اعضاء _الرسائل الخاصه_

[وعد]

اليمه شرايج خيتو
تخلين كل واحد يحط تكمله ن عنده؟؟؟؟؟
واكيد بعد تكملتج بتكون هي الابرز

[أليمه]

اسهر معي ليله::..

معاك حق فلي قلته وطبعن الغلط

الي ارتكبته البنت انها ردت عليه

وياكثر هالفئه الي ترمس عنها الي يضهر

لناس انه محترم وهو .!!!!

واشكرك ع تواجدك اخويه

عاشق القلم::..

ف النهايه سوت الشي الصواب

وهذا المهم بس ف نظريه

وصح لسانك

طير الغرام::..

يسلملي مرورج اختي

مناوي::..

مااضن المنتديات الثانيه

تراها فاتحه ابوابها للتسجيل

وسلمين قلبي ع المرور

نور الايمان::..

تسلمين ع المرور غناتي

الملهم::..

انا معاك ف هالنقطه بس المشكله

انهم مايخافون انه الي يسونه يرد

فيهم..

وتسلم اخويه ع المرور والتعقيب

العجيبه::..

مب اله لوتي ونص

يسلمي حظورج

هواجيس مشتاق::..

معاك حق ف كل الي قلته ناس فاضيه ماعندها

شغل مطول الدرب وهو قصير..

تسلم اخويه ع المرور الطيب

صدى جوفي::..

اشكر تواجدج ف موضوعي واتمنى

انه عيبج

ريم العين::..

اول شي...

لووووووووووووووووووووول
حليلهن ربيعاتج
ثاني الشي...

صدقج انا اشوف لو انه الي يبون

يسون هالحركات ساروا الشات

احسن من انه يدخلون المنتدى


محب الشيخين::..

اشكرك اخويه ع المرور


قرموشه::..

اشكر حظورج حبيبتي

وعد::..

اول شي تسلمين ع المرور وثاني شي

قوليلي رايج مو مشكله..

دخون::..

اشكرك تعطيرج للموضوع الغاليه

كلولش::..

كلام فصيح اخويه

فعلن نحن مانعرف منوه وراها

واشكر تواجدك

خيال الروح::..

تسلمين ع المرور..
ومعاج حق غناتي


قلوب دبي::..

تسلم اخويه ع المرور

وصح لسانك ع ماافدتنا به


دموع القلم::..

مثل ماتفضلتي غناتي ياكثرهم الي يبرزون

لنا شخصيه مختلفه عن الي يضهرونها امامنا

ونتفاجئ يوم يقولولنا تراه سوى...

حبيت اشكرك حبيبتي ع المرور الطيب
والكلمات الي افدتنا بها



امرين::..

العفوا الغاليه ..

لوووووووووووووووووووووول

مابخبرج.. ثانكس ع المرور

الثعلب الرمادي::..

هذا الي ظاهر عدنا هني

واشكرك ع المرور

شمعة امل::..

معاج حق هي صح المولات متروسه البلد

يعني حبكت السالفه ع النت..

بصراحه عطيتيني فكره لموضوع

شكرن ع المرور

دانة حتا::..

شفتي عاد

تسلمين ع المرور

قايد الريم::..

طبعن انا اصلن ام الفضايح

احب افضح..لووووووووول اسولف
اشكرك اخويه ع المرور

اختكم..

[كـلـكـلـووش]

يـــحـــلــيــلــه اللـــوتـــي . . نـنـــتـظر التــكــمـلـه . .

لا تــبـطيـــن عــليـــنـــا . .

[أليمه]

اجبته:

اخوي الظاهر انا عطيتك ويه

وتحريتني غشيمه..

[mark=000000]"""""""""""""""""""""""""""[/mark]الرد:

لحظه لا تفهميني غلط انا قصدي شريف

واذا مو مصدقه ضيفي وبعدين سوي بلوك

لنه من الاساس انا مرباي ف بيت هلي

[mark=000000]""""""""""""""""""""""""""""[/mark]
اجبته:

بسئلك اخوي..الي قصده شريف ينط من الدريشه

ولى ع طول يحدر من الباب؟؟

ومرباي ع قولتك يرضى انه يتعرض لبنات الناس

بالاهانه؟؟

[mark=000000]""""""""""""""""""""""""""""[/mark]

الرد:

اولن انا ماطلبت ايدج .. وماحيد اني رقمتج

انا بس قلت ضيفيني وماحيد انه المسنجر

الي بس كتابه فيها شي

[mark=000000]"""""""""""""""""""""""""""[/mark]

اجبته:

انزين يوم انه مافيها شي شو رايك تعطيني

ايمل اختك واخلي اخوي يرمسها ع المسن ترى

مافيها شي... وله انته شو رايك؟؟!!

