصور عندي هن رقم 2 و 3 ..

بس بخصوص البلر، بعدني احس انه زايد ولا شو رايج ؟؟

الصورة الثالثه ممتازة، حركته حلوه كأنه يترجى الله و عيبتني السياده الخضرا نفس الي تنباع في مكه :harhar1:

الصورة الرابعه .. احس الصورة مضببه صوب راس الولد و الولد مب واضحه ملامحه ..

في المرات اليايه حاولي اتركزين على هالنقاط:

1- قللي البلر في الصور
2- يوم بتصورين .. معظم الكيمرات الحين فيهن Metering system .. يوم اتجادين الكيمره على الولد هوسي نص دقمه و بتسمعين بيب، هالصوت هو الي يأكدلج ان الكيمره على استعداد لإلتقاط الصورة .. المهم الفكرة الي ابغي اوصلج اياها هي ان الكيمره تتفاعل بالعكس مع النور الي برع الكيمره فإذا جاديتي الكيمره على المكان الفاتح ( يعني الكندوره ) الصورة بتكون غامجه .. و العكس صحيح اذا جاديتيها على الشعر الصورة بتكون فاتحه .. ف الي اباج اتجربينه انج يوم بتصورين التقطي كذا صورة لنفس الشخص لكن المرة الاولى جادي العدسه على كندورته و ثاني مره على شعره وبتلاحظين الفرق ..

عموماً انا هاي نصايحي الحين و السموحه منج على التدخل :kcl: