بخصوص صعوبة العربي ( ثانوية عامة )

[حزين الشحوح]

السلام عليكم ورحمه الله وبركاته

بخصوص امتحان العربي ورقة اولى يمكنكم تقديم شكوى وارساله للوزير مباشرة . من ناحيتي انا سويت اللي علي وطرشت شكوى والباجي عليكم عسب يشوفون كثره الشكاوي عل وعسى نطلع بنتيجه

الوصلة

http://www.moe.gov.ae/askminister/AskForm/ask.htm

اخوكم حزين الشحوح

[دمعة شوق]

وعليـكم السـلام والرحمه

هيه والله كلهم يشتكون من صعوبـة الورقـة الأولـى
واسميهم دعوا عليـهـم
الله يعينا نحن السنة اليايه
’’
بسـير اجـمـع الشـلة
وأخلهم كلهم يكتبـون

’’
شـكـرا ً ياخـوي
وربيه يوفق كل طلاب الثانوية العامه
ويعينـهـم الله

[حزين الشحوح]

دمعة الشوق خبري كل ربعج خليهم يشتكوون

نبا شكاوي واااايد

وتسلميين

[حزينة الشحوح]

صح في ناس قالوا صعب ،، بس في ناس قــالوا ســهل مثلا ً ..

عضــوه اربيعتي وهي في الواحات قالتلي الامتحان ولا أتفه منه ..
أتقولي اللي مذاكر بيكون سهل عليه والا هاه شووي والله انه بيكون صــعــب ,, وأنا وايد من أهلي قالــوا ســهل ,, بس صح الورقه الثانيه كانت والله أنها دوم يخلون النحو صفحه ونص ,, هااي السنه مخلينها 3 صفحات ..

قــالولي يعني الورقه الثانيـــــــه مب الورقـــــــه الاولـــى ..


السموحه منكم ,,

[حزين الشحوح]

بنشووف النسب للي يقولون سهل

[الجديدة]

تسلم أخوي على الموقع
اخواني و عمومتي كلهم بيطرشوا رسائل للوزير
لان الامتحان كان صدق صعب
و ان شاء الله يراعوكم في الدرجات

[ولد الحكومة]

سلام عليكم
الاخ العزيز / حزين الشحوح .. ينقل الموضوع الى واحة المدارس والجامعات كونه الانسب هناك ..

والسموحه شيخي :puppyeyes:

[بلوة حلوة]

تصدقون اني داخله الواحات بس أدور اذا حد كاتب عن الامتحانات ولا لأ !!:ice:
لاني كملت قريب الشهر ما حدرت :kkk:
وهالموضوع بس اللي حصلته ! ..

الامتحـان مش انه سهـل .. بس مب لذيـج الدرجه الي نقول فيها عنه * صعب *

اللي فــاااهم بيقـدر يحـل .. بس الي حافـظ بيلاااحظ ان الأسئلـة يا إما تلف وتـدور أو يايه بـ طريقه غير!

وبالنسبـة للـنحو انه 3 صفحات هالسنة أحس احسن عن دوم

لان توزيع الدرجـات بيكون أقل عن قبل !! ..

والحمدلله النحـو ماكان صعــب بعـد ..

بالتوفيـج لليـميع وان شالله باجي الامتحـانات اتي سهله وفـ مستوى جميع الطـلاب\ الطالبات ..

والسمـوحه

ادعولي

[كـلـكـلـووش]

الله يوفـــجكم .. شـــدو حيـــلكم

[ولد الشحوح]

بالتوفييييييييييييييق وإن شاء الله تعوضون فالإمتحانات الياية
حزين الشحوح ... لك مني عزيمة إن يبت نسبة حلوة ... شد حيلك

[أمرين]

شدو حيلكم والله يوفجكم

[حزين الشحوح]

ولد الشحوح :

الله كريم

[حزين الشحوح]

نسبة النجاح بامتحان العربي ورقة اولى

قسم الادبي 70%

قسم العلمي 92%

[الدلووووعة]

والله انا محد قهرني غير ها اللي حطنة

اونه شو انا محطي الامتحان مابين الضغيف والمتوسط

هو صح هب صعب بس بعد هب سهل

بس انا لو كانو يخلوني ادخل النت الفتره اللي طافت جان اشتكيت عليه

بس بعد في امتحانات هي صدق سهله بس يوم ايون اربيعاتي المدرسة يقولون انه هم كاتبين فالجريدة انه الامتحان كان صعب


يعني شرات الفيزيا صراحة الامتحان كان سهل ولا اليوم الثاني اربيعتي تقولين تعرفين انهم كاتبين فالجريدة انه صعب قلت هيل ماينعرفلهم الامتحان اللي يكون صعب يقولن سهل والسهل يقولن صعب

بس يله خلصنا ونرق النسبة واله انها هم هاي النسبة بعد اله يستر

[هزاايم]

واما اقول غير ربي يوفقناا
اقول اشتكووا على امتحاان الجيولوجيا هو كان سهل لكن مراقباتنا كانوا تعيساات و الصرااحه محد غاصبنهن على المهمه

و في امتحانات ماكانت صعبه وبعد مش سهله
إلي قاهرني امتحااااااااان الكيميا مااقول غير الله يطول بعمر البقااله:ice: برد خاطرنا