[mark=000000]""""""""""""""""""""""""""""""[/mark]

انتظرت الرد ولكن لم اجده في الاسبوعين الاولين

لم يقم بدخول الى المنتدى كثيرا وفي الاسبوع الثالث

تم ايقاف عضويته..وفي نفس اليوم كتب المدير رساله

لفتت نظري...

تم ايقاف عضوة ............. بسبب تحرشه برسائل الخاصه

لبعض من فتيات المنتدى وبسبب ارساله فايروس لكل من

وثق به واعطاه الايميل الخ......................................

.................................................. ......................

.................................................. ......................

كثير من الشكاوي ولكن والى اليوم وانا اتسائل هل وصلته

رسالتي ؟؟ ام انه انسان من دون ضمير يحب التلاعب على الناس

ولا يكترث لما يقال عنه؟؟!!

____________________________________________
____________________________________________

بعد ان سرد علي هذ النص تئملت المتكلمه وفي خاطري نفس الأسئله

هل هل فعلن لم تصله الرساله ام انه انسان بدون ضمير يمشي ولا يكترث

بما يقال بليعتبرها ايضن كلام عابر تعود ان يسمعه؟!!

.................................................. .........................................

[mark=999999]هاي السالفه قالتها لي وحده من تجربتها..
ويوم سئلتها ليش من البدايه عطيتيه مجال
قالت:لنه عضو كبير ف المنتدى مش صغير
وانا نفسي اتفاجئت يوم عطاني ايميله..[/mark]

[ريم العين]

ههههههههههههههههههههههههه ههههههههه

حليلها البنت الحمدلله انها ما عطته الايميل.... يمكن دش بنك ثاني


المهم الراي هو

لازم نبتعد من الاول عن هالرسائل مع الكل تستوي هالمشاكل

حتى اتذكر هالسنه ربيعاتي تقريبا نص الصف مشترك فمنتدى وقالولي اشترك فيه اشترت فيه واسبوع وودرته ولا اسمع الابله تقولهم انتو جي تسولفون وجي الشباب بيطرشولكم رسايل لانكم صغار وتقول في وحده اشتركت فمنتدى وقالت عمرها 30 محد يا صوبها ولا شي خخخخخخخ والله اسلوب الابله كان يضحك ضحكت من الخاطر بس احين مول ما ادشه بس ربيعاتي الله يعينهم

هي صح يوم يرمسون عن المنتدى وحده تقول للثانيه انتي ليش يوم تطرشيلي رساله خاصه تكتبين اسمي بيقرونه وبتوهق الثانيه ترد لالا ما يقرون الرسايل الخاصه ولا شي وانا اضحك عليهم من الخاطر والله اربيعاتي ماشي مثلهن فالعبط


الله يهديه ويهدي الجميع كسر خاطري سمعته اختربت هههههههه

[راعي الزعـامه]

البنت طبعا سوت الشي الصواب وماعتطته
بس بعد المفروض من الاول ماتكمل وياه وماتعطيه ويه
عالعموم ذا بيتوقف من ها المنتدى اكيد بيسير مننتدى ثاني وبيسوي نفس هاي الحركات
شكرا اختي اليمة عالموضوع الشيق

[خيال الروح]

السـلام علـيكم

المفروض من البـدايه ما تسويله سالفه ,, وخـاصه انه تم يطرشلها اكثر من رساله
بس زين عرفت كيف ترد عليـه عقب

وشو يعني لو كان عضو كبير او صغير :nono:
ترى كلهم بشر ,,

؟؟

:

[منــاوي]

هيه صدقهم اخواني اللي ردوا قبلي
المفروض ما تعطيه ويه واتكلمه ..
لو كل وحده اتجاهلته يوم هو يسوي هاي الحركات اكيد بيتغير اسلوبه
بس في بعض البنات الله يهديهم عادي عندهم ..

مشكوووره اختي أليمه ع الموضوع .. :)

[إسهر معي ليله]

مثل ما قالوا الأعضاء قبلي

من البدايه لازم توقفه عند حده.. لكن الأهم انها فالنهاية ردت عليه بـ رد مناســـــــب
وإذا كان عضو كبير مب معناه اني أسايره!! ،، هاي مشكلتنا رغم انه فيه وايد مــــن
الأعضاء الكبار (على قولتكم) هم اللي يسوون البلاوي.. يعني حاميها حراميهـــــــــا
والله يستر عالجميع

عـ العموم هذا منتدى واللي يدوّر هالسوالف عنده وايد مواقع ثانيه مسوايه للتعارف
والله وايد سوالف سمعناها عن أعضاء ويانا... وللأسف هم اللي مسوين عمارهــــم
مثقفين ومحترمين،، الله يهديهم !

ما أبرّي نفسي من شي.. بس الحمد لله عمري ما تعمدت اطرش رسالة خاصه لعضوه
وأشكره قصدي أتعرف عليها brgll:

والسموحه

[دموع قلم]

يضـم المنتـدى أجنـاس مختلفـة من النـاس,
راقي وتـافه, صغيـر وكبيـر, صـادق ومنــافـق... وغيـرهم..

وبخصـوص هـذا الموقـف..
كمـا قـالوا الأعضـاء المفـروض من البـداية أن الفتـاة لا تـرد على رسـائله, وتـلاحـظ من رسـائلـه
وكلمـاته أنـه ينـوي نيـة سيئـــة عليـهـا.. حتـى ولو كـان العضـو مميـز أو مرتبـه عـالي في المنتدى

الصراحـة.. تكمـن الطامـة الكبــرى فــي نفــاق الأعضـــاء, وكثيـــرا مـا لاحظــت هــذا الأمـر, فمثـلا
عضـو يكلم الفتيات في المسنجـر والتـلفـون, وترى تعقيـبه على أحد المواضيـع بالرفض هذا المبـدأ!!
أو فتـاة تعقـب بحمـاس علـى مـوضـوع الحجــاب وستـر العـورة, وللأسـف هــي نفسهــا تـظهر خصـل
من شعـرها عنـدما تخـرج للنزهـة, أو شـاب يرفـض فكـرة المغـازلة وتـراه أشهـر المغازليـن.. !!

بـالطبـع كلنـا نحـب أن نعكـس أجمـل مـا لـدينـا للآخـرين, ولكـن بمـا أننـا نعلـم مـا نفعلـه خاطـئـا, فـلما
لا نغيـر مسـارنـا, ونقتلع عن هـذه العـادة السيئـة.. وأنا لا أسيء الظـن على جميع أعضـاء الـواحات,
ولكـن للأسـف تـوجـد البعـض منهـم بهـذه الطريقـة.. وعسـى ربـي يهـديـهم..



أشكـرج أختـي أمـرين على المشاركـة الحلـوة والمهمــة
وأسعـدتنـا بعـودتـج وعـودة مشـاركـاتج المميـزة.. وعسـاهـا تـدوم :)

[قلوب دبي]

السلام عليكم ورحمه الله

العضوه اجدت في تصرفها لانه اصحاب النفوس الضعيفه
موجودين في كل مكان و مهما كانت شخصيه الشخص المخاطب
لابد من اخذ الحيطه في جل نواحي المحادثه
فالانسان مب معصوم من الخطأ و قد تأثر رسائل المرسل
على الشخصيات الاخرى في الميول له ثم الى استغلال العواطف
والتأثيرات النفسيه ..
لج ختيه جزيل الشكر ع
الرساله الخاصه في مضونها التوعوي
ويزاج الله خير ..

قلوب دبي

[الملهم]

لا اظن ان مثل هذا النوع من الشباب يتعظ او يعتبر ..
ولا حياة لمن تنادي ..

الحل هو الاجتناب من هذا النوع بكل الطرق ..
والفعل التي فعلته العضوة هو عين الصواب ..

[أمرين]

تسلمين الغالية ع الموضوووع


هههههههههههههه

والله حالة ...
بس خاطري أعرف منووو هــذا ؟....

[الثعلب الرمادي]

هذا ريال قلبه كبير و عنده وقت :)

[وعد]

امممممممممم
حلو عندي راي بس راح احتفظ فيه لنفسي لانه الكثرة تقلب الشجاعه ههههههههه:hist: